روح الله خميني

د ويکيپېډيا، وړیا پوهنغونډ له خوا
(له آيت الله روح الله خميني نه مخ گرځېدلی)
دوتنه:Allah-eser-green.png
سیّد روح‌الله مصطفوی موسوی خميني
زېږېدنه ۲۲ سپتمبر ۱۹۰۲
مړينه جون ۱۹۸۹
هېواد ایران
دین د اثنى عشرى شیعه

سيد روح الله مصطفوی موسوی خميني يا آيت الله خميني يا امام خميني (۲۲ سپتمبر ۱۹۰۲ – مړینه: ۳ جون ۱۹۸۹ ) د ايران د اسلامی انقلاب لارښود او د اسلامی جمهوريت بنسټگر وو.

ژوند

سیّد روح الله مصطفوی موسوی خميني په ۱۹۰۲ کال کې د خمين په ښار کې نړ ۍ ته سترگې رڼې کړې. ددغه نابغه او هوښیار ماشوم دژوند لا پينځه مياشتې نه وې تېرې شوي چې دهغه مهال درژيم گوډاگيو د هغوی پلار ، ايت الله سيد مصطفی موسوي شهيد کړ اودغه ستر انسان د خپلې گرانې مور او مشر ورور علامه سيد مرتضی موسوي تر سرپرستۍ لاندې وروزل شو.د ماشومتوب پېر يې په خمين ښار کې د همدغه ښار له عالمانو او فاضلانو په لومړنېو زده کړو تېر کړ اوپه نولس کلنۍ کې د اسلامي علومود زده کړې لپاره داراک ښار ته لاړچې په هغه وخت کې يوه ستره علمي حوزه او ديني مرکز گڼل کېده.په هغه مهال داراک علمي حوزه دیوه وتلي مجتهد او لوېې استاد ايت الله العظمی شېخ عبدالکريم حايري يزدي تر سرپرستي لاندې اداره کېدله چې بيا يې د قم د مذهبي ښار د سترو عالمانو په غوښتنه په ۱۳۴۰ هجری قمری کال کې دغه ښار ته کډه وکړه او د حضرت امام رضا (ع) د قدرمنې خور ، حضرت بی بی معصومه (س) د سپېڅلي حرم تر څنگ يې د قم د سترې علمي حوزې بنسټ کېښوده.


سرچينې