احساس

د ويکيپېډيا لخوا
ورټوپ کړه: گرځښت, پلټل

احساس يوه روحي اخستنې ته ويل کېږي، يا په بل عبارت يې چې ووايو احساس د وجود يوه فوري او عاجل ځواب يا عکس العمل دی چې د يوې حادثې او يا واقعې په وړاندې منځته راځي. دا په دې معنا چې احساس هيڅکله يواځې منځته نه راځي او احساس په حقيقت کې د يوې واقعې يو جز دی .

احساس او انستينکت يو له بله سره توپير لري . انستينکت د انسان د ځېږېدلو سره يوځای ځېږېږي يا منځته راځي . خو احساس د ژوند په اوږدو کې پېژندل کېږي يا زده کېږي . دا په دې معنا چې ټولنيز ، دوديز او رواني ژوند د احساساتو په پېژندلو کې ټاکلی رول لري .

له بلې خوا احساس د يوې روحي اخستنې تر څنګ يو بيولوژيکي عمليه هم ده . دا په دې معنا چې کله په مغز کې د اندورفين هورمون ازاداېږي ، نو انسان ته د خوشحالۍ احساس ورپه برخه کېږي . همداسې د ادرېنالين، نورادرېنالين، کورتيزون ، او پرولاکتين هورمونونه هم درد لږوي او يا دا چې وجود د استراحت حالت ته راولي. کله چې د مغز هجرات ونشي کولی زګنالونه ترانسپورت کړي ، بيا د غم او عصبانيت احساسات پيدا کېږي .

احساسات ډير ډولونه لري ؛ ځنې خلګ يې په څلورو برخو وېشي يا تقسيموي. خوشحالۍ ، غم، قهر او ډار . ځنې نور بيا د مايوسۍ ، وياړ، حسادت ، ناپېرزوينه يا بخالت ، ملګرتيا ، مينه ، په زړه پورېوالی ، اړيکې، نفرت ، او بې ارزښتۍ هم د احساساتو په جمع کې حسابوي. خو په عمومي ډول احساسات په منفي او مثبت تقسيم شوي خو داسې احساسات هم شته چې هم منفي دي او هم مثبت . لکه هيجان ، خواخوږۍ ، بېتفاوتۍ او داسې نور...

تاسي د دې سکالو يا موضوع درنو لوستونکو څومره پښتو لغات پېژنۍ چې سړی ورباندې خپل احساس څرګندولی وشي؟؟

دا دی د يو څو مثبت او منفي احساساتو لست. که تاسي يې راسره بشپړ کړئ مهرباني به مو راسره کړي وي .

مثبت احساسونه ــــ منفي احساسونه

بختور ــــــــــــــــ غمجن

نېکمرغۍ ــــــــــــــــــ بدمرغۍ

خوشحالۍ ـــــــــــــــــــ مايوسۍ

ښادۍ ـــــــــــــــ ربړونکی

زړه ورتيا ـــــــــــــــ بېغيرتۍ

ارام ـــــــــــــــــ بېصبرۍ

بې اندېښنۍ ـــــــــــــــــ بې وزلۍ

هيله مندۍ ـــــــــــــــ وارخطايۍ

خوشبينۍ ـــــــــــــــــ ستومانۍ

کلک والی ــــــــــــــ ناتوانۍ

موړ ـــــــــــــــــــ ولوږه

مينه ـــــــــــــــــ کرکه

غلی والی يا غليتوب يا سړه سينه ــــــ ــ غصب ، قهر

ارامۍ ــــــــــــــــ ستومانۍ

ځوانۍ ـــــــــــــــــــ بې شيمه ګۍ

تصديق شوی ــــــــــــــ بې ارزښتۍ

وياړ ــــــــــــــــ ناکامۍ