توکمپالنه

د ويکيپېډيا، وړیا پوهنغونډ له خوا
ورټوپ کړه: گرځښت, پلټل

توکمپالنه يا راسيزم (په انگرېزي: Racism) يوه ارتجاعي او ضد ملي نظريه ده. د دغه نظريې پلويان په بېلابېلو نژادونو كې د فكري قوت او استعداد له پلوه توپير ته قايل دي. د دوى په گروهه ځينې نژادونه عالي او نور ټيټ پيدا شوي دي. ددې نظريې پيروان د خپلې ارتجاعي او ضد ملي مفكورې له مخې د انسانانو له حقوقو منكريږي؛ يوه نژاد ته په لوړ او بل ته په سپكه سترگه گوري، حال دا چې دا خبره علم اثبات ته رسولې ده چې نژادي توپيرونه ټول صوري او فرعي دي. د استعدادونو د پرمختيا فكري او معنوي امكاناتو، اجتماعي او علمي فعاليتونو له نظره كوم ارزښت نه لري. د راسيزم نظريات لومړى ځل د فرانسوي ليكوال ״گوينو״ ليكنو كې څرگند شول. ده دغه نظريه په ۱۸۵۳ كال كې اعلان كړه. په شلمه پيړۍ كې ددې نظريې ستر حامي انگليس الاصله الماني ليكوال ״هاتستن ستورات چمبرلين״ (۱۸۵۵-۱۹۲۷) دى.