بنو هاشم (قبیله)

بنو هاشم ( په عربی (عربي: بنو هاشم) ) د قریشو په قوم کي یوه عربي قبیله ده چي حضرت محمدﷺ له همدغه قبیلې سره اړه لري او د محمدﷺ د نیکه هاشم بن عبد مناف په نوم نومول سوې ده.

د دې قبیلې غړي او په ځانګړې توګه د دوی اولادونه، د هاشمیانو په نوم هم پیژندل کیږي او ډیری وختونه همدغه لقب ځانونو ته غوره کوي. په بنوهاشم قبیله کي هغه کسان چي د هغه د فاطمې (رض) له لاري حضرت محمدﷺ ته منسوب دي د سید دودیز لقب ځانونو ته کاروي.

د اتمې پیړۍ څخه هاشمي نسل د شرافت نښه وګڼل سوه او هغه بنسټ یې جوړ کړ چې ډیری سلطنتونو د دوی واکمنۍ ته مشروعیت ورکړ. د هاشمي نسل په ځینو مشهورو اسلامي سلطنتونو کښي د بغداد او قاهرې عباسیان ( په بغداد کي 945-1258 او په قاهره کې 1261-1517 کي د واک کارولو پرته خلافت)، الاویت (د مراکش واکمنان، 1631-اوسنۍ)، او هاشمیان (د اردن واکمنان، 1921-اوسنۍ) شامل دي.