د جرمنيانو اجباري کوچ او ایستنه (۱۹۴۴-۱۹۵۰ز کال)

د ويکيپېډيا، وړیا پوهنغونډ له خوا

د دویمې نړیوالې جګړې د وروستیو پړاوونو او له جګړې راوروسته دورې په بهیر کې، جرمنیان اوولکسدوېچه (Volksdeutsche) وګړي د چکسلواکیا په ګډون د ختیځې او مرکزي اروپا له مختلفو هیوادونو، او د جرمني د پخوانیو ولایتونو څخه لکه سلیسیا، پومیرانیا او ختیځې پروشیا چې شوروي اتحاد او پولنډ ته یې له لاسه ورکړي وو، وتښتېدل او په زور سره وایستل شول.

په ۱۹۵۷ز کال کې والټرشیلسینګر د دغو اقداماتو د لاملونو په اړه څېړنه وکړه، کومو چې ختیځ لور ته یې د جرمني د استعمار او پراخېدو اغېزې معکوسې کړې: هغه دې پایلې ته ورسېد چې، "دا د ختیځ په اړه د ملي سوسیالېست ګوند (نازي ګوند) د دولس کلنۍ پالیسۍ ویجاړونکې پایله وه." له نیول شوو سیمو څخه د جرمنيانو د ایستلو نظریه، په لندن کې ان له ۱۹۴۲ز کال نه را په دې خوا د وینسټن چرچېل له لوري د پولنډ او چکسلواکیا له جلاوطنو حکومتونو سره یو ځای وړاندیز شوې وه. د ۱۹۴۴ز کال په وروستیو کې د چکسلواک جلاوطن حکومت له متحدینو په کلکه وغوښتل چې د جرمن توکمه وګړو د لېږد له اصولو سره موافقه وکړي. بل خوا د پولنډ لومړي وزیر توماس ارکیزووسکي له سنډې ټایمز ورځپاڼې سره د ۱۹۴۴ز کال د ډسمبر میاشتې په ۱۷مه نېټه په یوه مرکه کې، د وارمیا-مسوریا، د اوپول نایب السلطنه یا برې سیلیسلیا، د کوزې سیلیسلیا شمال-ختیځو برخو (تر اوډور کرښې پورې)، او د پومیرانیا د ځینو برخو (له سچچین پرته) له ضمیمه کولو څخه ملاتړ وکړ، حال دا چې نوموړي د ایستنې له نظریې سره مخالفت وښود. هغه غوښتل چې جرمنیان د پولنډي وګړو په توګه ومني او د پولنډ له وګړو سره یې مدغم کړي. [۱][۲][۳][۴]

جوزف ستالین، له نورو کمونېستو مشرانو سره په ګډه، داسې طرحه جوړه کړه چې له مخې یې ټول جرمن توکمه وګړي د اوډور کرښې له ختیځ څخه او له هغو سیمو چې د ۱۹۴۵ز کال په مې میاشت کې د شوروي اتحاد د نیواک تر زون لاندې رغلې، وباسي. د ده حکومت لا د مخه جرمنیان له کریمیا ټاپو څخه منځنۍ آسیا ته لېږدولي وو.[۵]

د ۱۹۴۴ او ۱۹۴۸ز کلونو ترمنځ، د جرمن توکمه وګړو (Volksdeutsche) او د جرمني تابعیت لرونکو (Reichsdeutsche) په ګډون، میلیونونه خلک،  په دایمي یا لنډمهاله توګه له منځنۍ او ختیځې اروپا څخه بې ځایه شول. په ۱۹۵۰ز کال کې، په ټولیز ډول شاوخوا ۱۲ میلیونه جرمنيان له ختیځې او مرکزي اروپا څخه د متحدینو له لوري نیول شوي جرمني او اتریش ته تښتیدلي یا په زور ایستل شوي وو. د لوېدیځ جرمني حکومت دا شمېر د یو میلیون هغو جرمن توکمه وګړو چې د دویمې نړیوالې جګړې په ترڅ کې د نازي جرمني له لوري په فتحه شویو سیمو کې میشت وو، له ۱۹۵۰ز کال وروسته جرمني ته د جرمن توکمه مهاجرینو، او له شړل شویو والدینو څخه د زیږېدلو ماشومانو په ګډون په مجموعي ډول ۶.۱۴ میلیونه وښود. له نوموړو څخه تر ټولو لوی شمېر یې د جرمني له پخوانیو ختیځو هغو سیمو څخه چې د پولنډ جمهوریت او شوروي اتحاد ته یې له لاسه ورکړې وې (شاوخوا ۷ میلیونه)، او همداراز له چکسلواکیا نه (شاوخوا ۳ میلیونه)، راغلي وو[۶][۷][۸][۹]

په اغېزمنو شوو سیمو کې د جرمني پخوانۍ هغه ختیځې سیمې شاملې وې، چې له جګړې وروسته یې پولنډ او شوروي اتحاد ته له لاسه ورکړې وې(بیا ترلاسه شوې سیمې وګورئ)، همدارنګه هغه جرمنيان اغېزمن شوي وو چې د جګړې څخه مخکې د پولنډ له دویم جمهوریت، چکسلواکیا، هنګري، رومانیا، یوګوسلاویا او بالتیک هیوادونو سره  په پولو کې اوسېدل. نازیانو داسې پلانونه جوړ کړي وو- د نازیانو له ماتې مخکې یې یو څه برخه بشپړه کړې وه چې له ختیځې اروپا څخه زیات شمېر سلاویک او یهودي وګړي وباسي او سیمه د جرمنيیانو (په مېشتولو) سره تثبیت کړي.[۱۰][۱۱][۱۲][۱۳]

د کوچ او ایستنې سره په تړاو د مړو شمېر په اټکلیزه توګه د ۵۰۰۰۰۰-۶۰۰۰۰۰ او ان له ۲ څخه تر ۲.۵ میلیونه پورې محدوده کې تر بحث لاندې دی. [۱۴][۱۵][۱۶][۱۷][۱۸]

نوموړی حذف/اجباري کوچ په دریو پرله پسې پړاوونو کې تر سره شو، چې لومړی هغه یې د ۱۹۴۴ز کال له نیمایي نه تر ۱۹۴۵ز کال پورې په جګړه کې پرمختګ کوونکو سرو لښکرو مقابلې ته، د نازي حکومت له خوا  د جرمن توکمه وګړو منظمه تخلیه یا ورایستل وو. دویم پړاو بیا د ویرماچټ له ماتې وروسته سمدلاسه د جرمن توکمه وګړو غیر منظمه تېښته وه. دریم پړاو د متحدینو د مشرانو ترمنځ د پوټسډام تړون څخه راوروسته یوه ډېره منظمه ایستنه وه، نوموړي تړون د مرکزي اروپا پولې له سره بیا تعریف کړې او د جرمني د پخوانیو سیمو څخه یې چې پولنډ، روسیې او چکسلواکیا ته یې له لاسه ورکړې وې، د جرمن توکمه وګړو ایستنه تصویب کړه. زیات شمېر جرمني ملکیان د اسیرانو او کارګرانو کمپونو ته واستول شول چې له هغوی څخه هلته د ختیځې اروپا هیوادونو ته د جرمني له لوري د جبرانِ خسارې د یوې برخې په توګه کار اخیستل کېده. په لویه کچه اجباري ایستنې په ۱۹۵۰ز کال کې تکمیل شوې. د جرمني توکم د ټولو هغو وګړو شمېر چې لا یې هم په ۱۹۵۰ز کال کې په مرکزي او ختیځه اروپا کې ژوند کاوه له ۷۰۰۰۰۰ څخه تر ۲.۷ میلیونو پورې اټکل شوی دی.[۱۹][۲۰][۲۱]

شالید[سمول]

دا هم وګورئ:  په مرکزي او ختیځه اروپا کې د جرمنيانو د مېشته کېدو تاریخ ، دویمه نړیواله جګړه ، او د پوټسډام تړون

له دویمې نړیوالې جګړې څخه مخکې، ختیځې او منځنۍ اروپا په عمومي توګه داسې سیمې نه لرلې چې په روښانه بڼه یو ځانګړی توکم پکې مېشت وي. ځینې د توکمیز اکثریت سیمې شته وې، خو په مختلط ډول مېشتې سیمې او د بېلابېلو توکمونو لرې پرتې کوچینۍ مجموعې هم ډېرې وې. د تنوع په دغو سیمو کې چې د ختیځې او مرکزي اروپا لوی ښارونه پکې شامل وو، د پېړیو لپاره په ورځنۍ بڼه د بېلابېلو توکمیزو ګروپونو تر منځ متقابله اغېزه او تعامل موجود و، حال دا چې په پرله پسې ډول په هره ټولنیزه او اقتصادي کچه همغږي نه وه.[۲۲]

په نولسمه پېړۍ کې د ملت پالنې په خورېدو سره، د وګړو توکم د سیمه ییزو حق غوښتنو او د دولتونو د ځان پېژندنې/هویت او د توکمیز تفوق په ادعاوو کې د یوې مسئلې په توګه رابرسېره شو. د جرمني سترواکۍ له خپلې ځمکنۍ بشپړتیا څخه د ډاډ ترلاسه کولو لپاره په خپلو هلو ځلو کې د توکم پر بنسټ د مېشته کولو نظریه (ethnicity-based settlement) معرفي کړه. یاد هېواد همدارنګه لومړنی هغه عصري اروپایي هېواد و چې د "مليت اړوندو شخړو" ته د حل لارې موندلو لپاره یې د نفوس د لېږد وړاندیز وکړ، چې کره موخه یې له لومړۍ نړیوالې جګړې وروسته د کښل شوې "پولنډ سرحدي تراړې" څخه د پولنډیانو او یهودیانو ایسته کول او د عیسوي جرمن توکم وګړو بیا مېشت کول وو. [۲۲][۲۳]

د لومړۍ نړیوالې جګړې څخه وروسته، د اتریش-هنګري، روسي سترواکۍ، او د جرمني د سترواکۍ په ړنګېدو پسې ژر وروسته، د ورسایلیز تړون رسماً په منځنۍ او ختیځه اروپا کې په هغو قلمروونو کې چې مخکې د دغو سترواکو طاقتونو تر واکمنۍ لاندې وو د څو خپلواکو دولتونو د جوړېدو اعلان وکړ. له دغو نویو دولتونو څخه یو یې هم له توکمیز پلوه متجانس یا یو شان نه وو. له ۱۹۱۹ز کال وروسته زیات شمېر جرمن توکمه وګړو د پخوانۍ سترواکۍ تر واکمنۍ لاندې ځمکو څخه د ویمار جمهوریت او د اتریش لومړني جمهوریت ته مهاجرت وکړ، دا مهاجرت هغه وخت رامنځته شو چې دوی په دغو بهرنیو ځمکو کې چېرې یې چې خپلې زیاترې ټولنې ساتلې وې خپل امتیازات له لاسره ورکړل. [۲۴]

په ۱۹۱۹ز کال کې جرمن توکمه وګړي په پولنډ، چکسلواکیا، هنګري، یوګوسلاویا، او رومانیا کې ملی اقلیتونه وګڼل شول. په راتلونکو کلونو کې، د نازي ګوند اېډیولوژۍ نوموړي اقلیتونه دې ته وهڅول چې د سیمه ییزې خپلواکۍ غوښتنه وکړي. د ۱۹۳۰مې لسیزې په بهیر کې په جرمني کې، د نازیانو پروپاګند مدعي شو چې جرمنیان په نورو ځایونو کې تر ځورونې لاندې دي. د نازي ګوند ملاتړي د ختيځې اروپا په ټولو برخو (د چکسلواکیا په کونراډ هینلین، د پولنډ په دوتسچر وولکسوربند او جنګدوچېپارتي، دهنګري د اونګارن په ولکسبند دېر دوتسچین کې) د سیمه ییزو نازي سیاسي ګوندونو په بڼه راظاهر شول چې مالي ملاتړ یې د جرمني د بهرنیو چارو وزارت له لوري کېده، یعنې د ولكسدوېچه متلشتله ادارې (Hauptamt Volksdeutsche Mittelstelle) له لوري یې ملاتړ کېده. په هر حال، په ۱۹۳۹ز کال کې  له نیمایي څخه زیاتو پولنډي جرمنيانو د مخ پر ودې اقتصادي فرصتونو له کبله په پولنډ کې له پخوانیو جرمني سیمو څخه د باندې اوسېدل.[۲۵]

جرمن توکمه نفوس: د لوېدیځ جرمني د ۱۹۵۸ز کال له اټکلونو سره د جګړې څخه د مخکې (۱۹۳۰/۳۱ز کلونو) ملي سرشمېرنې د ارقامو پرتله 

تفصیل د ۱۹۳۹ز کال لپاره د لوېدیځ جرمني اټکل د ۱۹۳۱-۱۹۳۰ز کلونو تر منځ د ملي سرشمیرنې معلومات توپیر
د پولنډ(لهستان) د ۱۹۳۹ز کال پولې [۲۶]۱۳۷۱۰۰۰ [۲۷]۷۴۱۰۰۰ ۶۳۰۰۰۰
چکسلواکیا [۲۶]۳۴۷۷۰۰۰ [۲۸]۳۲۳۲۰۰۰ ۲۴۵۰۰۰
یوګوسلاویا [۲۶]۵۳۶۸۰۰ [۲۹]۵۰۰۰۰۰ ۳۶۸۰۰
هنګري [۲۶]۶۲۳۰۰۰ [۳۰]۴۷۸۰۰۰ ۱۴۵۰۰۰
رومانیا [۲۶]۷۸۶۰۰۰ [۳۱]۷۴۵۰۰۰ ۴۱۰۰

سرچينې[سمول]

  1. Schlesinger, Walter (1957). "Die Geschichtliche Stellung der Mittelalterlichen Deutschen Ostbewegung". Historische Zeitschrift (په الماني ژبه کي). 183 (1): 518. doi:10.1524/hzhz.1957.183.jg.517. S2CID 164569968 – عبر De Gruyter Online. الوسيط |CitationClass= تم تجاهله (مساعدة)
  2. "How Winston Churchill Stopped the Nazis". Der Spiegel. 20 August 2010.
  3. "The Myriad Chronicles". Johannes Rammund De Balliel-Lawrora, 2010. p.113. کينډۍ:ISBN
  4. Kamusella, Tomasz (1999). The Dynamics of the Policies of Ethnic Cleansing in Silesia in the Nineteenth and Twentieth Centuries. Budapest: Open Society Institute. د کتاب پاڼي 322, 407. الوسيط |CitationClass= تم تجاهله (مساعدة)
  5. Jan-Werner Müller (2002). Nationhood in German legislation. Memory and Power in Post-War Europe: Studies in the Presence of the Past. Cambridge University Press. د کتاب پاڼي 254–256. د کتاب نړيواله کره شمېره 052100070X. د لاسرسي‌نېټه ۳۰ جنوري ۲۰۱۵. الوسيط |CitationClass= تم تجاهله (مساعدة)
  6. Die deutschen Vertreibungsverluste. Bevölkerungsbilanzen für die deutschen Vertreibungsgebiete 1939/50. Herausgeber: Statistisches Bundesamt - Wiesbaden. - Stuttgart: Kohlhammer Verlag, 1958, pp. 35-36
  7. Federal Ministry for Expellees, Refugees and War Victims. Facts concerning the problem of the German expellees and refugees, Bonn: 1967.
  8. Eberhardt, Piotr (2006). Political Migrations in Poland 1939-1948 (PDF). Warsaw: Didactica. د کتاب نړيواله کره شمېره 9781536110357. د اصلي (PDF) آرشيف څخه پر ۲۶ جون ۲۰۱۵ باندې. الوسيط |CitationClass= تم تجاهله (مساعدة)
  9. Eberhardt, Piotr (2011). Political Migrations On Polish Territories (1939–1950) (PDF). Warsaw: Polish Academy of Sciences. د کتاب نړيواله کره شمېره 978-83-61590-46-0. الوسيط |CitationClass= تم تجاهله (مساعدة)
  10. Eberhardt, Piotr (2015). "The Oder-Neisse Line as Poland's western border: As postulated and made a reality". Geographia Polonica. 88 (1): 77–105. doi:10.7163/GPol.0007. الوسيط |CitationClass= تم تجاهله (مساعدة)
  11. Hammer, Eric (2013). "Ms. Livni, Remember the Recovered Territories. There is an historical precedent for a workable solution". Arutz Sheva. الوسيط |CitationClass= تم تجاهله (مساعدة)
  12. Hans-Walter Schmuhl. The Kaiser Wilhelm Institute for Anthropology, Human Heredity, and Eugenics, 1927–1945: crossing boundaries. Volume 259 of Boston studies in the philosophy of science. Coutts MyiLibrary. SpringerLink Humanities, Social Science & LawAuthor. Springer, 2008. کينډۍ:ISBN, 9781402065996, p. 348–349
  13. "Yad Vashem, Generalplan Ost" (PDF). د اصلي (PDF) آرشيف څخه پر ۳۰ نومبر ۲۰۰۳ باندې. د لاسرسي‌نېټه ۲۱ جون ۲۰۲۲. الوسيط |CitationClass= تم تجاهله (مساعدة)
  14. Script error: The function "د ژبې نوم" does not exist.; کينډۍ:ISBN, p. 278 کينډۍ:In lang
  15. The German Historical Museum puts the figure at 600,000, maintaining that the figure of 2 million deaths in the previous government studies cannot be supported.Die Flucht der deutschen Bevölkerung 1944/45, dhm.de; accessed 6 December 2014.کينډۍ:In lang
  16. Kammerer, Willi. "Narben bleiben die Arbeit der Suchdienste — 60 Jahre nach dem Zweiten Weltkrieg" (PDF). Berlin Dienststelle 2005. د اصلي (PDF) آرشيف څخه پر ۱۱ جون ۲۰۱۷ باندې. د لاسرسي‌نېټه ۲۸ اکتوبر ۲۰۱۷. الوسيط |CitationClass= تم تجاهله (مساعدة)the foreword to the book was written by German President Script error: The function "د ژبې نوم" does not exist. and the German interior minister Script error: The function "د ژبې نوم" does not exist.
  17. Script error: The function "د ژبې نوم" does not exist., Secretary of State in Germany's Bureau for Inner Affairs, outlines the stance of the respective governmental institutions in Script error: The function "د ژبې نوم" does not exist. on 29 November 2006, [۱]
  18. "Bundeszentrale für politische Bildung, Die Vertreibung der Deutschen aus den Gebieten jenseits von Oder und Neiße", bpb.de; accessed 6 December 2014.کينډۍ:In lang
  19. Matthew J. Gibney; Randall Hansen (2005). Immigration and Asylum: From 1900 to the Present. Santa Barbara, Calif.: ABC-CLIO. د کتاب پاڼي 197–98. د کتاب نړيواله کره شمېره 1-57607-796-9. الوسيط |CitationClass= تم تجاهله (مساعدة)
  20. "Agreements of the Berlin (Potsdam) Conference, 17 July – 2 August 1945". PBS. د اصلي آرشيف څخه پر ۳۱ اکتوبر ۲۰۱۰ باندې. د لاسرسي‌نېټه ۲۹ اگسټ ۲۰۰۹. الوسيط |CitationClass= تم تجاهله (مساعدة)
  21. Gerhart Tubach; Kurt Frank Hoffmeister; Frederic Reinhardt, المحررون (1992). Germany: 2000 Years: Volume III: From the Nazi Era to German Unification (الطبعة 2). Continuum International Publishing Group. د کتاب پاڼې 57. د کتاب نړيواله کره شمېره 0-8264-0601-7. د لاسرسي‌نېټه ۲۸ اگسټ ۲۰۰۹. الوسيط |CitationClass= تم تجاهله (مساعدة)
  22. ۲۲٫۰ ۲۲٫۱ Kati Tonkin reviewing Jurgen Tampke's "Czech-German Relations and the Politics of Central Europe: From Bohemia to the EU", The Australian Journal of Politics and History, March 2004 Findarticles.com Archived 22 August 2009 at the Wayback Machine.; accessed 6 December 2014.
  23. Hajo Holborn, A History of Modern Germany: 1840–1945. Princeton University Press, 1982, p. 449
  24. Jane Boulden, Will Kymlicka, International Approaches to Governing Ethnic Diversity Oxford UP 2015
  25. Winson Chu. Revenge of the Periphery: Regionalism and the German Minority in Lodz, 1918-1939 (PDF). The Contours of Legitimacy in Central Europe. St. Antony's College, Oxford. د کتاب پاڼي 4–6. د اصلي (PDF direct download, 46.4 KB) آرشيف څخه پر ۰۴ مارچ ۲۰۱۶ باندې. د لاسرسي‌نېټه ۲۱ جولای ۲۰۱۲. الوسيط |CitationClass= تم تجاهله (مساعدة)
  26. ۲۶٫۰ ۲۶٫۱ ۲۶٫۲ ۲۶٫۳ ۲۶٫۴ Die deutschen Vertreibungsverluste. Bevölkerungsbilanzen für die deutschen Vertreibungsgebiete 1939/50.Herausgeber: Statistisches Bundesamt - Wiesbaden. - Stuttgart: Kohlhammer Verlag, 1958 pp.45/46
  27. Magocsi, Paul Robert; Matthews, Geoffrey J (1993). Historical Atlas of East Central Europe. Univ of Washington Pr, Seattle. د کتاب پاڼې 131. د کتاب نړيواله کره شمېره 9780295974453. الوسيط |CitationClass= تم تجاهله (مساعدة)
  28. Magocsi, Paul Robert; Matthews, Geoffrey J (1993). Historical Atlas of East Central Europe. Univ of Washington Pr, Seattle. د کتاب پاڼې 133. د کتاب نړيواله کره شمېره 9780295974453. الوسيط |CitationClass= تم تجاهله (مساعدة)
  29. Magocsi, Paul Robert; Matthews, Geoffrey J (1993). Historical Atlas of East Central Europe. Univ of Washington Pr, Seattle. د کتاب پاڼې 141. د کتاب نړيواله کره شمېره 9780295974453. الوسيط |CitationClass= تم تجاهله (مساعدة)
  30. Magocsi, Paul Robert; Matthews, Geoffrey J (1993). Historical Atlas of East Central Europe. Univ of Washington Pr, Seattle. د کتاب پاڼې 135. د کتاب نړيواله کره شمېره 9780295974453. الوسيط |CitationClass= تم تجاهله (مساعدة)
  31. Magocsi, Paul Robert; Matthews, Geoffrey J (1993). Historical Atlas of East Central Europe. Univ of Washington Pr, Seattle. د کتاب پاڼې 137. د کتاب نړيواله کره شمېره 9780295974453. الوسيط |CitationClass= تم تجاهله (مساعدة)