ويکيپېډيا:هغه ليکنه چې ما جوړه کړې وه، ولې ړنګه شوه؟

مخونه او دوتنې تر ډېره د ويکيپېډيا پازوالانوله خوا د ړنګولو تګلار سره سم ړنګيږي. په دې مخ کې په دې باندې بحث کيږي چې څه ډول د يو مخ يا دوتنې په ړنګولو اقدام وشي او که چېرته يې د ړنګېدو مخالف ياست، نو څه بايد وکړئ. ناهيلي کېږئ مه د ړنګ شوي مخونه منځپانګه په اصل کې له منځه نه ده تللې، د لازياتو مالوماتو لپاره لوستلو ته ادامه ورکړئ.

ستونزه څه ده

لومړی د ړنګېدو يادښت وګورئ

کله چې يوه مخ ړنګيږي، نو په ړنګولو يادښت کې د هغې د ړنګېدو يادښت د ړنګوونکي پازوال له خوا ليکل کيږي، په دې اړه د مالوماتو کتلو لپاره د ړنګولو يادښت مخ ته ولاړ شئ او د ليکنې يا د هغې د ليکوال نوم سره يې وپلټئ. د مخونو ړنګول په څلورو بېلابېلو تګلارو ترسره کيږي، د ړنګېدو توضيح تاسو ته دا ښيي چې دا ليکنه د کومې تګلارې په اساس ړنګه شوې ده:

1. که يادښت کې «سپم»، «ړنګول»، «چټيات»، «خالي مخ» یا «چټک ړنګول» وي دا معمولاً په دې مانا دي چې ستاسې ليکنه د چټک ړنګولو تګلارې سره سم ړنګه شوې ده.
2. که يادښت کې «نېټه وار ړنګول» یا «ړنګېدو غوښتنه» دا په دې مانا ده چې ستاسو ليکنه د نېټه وار ړنګولو تګلارې سره سم ړنګه شوې ده.
3. که يادښت کې «ړټپ» یا «ړنګېدو ټولپوښتنه»، يا دې ته ورته ليکنې وي، نو دا په دې مانا ده چې ستاسو ليکنه د ړنګېدو ټولپوښتنې سره سم ړنګه شوې ده.
4. که په يادښت کې ليکل شوي وي چې «خپرېدو حق»، «بې اجازې» او… يانې د پاموړ مخ ليکنه د خپرېدو حق کې ستونزه لرله او د يوې اوونۍ دننه دا ستونزه نه ده حل شوې.

د لازياتو مالوماتو لپاره د هماغه مخ لاندې برخه وګورئ، که د ړنګېدو ياښت سره سره بيا هم پوه نشوئ، نو د پازوال د خبرو اترو پرمخ خپله پوښتنه وکړئ:

1. د پازوال د «خبرې اترې» مخ باندې کليک وکړئ.
2. د خبرو اترو مخ پرانيستلو وروسته په پورته کيڼ لوري کې د «سرليک ورګډول» باندې کليک وکړئ.
3. موضوع/سرليک او پیغام مو وليکئ په اخر کې دا (~~~~) نښې چې ستاسې لاسليک ګڼل کيږي، وليکئ او «Add Topic» باندې کليک وکړئ.

چټک ړنګول

ځينې مخونه او دوتنې چې ځينې ځانګړي شرايط په ځان کې ولري، نو چټک ړنګېدو ته نوماند ګڼل کيږي، په دې مانا چې پرته له خبرو اترو د ړنګولو وړ دي. هغه مخونه چې بې مفهومه منځپانګې ولري، د خپرېدو له حقه يې سرغړونه کړې وي، يا د ويکيپېډيا له نورو تګلارو سره په ټکر کې وي، د چټک ړنګېدو معيارونو لاندې راځي او پازوالان چې کله دا ډول مخونه ړنګوي له ځينو لنډيزونو کار اخلي چې په چټک ړنګېدو معيارونه کې يې کتلی شئ.

ړنګېدو غوښتنه

هر کارن کولی شي چې د لیکنو د ړنګېدو غوښتنه وکړي (نه د نورو مخونو او دوتنو). که د هغه په غوښتنه څوک نيوکه ونکړي، ليکنه وروسته له يوې اوونۍ ړنګيږي، که څوک نيوکه وکړي، نو په دې وخت کې ليکنه نه ړنګيږي، په همدې ډول هر کارن کولی شي چې ويکيپېډيا:ړنګېدو ټولپوښتنې کې د يوې ليکنې د ړنګولو غوښتنه وکړي. هغه مخونه چې په دې تګلارې سره ړنګيږي معمولاً د «نېټه وار ړنګول» یا «مخکې له ړنګېدو» د ړنګولو يادښت کې ذکر شوي وي.

ړنګېدو ټولپوښتنه

کولی شئ چې ليکنې او دوتنې په ړنګېدو ټولپوښتنې کې د ړنګېدو لپاره ونوموئ، ترڅو نور کارنانو د هغې د ړنګولو يا پاتې کېدلو په اړه خپل نظرونه ورکړي، دا ټولپوښتنه معمولاً يوه اوونۍ (اووه ورځې) وي وروسته له هغې که د کارنانو له نظره ليکنه د ړنګېډو وړ وه، نو پازوالان د هغې په ړنګولو اقدام کوي، په دا ډول بحثونو کې هر کارن برخه اخيستلی شي، خو دلته رايه ورکول مهم نه دي، په دې مانا چې دا مهمه نه ده چې د يوې ليکنې د پاتې کېدو يا ړنګېدو لپاره دې ډېرې رايې ورکړل شي، مهمه دا ده چې د ليکنې د پاتې کېدو يا ړنګېدو لپاره په دلايلو ولاړ نظر ورکړای شي، ترڅو د هماغه دلايلو له مخې ليکنه وساتل شي يا ړنګه کړای شي.

هغه مخونه چې له جوړولو خوندي دي

ځينې مخونه څو څو ځله جوړ شوي او ړنګ شوي وي، او بلاخره پازوالانو هغه مخ له جوړېدو د (ويکيپېډيا:ژغورنې تګلار) سره سم خوندي کړی وي . که تاسو دا ډول مخ جوړول وغواړئ، نو په خپلکارې توګه تاسو يو پيغام ترلاسه کوئ چې دا مخ له جوړېدو خوندي شوی دی.

څه بايد ونکړئ

• لکه دمخه مو چې يادونه وکړئ، په دې مه خپه کېږئ چې ستاسې ليکنه ړنګه شوه، ځينې کارنان د خپلې ليکنې په ړنګېدو ډېر عصباني کيږي او خپه کيږي ځکه د هغې په ليکلو هغه ساعتونه وخت تېر کړی وي، تاسو بايد کوښښ وکړئ چې د ويکيپېډيا د اصولو سره سمې ليکنې وکړئ، دا اصول او قوانين د يو نړيواله سمونګر پوهنغونډ د رامنځته کولو مشترکه يوه هڅه ده.
• مهرباني وکړئ هغه پوښتنې چې ستاسې د ليکنې د ړنګېدو اړوند وي، دلته مه ليکئ، د لارښوونې لپاره ويکيپېډيا:لارښود مېز ته مراجعه وکړئ.
• لطفاً يوځل ړنګه شوې ليکنه بېرته په هماغه منځپانګې پرته له اصلاحاتو مه جوړوئ.

مروجې تېروتنې

ډېر وخت داسې کيږي چې نوي کارنان يوه ليکنه کوي، خو وروسته خبريږي چې د هغې ليکنه ړنګه شوې ده، په دې حالاتونو کې نوي کارنانو د ليکنې ليکلو پرمهال ځينې رايجې تېروتنې کوي چې لاندې يې يادونه شوې ده، که تاسو يو نوی کارن ياست او ليکنه مو ړنګه شوې نو دا لاندې ټکي حتماً ولولئ، که مو پوښتنه لرله، نو له هغه کارن څخه چې ستاسې ليکنه يې ړنګه کړې د هغه د خبرو اترو پرمخ يا د ويکيپېډيا:لارښود مېز کې خپله پوښتنه وليکئ او د لارښوونې غوښتنه وکړئ.

• د ويکيپېډيا له تګلارې ناسم درک: لازمه نه ده چې په ويکيپېډيا کې دې د هر څه په اړه يوه ځانګړې ليکنه موجوده وي، يوازې هغه موضوعات باندې ليکنه کېدای شي چې ويکيپېډيا:پېژندوړ وي. ډېری ليکنې يوازې په دې خاطر ړنګيږي چې موضوع يې د پېژندوړ نه وي، يانې موضوع د ويکيپېډيا د يوې ځانګړې ليکنې په توګه د اعتبار وړ نه وي.

  نکته: پېژندوړ په دې مانا نه دی چې ليکل شوې موضوع دې په خلکو کې عامه اوسي، بلکې ډېری څيزونه او اشخاص په رېښتيني نړۍ کې ډېر مهم دي، خو د ويکيپېډيا له نظره داسې د پېژندوړ نه دي چې د هغې لپاره يوه بېله ليکنه وليکل شي.

  نکته: لازمي نه ده چې هره موضوع دې يوه ځانګړې بېله ليکنه ولري، ډېری موضوع ګانې کولی شو چې د يوې ليکنې ترڅنګزنو سرليکونو او برخو لاندې راولو.

  نکته: په لنډ ډول د ويکيپېډيا پېژندوړ مفهوم باندې پوهېدو لپاره، ويکيپېډيا:پېژندوړ لنډ لارښود ولولئ.

• بلې ليکنې سره د خپلې ليکنې پرتله کول: ډېر وخت داسې کيږي چې د يوې ليکنې ليکوال د خپلې ړنګې شوې ليکنې په غبرګون کې نيوکه کوي چې «ولې هغه پلانۍ ليکنه چې کيفيت يې د دې د ليکنې په څېر دی نه ده ړنګه شوې؟ يا دا چې د ده ليکنه د هغې ليکنې نه په کيفيت کې ښه وه، ولې ړنګه شوې؟» ځواب يې سادده دی: ويکيپېډيا له هره لحاظه پوره نه ده او له نيمګړتياوو خالي نه ده، او ډېرې داسې ليکنې لري چې بايد ړنګې شي، خو يوازې له دې کبله پاتې دي چې د هغې بياکتنې ته اړتيا ده چې چا ورته وخت نه دی پيدا کړی.

  نکته: که يوه نامناسبه ليکنه له پخوا موجوده وي، دا د يوې نوې نامناسبې ليکنې د رامنځته کولو دليل نشي ګرځېدای، په دې مانا که يوه ناسمه ليکنه له پخوا موجوده وي او بل شخص هم د هماغې په تقليد يوه نوې ليکنه وليکي چې نامناسبه او د ويکيپېډيا له اصولو سره په ټکر کې وي، که کوم شخص هغه ړنګېدو ته نومانده يا ړنګه کړي، د ليکنې ليکوال د بلې نامناسبې ليکنې موجوديت د خپلې ليکنې د پاتې کېدو لپاره د دليل په توګه نشي نيولی.

  نکته: که مو دا ډول ليکنې وموندلې، په ويکيپېډيا:ړنګېدو ټولپوښتنې کې يې وليکئ، ترڅو د هغې د ړنګېدو په اړه هم لازم اقدام ترسره شي.

• تبليغاتو ممنوعيت: تبليغات يوازې دې ته نه وايي چې «زمونږ محصولات وپېرئ!» بلکې دا هم يو ډول تبليغات دي چې يوه ليکنه دې د بېلګې په توګه (د کولر جوړولو شرکت) په اړه وليکل شي او په هغې کې يوازې او يوازې د ياد شرکت د لاسته راوړنو او ګټو په اړه خبرې وشي او سرچينې يې هم د ياد شرکت په شخصي وېبپاڼې پورې تړلې وي، په ويکيپېډيا کې دا ډول ليکنې تبليغات ګڼل کيږي او په کلکه منع دي.

  نکته: ښه ليکنه هغه ليکنه ده چې په خپل ځان کې د هغو «نيوکو» ځواب ولري، کومې نيوکې چې په ياده موضوع باندې کېدلی شي.

  نکته: ويکيپېډيا:باوري سرچينې وګورئ. شخصي وېبپاڼې (يا هغه کتاب چې په ياده موضوع ليکل شوی، یا دې ته ورته نور) ښې سرچينې نه دي، ځکه چې ګټو ټکر لري، له خپلواکو سرچينو ګټه واخلئ.

اړوند

• ويکيپېډيا:کور جوړېدو کې دی، مه يې ورانوئ!
• ويکيپېډيا:ړنګولو لارښود
• ويکيپېډيا:دلايل
• ويکيپېډيا:چټک ړنګېدو معيارونه/د نوو ليکنو ړنګولو عام دلايل
• ويکيپېډيا:پازوالانو لپاره ړنګولو لارښود
• ويکيپېډيا:يو مخ څنګه ړنګ کړو

سرچينې

• "Wikipedia:Why was the page I created deleted?".