د عثمان خان اوغلو کورنۍ

د عثمان اوغلو کورنۍ د عثماني خلافت (عثماني کورنۍ) غړي دي، کوم چي د 1299څخه تر 1923 کې د ترکیې جمهوریت تر تاسیس پوري د عثماني امپراتورۍ یوازینۍ واکمنه کورنۍ وه.

په امپراتورۍ کې 36 عثماني سلطانان تېر سوي دي چي هر یو یې د لومړي عثماني سلطان (سلطان عثمان اول)له اولادې څخه وه. په ۱۹۲۲ کال کي د وروستي سلطان محمد شپږم له ګوښه کېدو او په ۱۹۲۴ کال کي د عثماني خلافت له ړنګېدو وروسته د شاهي کورنۍ غړي جلاوطنۍ ته اړ ایستل سول. د دوی اولادونه اوس وخت د اروپا په ډیرو هیوادونو او همدارنګه په متحده ایالاتو اومنځني ختیځ کي ژوند کوي، او له هغه وخت راوروسته چي دوی اوس خپل هیواد ته د راستنیدو اجازه هم لري ډیری یې اوس په ترکیه کي ژوند کوي.