جنرال موټرونه

د ويکيپېډيا، وړیا پوهنغونډ له خوا
جنرال موټرونه

د جنرال موټرونو شرکت (GM) د موټر جوړونې یو څو ملیت لرونکی امریکایي شرکت ده، چې مرکزي دفتر یې د امریکې د متحده ایالتونو په دیترایت میشیګان کې دی. دا شرکت د امریکې په متحده ایالتونو کې د موټر جوړولو تر ټولو لوی شرکت ده او د ۷۷ کلونو لپاره د نړۍ په کچه د موټر جوړونې تر ټولو لوی شرکت و، تر دې چې بیا دا لومړی مقام ترې د ټویټا شرکت وګټلو. [۱][۲][۳]

د جنرال موټرونو کمپنۍ په ۸ هېوادونو کې د موټرونو تولیدي کارخانې لري، چې د موټرونو څلور اصلي برنډونه یې شیورلېټ، بویک، جي ام سي او کډ یلیک موټرونه دي. همدارنګه دا شرکت د موټرونو د تولید اړوند ځینې چينایي برنډونو لکه Wuling، Baojan او DMAX کې هم د پانګونې له لارې شریک دی. دغه راز Bright Drops د دې کمپنۍ د دیلېورۍ یا متمرکزه تحویلۍ اړوند خدمتونو برخه ده. د جنرال موترونو کمپنۍ د امریکې متحده ایالتونو د دفاع او بهرنیو چارو وزارتونو لپاره نظامي موټرونو تولیدوي، چې د OnStar برخه یې د تولیدي موټرونو لپاره د خوندیتوب اړوند، امنیتي او دغه راز معلوماتي خدمتونه وړاندې کوي او ACDelco بیا د دې کمپنۍ د تولیدي موټرونو اړوند پرزې جوړولو څانګه ده. دا کمپنۍ خپلې مالي چارې د GM Financial له لارې تمویلوي. دا شرکت په Cruise LLC موټرانو باندې د خپل پراخ ملکیت او لاسرسي له لارې د بې ډرایوره یا ځان ‌چلوونکو (Self-Driving) موټرونو د پراختیا په لټه کې دی.[۴][۵][۶][۷]

د جنرال موټر جوړونې کمپنۍ په پام کې لري، چې د ۲۰۳۵ ز کاله پورې د هایبریدي او پلاګین هایبریدي موټرونو په شمول د داخلي احتراق اړوند انجنونو څخه په ګټې اخیستنې سره د موټرونو تولید او پلور پای ته ورسوي، ځکه چې تر ۲۰۴۰ ز کاله پورې د کاربن په برخه کې د بېطرفه اوسېدو پړاو ته رسېدو لپاره دا د دوی د پالیسۍ یوه برخه ده. په دې برخه کې د جنرال موټرونو کمپنۍ د انعطاف منونکو تیلو په کارولو سره د موټرونو تولید وړاندیز کوي، چې کولای شي د E85 ایتانول یا بنزین په سوځولو او یا هم د دې دواړو په ترکیبي موادو په سوځولو سره د بل هر موټر په څېر کار وکړي. [۸][۹]

دې کمپنۍ ځان له یوې بلې لویې کمپنۍ سره د (Buick) لپاره ونډه وال او سهیم کړ، چې د ۱۹۰۸ ز کال د سپتمبر میاشتې په ۱۶ نېټه د ویلیام سي دورانت په وسیله جوړه شوې وه، ویلیام سي دورانت هغه مهال د آس په وسیله چلېدونکو موټرانو (ګاډیو) تر ټولو لوی پلورونکی او سوداګر و. د دې کمپنۍ اوسنۍ بڼه او بنسټ یې په ۲۰۰۹ ز کال کې د جنرال موټرونو اړوند کمپنۍ یوولسم څپرکي له بیا تنظیمولو وروسته تأسیس او جوړ شو. [۱۰][۱۱]

د جنرال موټرونو کمپنۍ د امریکې متحده ایالتونو د ۵۰۰ شتمنو (Fortune 500) شرکتونو په درجه بندۍ کې د خپل خپل عمومي عاید په اساس په ۲۲مه درجه کې ده. [۱۲]

مخینه، تاریخچه[سمول]

په فلینت مشیګان کې د دورانت – دورت په نامه د ویلیام سي دورانت د ګاډیو اړوند کمپنۍ تر ۱۹۰۰ ز کاله پورې د امریکې په متحده ایالتونو کې د آسونو په وسیله د چلېدونکو موټرونو یا نقلیه وسایلو تر ټولو لویه تولیدوونکې کمپنۍ وه. دورانت له موټرونو سره مخالف و، خو د فلینت همکار سوداګر جیمز اچ وایتینګ په ۱۹۰۴ ز کال کې د فلینت واګون کار (Flint Wagon Works) مالک د بایوک موټرونو کمپنۍ په هغه وپلورله. دورانت په ۱۹۰۸ ز کال کې د جنرال موتورز شرکت د یو سهم لرونکي او ونډه وال شرکت په توګه له خپل شریک چارلز ستوارت مات سره جوړ کړ او دغه راز له جنرال الکتریک څخه یې د نوم ایښودنې یو قرارداد په پور واخیست. د جنرال موټرونو شرکت لومړنۍ خریداري یا استملاک بویک و، چې دورانت یې مخکې مالک و. تر دې وروسته د ۱۹۰۸ ز کال د نوامبر میاشتې په ۱۲ نېټه اولدز موبیل د دورانت په وخت کې د جنرال موټرونو کمپنۍ د کډ یلیک ، المور، وېلچ، کارترکار، اوکلند (پوتنیاک مخکیني بڼه) اخیستلو او پېرلو ته دوام ورکړ. د ده اووسو میشیګان په نامه د غټو یا بار وړونکو موټرونو کمپنۍ او د پوتنیاک میشیګان کمپنۍ تیزرفتاره موټرونو کمپنۍ (د GMC مخکیني کمپنۍ) په ۱۹۰۹ ز کال کې دوام درلود.[۱۳][۱۴][۱۵][۱۶]

دورانت د مدیره پلاوي په تایید او تصویب سره هڅه وکړه، چې د فورد د موټر جوړولو شرکت هم وپېري؛ خو ۲ میلیونه ډالره اضافي شتمنۍ ته یې اړتیا درلوده. د جنرال موټرونو له کمپنۍ څخه دورانت د دې خریداریو په لړ کې ډېره زیاته ګټه ترلاسه کړه او په ۱۹۱۰ ز کال کې د مدیره پلاوي په وسیله د هغو بانکدارانو په هدایت سره له دې دندې او سمت څخه ګوښه شو، چې له پورونو څخه یې ملاتړ وکړ، ترڅو جنرال موټرونه په سوداګرۍ او تجارت کې وساتي. د بانکدارانو دا اقدام تر ډېره د ۱۹۱۰ – ۱۹۱۱ ز کلونو تر اغېز لاندې و، چې په ۱۸۹۰ ز کال کې د تراست شرمن ضد قانون د عملي او اجرا کېدو وروسته ترسره شو. په ۱۹۱۱ ز کال کې چارلز اف، کترینګ د دایتون انجینیري لابراتوارنو اړوند کمپنۍ (DELCO) له هنري ام لیلند سره د امریکې په متحده ایالتونو کې لومړنی بریښنایي ستارتر اختراع او ثبت کړ. د ۱۹۱۱ ز کال په نومبر میاشت کې دورانت د سیالیو اړوند موټر له سويسي موټر چلوونکي لوئیس شورلېټ سره د شورلېټ تاسیس او رامنځته کړ، چې په ۱۹۱۵ ز کال کې یې له دورانت سره تر مخالف کېدو وروسته دا کمپنۍ پرېښوده. [۱۷][۱۸][۱۹][۲۰]

د جنرال موټرونو کمپنۍ په ۱۹۱۶ ز کال کې په دیترایت کې د جنرال موټرونو کمپنۍ په توګه ثبت شوه او د لومړنۍ عمومي خپراوي یا عرضه کولو له لارې په یو عمومي سهامي شرکت بدل شو. په ۱۹۱۷ ز کال کې شورلېټ موټرونه یې هومره بریالي شول، چې دورانت د ساموئل مک لافلین او پییر اس دو پونت په ملاتړ سره یوځای د جنرال موټرونو اړوند کمپنۍ ته د مشري کولو او کنترولولو لېوالتیا پیدا کړه. په همدې کال کې د جنرال موټرونو اړوند کمپنۍ د سامسون ټراکټور هم ترلاسه کړ. د شورلېټ موټرونو اړوند کمپنۍ چې ۱۹۱۸ ز کال د مې میاشتې په ۲یمه نېټه د جنرال موټرونو په کمپنۍ کې مدغم شوه او په همدې کال کې د جنرال موټرونو اړوند کمپنۍ د یونایټیډ موټرونو کمپنۍ هم واخیستله، د دورانت په وسیله د آلفرد پي اسلون په مشرۍ د موټرونو بېلابېلو پروزو پوره کوونکي شرکت د کابو ۴۵ میلیونه ډالر او د مک لافلین موټر جوړوونکی شرکت، چې د R.S. Mclaughlin په وسیله جوړ شو. جنرال موټرونو یوازې تر کانادا پورې محدود شول. په ۱۹۱۹ ز کال کې دې کمپنۍ د Guardian Frigerator شرکت هم واخیست، چې یوه برخه یې د دورانت اړوند وه. دې کمپنۍ بیا وروسته خپل نوم په (Frigidaire) باندې بدل کړ او د جنرال موټرونو اړوند شرکت د منلو او معلوماتو برخې  (GAMC) یې خپلو مشتریانو ته د مالي تمویل په توګه جوړ کړ.[۲۱][۲۲][۲۳][۲۴][۲۵][۲۶]

په ۱۹۲۰ ز کال کې دوپونت یوځل د دورانت لیرې کولو پلان ترتیب او آلفرد پي اسلون یې د هغه ځایناستی کړ. کله چې د جنرال موټرونو کمپنۍ په شدت او تیزۍ سره د فورد موټرونو له کمپنۍ سره سیالي کوله، اسلون په کلني ماډلونو کې بدلون رامنځته کړ، د تېرو کلونو ماډلونه یې نوي کړل او د دویم لاس موټرونو لپاره یې بازار رامنځته کړ. هغه همدارنګه د نرخ ټاکلو ستراتیژي هم پلي کړه، چې نن ورځ د ټولو موټر جوړوونکو شرکتونو په وسیله کارول کېږي. د نرخونو یا نرخ ټاکلو ستراتیژۍ شورلېټ، پونتیاک، اولدزموبېل، بیوک او کیډیلیک ماډلونه په ترتیب سره تر ټولو ارزانه نرخونو څخه تر بیخي قیمتي نرخونو پورې ښودل. [۲۷][۲۸][۲۹]

د جنرال موټرونو اړوند کمپنۍ انجینیر توماس میدګلي جونیور په ۱۹۲۱ ز کال کې ټیټرایتیللیډ (د سرب اړوند بنزین) د ضربې ضد یو لامل په توګه کشف کړ او د جنرال موټرونو کمپنۍ دا ترکیب د ایتانول د ثبتولو امکان نه لرلو له امله ثبت کړ. دا مورد د لوړ تراکم لرونکو موټرونو د پراختیا او بالاخره د لا ډېر ځواک او کارکړنې لامل شو. خلک بیا وروسته دېته متوجه شول، چې په بنزین کې موجود سرب د انسان په شمول د بېلابېلو بیولوژیکي موجوداتو لپاره مضر او خطرناکه دی. په دې برخه کې موجوده شواهد ښيي، چې د موټر جوړونکو شرکتونو مدیران له همغه اوله د ټیټرا ایتیل د سرب اړوند روغتیایي عواقبو په هکله پوهېدل. د جنرال موټرونو اړوند کمپنۍ لپاره د یو انجینیر په توګه میدګلي همدارنګه کلوروفلورو کاربنونه هم زیات او پراخ کړل، چې اوسمهال د هوا او اقلیم په برخه کې د هغو د اغېز له امله منع شوي دي.[۳۰][۳۱][۳۲][۳۳]

د جنرال موټرز کمپنۍ مشر آلفرد پي اسلون جونیور د تشویق او هڅونې په ترڅ کې د جنرال موټرز کمپنۍ په ۱۹۲۵ ز کال کې د په ۲.۵ میلیونه ډالرو باندې د واکسهال موټرونو کمپنۍ واخیسته. همدارنګه دې کمپنۍ په همدې کال کې د ژېړ کابین تولیدولو کمپنۍ سره هم لېوالتیا پیدا کړه او د دې کمپنۍ رئیس جان دي هرټز هم د جنرال موټرونو کمپنۍ له مدیره پلاوي سره یوځای شو، چې د یاد شرکت نوره پاتې برخه یې هم په ۱۹۴۳ ز کال کې واخیسته.[۳۴][۳۵]

د جنرال موټرونو اړوند کمپنۍ په ۱۹۲۶ ز کال کې د پونتیاک Pontiac برنډ خلکو ته معرفي کړ او د جنرال موټرونو د کمپنۍ اړوند پراخې ډلې د بیمې پروګرام یې خپلو کارکوونکو ته د عمري بیمې د ورکړې په موخه تأسیس کړ. په بل کال یعنې ۱۹۲۷ ز کال کې یې د کاډیلیک لاسېل Cadillac Lasalle برنډ په بریالي کېدو سره، چې د هلري ایرل په وسیله ډیزاین شوی و، اسلون د جنرال موټرونو د "رنګ او هنر برخه" جوړه کړه او هلري ایرل یې د یادې برخې د لومړني مدیر په توګه معرفي کړ. ایرل د ډیزاین د برخې لومړني لوی مدیر او مشر و، چې په یو لوی امریکایي شرکت کې ګومارل شوی و، هغه د موټرونو د ډیزان په برخه کې داسې یو سیستم جوړ کړ، چې تر نن ورځې پورې عملي کېږي. [۳۶]

د جنرال موټرونو کمپنۍ د الیسون انجن جوړونې اړوند کمپنۍ هم واخیستله او په ۱۹۲۹ ز کال کې یې د الوتکې د ۱۰۰۰ هارس پاوره قدرت لرونکي مایع یخ کوونکي انجن جوړول پیل کړل. په همدې کال کې د جنرال موټرونو کمپنۍ د اوپل ۸۰٪ برخه تر لاسه کړه، چې هغه مهال یې د اروپا د بازار ۳۷.۵٪ برخه په خپل واک کې لرله، چې ۲۶ میلیونه ډالره کېده، دغه راز ۲۰٪ پاتې برخه یې هم په ۱۹۳۱ ز کال کې ترلاسه کړه.[۳۷][۳۸]

چارلز کیټرینګ د ۱۹۲۰ ز لسیزې په وروستیو کې په موټرونو کې د احتمالي کارولو لپاره د یو کم وزن لرونکي دوه ضربه یي ډیزلي انجن جوړولو لپاره یو پروګرام پیل کړ، چې ډېر ژر د جنرال موټرونو کمپنۍ د الکترو موټیو کمپنۍ Electro-Motice Company او د وینتون انجن کمپنۍ Winton Engine Company دواړه ترلاسه کړې او په ۱۹۴۱ ز کال کې یې د الکترو موټیو کمپنۍ کاري ساحه د لوکوموتیف یا د اورګاډي د انجن تولیدلو پورې پراخه کړه. [۳۹][۴۰]

سرچينې[سمول]

  1. "General Motors | History, Deals, & Facts | Britannica". britannica.com (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  2. (په January 21, 2009 باندې). Toyota Ahead of G.M. in 2008 Sales. The New York Times.
  3. "U.S. light vehicle market share by automotive manufacturers". Statista. الوسيط |CitationClass= تم تجاهله (مساعدة)
  4. "Plants & Facilities". General Motors. مؤرشف من الأصل في February 16, 2020. الوسيط |CitationClass= تم تجاهله (مساعدة)
  5. (په September 20, 2021 باندې). GM Starts BrightDrop Electric Delivery Van Production, Expands Lineup. Motor Trend.
  6. (په October 9, 2017 باندې). General Motors establishing new military defense division. Automotive News.
  7. "Shanghai OnStar Announces Launch Date for Services in China" (Press release). مؤرشف من الأصل في February 24, 2017. الوسيط |CitationClass= تم تجاهله (مساعدة)
  8. (په December 20, 2019 باندې). 2020 Vehicle Models Bring Good News for E15, Bad News for Flex Fuels. CS News.
  9. (په January 28, 2021 باندې). G.M. Will Sell Only Zero-Emission Vehicles by 2035. The New York Times.
  10. "William Durant creates General Motors". HISTORY (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  11. Bigman, Dan. "How General Motors Was Really Saved: The Untold True Story Of The Most Important Bankruptcy In U.S. History". Forbes (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  12. "Fortune 500: General Motors". مؤرشف من الأصل في June 3, 2020. الوسيط |CitationClass= تم تجاهله (مساعدة)
  13. "William C. Durant / Durant-Dort Carriage Company Historical Marker". hmdb.org (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  14. "Story of General Motors" (PDF). الوسيط |CitationClass= تم تجاهله (مساعدة)
  15. "The history of General Motors". the Guardian (په انګلیسي ژبه کي). 2009-04-30. د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  16. "The end of the road for Oldsmobile". HISTORY (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  17. "Louis Chevrolet | Biography & Facts". britannica.com (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  18. "Cadillac's Electric Self Starter Turns 100". media.gm.com (په انګلیسي ژبه کي). 2012-02-15. د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  19. "Durant almost landed Ford, but couldn't come up with $2 million". Automotive News. September 14, 2008. الوسيط |CitationClass= تم تجاهله (مساعدة)
  20. "Story of General Motors" (PDF). الوسيط |CitationClass= تم تجاهله (مساعدة)
  21. A Study of the Antitrust Laws: General Motors Corporation. United States Senate Committee on the Judiciary. United States Government Publishing Office. 1955. الوسيط |CitationClass= تم تجاهله (مساعدة)
  22. (په September 15, 2008 باندې). Happy 100th Birthday, General Motors. Motor Trend.
  23. "GM buys Chevrolet". History. الوسيط |CitationClass= تم تجاهله (مساعدة)
  24. (په February 24, 1918 باندې). General Motors Finances; Plan for Absorbing Chevrolet Company Indicated.
  25. . Unique Treatment of General Motors Acceptance Corp. (GMAC) Under the TARP. DIANE Publishing
  26. "Story of General Motors" (PDF). الوسيط |CitationClass= تم تجاهله (مساعدة)
  27. "Alfred P. Sloan, Jr". automotivehalloffame.org. د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  28. "Annual model change was the result of affluence, technology, advertising". Automotive News (په انګلیسي ژبه کي). 2008-08-25. د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  29. [اصطلاحي تېروتنه: د ناپېژندلې ليکنښې لوښه "۱". Made to Break]. Harvard University Press. 2006. doi:10.4159/9780674043756-002. 
  30. "Thomas Midgley, Jr. | American chemical engineer". britannica.com (په انګلیسي ژبه کي). د لاسرسي‌نېټه ۰۲ مې ۲۰۲۲. الوسيط |CitationClass= تم تجاهله (مساعدة)
  31. Kitman, Jamie (March 2, 2000). "The Secret History of Lead". The Nation. د اصلي آرشيف څخه پر May 10, 2014 باندې. الوسيط |CitationClass= تم تجاهله (مساعدة)
  32. Eschner, Kat (December 9, 2016). "Leaded Gas Was a Known Poison the Day It Was Invented". Smithsonian. الوسيط |CitationClass= تم تجاهله (مساعدة)
  33. Eschner, Kat (May 18, 2017). "One Man Invented Two of the Deadliest Substances of the 20th Century". Smithsonian. الوسيط |CitationClass= تم تجاهله (مساعدة)
  34. (په March 6, 2017 باندې). A look at the history of Opel and Vauxhall, the European brands GM is selling. Detroit Free Press.
  35. "Story of General Motors" (PDF). الوسيط |CitationClass= تم تجاهله (مساعدة)
  36. Gartman, David (1994). "Harley Earl and the Art and Color Section: The Birth of Styling at General Motors". Design Issues 10 (2): 3–26. doi:10.2307/1511626. https://www.jstor.org/stable/1511626. 
  37. "Story of General Motors" (PDF). الوسيط |CitationClass= تم تجاهله (مساعدة)
  38. (په May 25, 1929 باندې). Motors Acquires Allison Company; Sloan's Announcement Says the Work on Aviation Engines Will Be "Intensified." Diesel Development Seen Race to Perfect Type Said to Be Indicated--$1,000,000 Expansion Plan Recently Made Public. To Expand Operations. $1,000,000 Airplane Contract..
  39. (په March 1, 2006 باندې). General Motors' Diesel History - Baselines. Motor Trend.
  40. (په February 7, 2017 باندې). General Motors Once Built Locomotives — Really Good Ones. Autotrader.com.