ابوجابر الشيخ

ابوجابر الشيخ

أبو جابر الشيخ‎ (عربي )

اړوند

زېږونځای	Maskanah (en)
ښاروندتوب	سوريه
زېږون نېټه	۱۹۶۸
زدکړنځی	University of Aleppo (en)
ژبې	عربي ژبه
دنده	combatant (en)

ټوليز مالومات

عمومي مالومات	انسان
دین	سني

اړين مالومات

جګړه	د سوریې کورنۍ جګړه

هاشم الشيخ عربي ژبه: هاشم الشيخ‎ چې په خپل جنګي نوم ابوجابر الشيخ عربي ژبه: أبو جابر الشيخ‎ مشهور دی، د سوريې د هيئت تحرير شام وسله والې ډلې مهم غړی دی.ويل کيږي چې هغه په تحرير الشام کې له خپلې دندې استعفاء کړې، نوموړی يو سلفي جهادي نظر لرونکی مسلمان دی.

هاشم شیخ ابو جابر په حلب ښار کې میخانیکي انجینرۍ او ساينسي څېړنو په برخه کې زده کړې کړې دي، خو د اسلامي دعوت په ډګر کې یې فعاله ونډه درلوده. نوموړی یو له هغو کسانو څخه و چې په ۲۰۰۳ کال کې د امریکايي ځواکونو پر وړاندې د عراق جګړې ته تللی و، چې په ۲۰۰۵ کال کې بېرته راستون شو، چې له راستنېدو سره سمدستي د امنيتي ځواکونو له خوا ونيول شو نوموړی په سيډنايا زندان کې اته کاله زنداني پاتې شو. ابو جابر د ۲۰۱۱ کال په سېپتمبر کې وروسته له هغه له بنده خوشې شو چې هغو بندیانو ته چې د بند درې پر څلورمه برخه یې پوره کړې وه، بښنه وشوه. له خوشې کېدو سمدستي وروسته، هغه د آزاد پوځ سره یوځای شو او په مسکانه ښار کې یې د مصعب بن عمیر لوا تاسیس کړه، چې هغه د رقه، تبقه، الجراح پوځي هوايي ډګر، خانصیر او مسکانه ښارونو د کنټرول جګړو کې رهبري کوله.

له جګړو دمخه فعاليتونه

ابو جابر د حلب پوهنتون څخه د میخانیکي انجینرۍ په برخه کې د لېسانس سند ترلاسه کړ. بيا يې د صفيره سيمې ته څېرمه په دفاعي فابريکو کې کار پيل کړ. د هغه د اسلامي فعالیتونو او د سوریې د بعث له حکومت سره د هغه مخالفت د دې لامل شو چې څو ځله د سوریې د حکومت له خوا ونیول شو. په ۲۰۰۵ ز کې، هغه د صيديانا په بدنام زندان کې بندي شو. په دې زندان کې ګڼ شمېر سلفيان چې د سوريې د حکومت مخال وو، ساتل کېدل او يو له خورا بدنامه زندانونو څخه وو.