د سوفیا نړۍ

سوفي نړۍ
ليکوال	جوسټین ګارډر
اصل سرليک	Sofies verden
ژباړن(ان)	شفیق اميرزي، وږمه وردګ
هېواد	ناروی
ژبه	نارويژي
صنف	فلسفي ناول
نشر کونکی	اکسوس کتاب پلورنځي په(پښتو)
د چاپ کولو نېټه	١٩٩١
د نشرولو نيټه يا کال په (پښتو)	٢٠١٢
مخونه	۶۱۲ مخونه په (پښتو)
نړيوال کتابي معياري شمېر	978-1-85799-291-5
او سي ایل سي	246845141
کانگرس	MLCM 92/06829 (P)

د سوفي نړۍ ناول یو له هغه کتابونو دی، چې د نړۍ په کچه یې لوستونکي ډېر دي او په ډېرو ژبو ژباړل شوی دی. دغه کتاب تر دې دمه د پښتو په ګډون په ۶۰ ژبو ژباړل شوی دی. کتاب د ناروې مشهور لیکوال جوسټین ګارډر لیکلی دی. د کتاب اصلي ژبه ناروېژي ده، خو وروسته انګلیسي ته وژباړل شو، چې له انګلیسي بیا د نړۍ ډېرو ژبو ته ژباړل شوی دی.

کتاب د فکر او انساني ژوند د ودې او پرمختګ پر څرنګوالي را څرخي. په کتاب کې ډېری فلسفي مسایل په خورا ښکلې بڼه بیان شوي دي او په اسانو مثالونو کې شرحه شوي. د کتاب لیکوال د فلسفې استاد تېر شوی دی او دغه کتاب یې هم خپلو زده کوونکو ته لیکلی دی، څو وکړی شي دوی په دې توګه د فلسفې له ځینو پېچلو مسایلو سره په اسانه بلد کړي.