گندهارا

د ويکيپېډيا لخوا
ورټوپ کړه: گرځښت, پلټل
د ګندهارا پیر د بودا (پژۍ

ګندهارا (سانسکرېت: गन्धार ) په پاړسي چې د وادي هند [1] په نامه پېژندل کېږي، د مهاجناپادا لرغونې بادشاهي (د نن ورځې پښتونخوا او ختیځ افغانستان) تېره شوې. ګندهارا د کابل پر سیند پرته جلالکوټ، پېښور، سوات، مردان (تخت بايي)، چارسده، ټکسلا او پټوهار پراخه سیمه باندې پروت و. ددې بادشاهۍ اصلي ښارونه له پروشاپور (پېښور) [2]، چې (د سړي د ښار) نامه دی، تکشاشیلا (نننۍ ټکسلا)،[3] او همدا ددې لرغوني تمدن ټاټوبې و. د ګندهارا یادونه په لرغونو ویدي سندرو او د بودا په ویناوو کې د رڼاګانو د ځای په مانا راغلې دی. چینایي ګرځندوی هیون سانګ چې ددې سیمو په زیارت راوتلې و، ددې سیمې یادونه په ښه تفصیل سره کړې. د هندي فلسفې نامتو فیلسوف کوټلیا چانکیا په هغه پیر کې ژوندې و، کله چې ستر سکندر په ټېکسلا برید وکړ... د کوشانیانو پیر ددې واکمنۍ یو زرین پیر پېژندل کېږي.

Ancient india.png

د کنېشکا واکمن په پیر کې د ګندهارا تمدن خپل لوړو پوړیو ته ورسېد. ګندهارا د بودیزم د دیني ښوونو منځۍ وګرځېد، او خلک به له لری، لری واټنونو څخه دې ځای ته د زده کړې لپاره راتللل پیل شول. یوناني، پارسي تمدنونو هم د ګندهارا په لرغوني تمدن باندې یو څه اغیز پرېښود. د ګندهارا بادشاهي له شپږمې مخزېږدې پېړۍ څخه نیولې تر ۱۱مې زېږدې پېړۍ پورې شتون درلود. لدې پیر څخه وروسته په ۱۰۲۱ زېږدې کې دا پراخه سیمه د افغان بادشاه سلطان محمود غزنوي تر ولکې لاندې راغله. او لدې څخه وروسته د ګندهارا نوم مخ په ورکېدو شو. د افغان واکمنو پر پیر کې به دا پراخه سیمه له کندهار، غزني، غور او بیا په وروستي وخت کې له کابل څخه اداره کېده. د مغولو په پیر کې دا سیمه د کابل د والي لخوا اداره کېده.

جغرافيه

افغانان د ویدي پیر څخه مخکې هم د کابل سیند (کوبا یا کابول) پر غاړه تر اباسینده پورې ودان ول. وروسته بیا د هندي پنجاب شمالي اترپردیېش ایالت ځینې برخې هم په ګندهارا کې ورګډې شوی، او پدې توګه ګندهارا د یو نړویال سوداګریزو چارو منځۍ وګرځېد. دا وخت ګندهارا د پارس او منځني اسیا ترمنځ د یو مهم اړیکتایي چېنل په توګه مخې ته راغې.

د ګندهارا بریدونه (سرحدونه) د وخت په تېرېدو سره ادلون بدلون موندلې. کله به د پېښور او ټېکسلا ښارونه به په ټولیز ډول د ګندهارا د ټاټوبي په نامه یادېدل، کله به د سوات دره (سانسکرېت سوَستُو) هم پدې ستر لرغوني مدنیت کې راشامله شوه.

سرچینې

  1. Tale Our Word For It: Spotlight on Topical Terms
  2. from Sanskrit puruṣa= (primordial) man and pura=city
  3. انسايکلوپېډيا بريټانيکا: ګندهارا