زړه پوهنه
زړه پوهنه یا د زړه د ناروغيو پوهنه (انګريزي:Cardiology) یوه درملګريزه څانګپوهنه ده چې د زړه بې نظمۍ او ناروغۍ په کې پېژندل کېږي او د درملنې لارې چارې يې په پام کې نيول کېږي (په ځانګړې ډول د انسانانو زړه). د درملګرۍ دا ډګر د زړه مورزېږې نېمګړتياوې، د پلازي رګونو ناروغۍ، زړه نابری، د زړه ورخيزې ناروغۍ او الېکټروفېزيولوجي پېژندنه او درملنه په ځان کې نغاړي. هغه درملګران چې په دې څانګه کې زده کړې کړي وي زړه پوه يا زړه پوهان بلل کېږي. هغه درملګران چې د زړه په جراحۍ کې يې زده کړې او عملي کار کړی وي د زړه جراح زړه جراحان بلل کېږي.
څانګپوهنه
زړه پوهنه داخله درملګرۍ يوه څانګه ده. په امريکا کې د زړه پوه تر کچې رسېدو لپاره، په داخله طب کې درې کلنې کاري تجربې ته ضرورت دی او تر دې وروسته درې کاله يوازې د زړه پوهنې په ډګر کې زده کړې ترلاسه کول او کاري تجربې ته اړتيا ده. تر دې وړاندې په زړه پوهنه کې نورې څېرمه څانګپوهنې دي چې څوک کولی شي په کې زده کړې وکړي او څانګپوه وپېژندل شي. په امريکا کې د زړه پوهنې نورې پېژندل شوې څېرمه څانګپوهنې په دې ډول دي:
- د زړه اېلېکټروفېزيولوجي
- دا د زړه د برېښنيکي ځانتياو او د زړه د ښيوني ناروغيو زده کړه ده.
- اېکوکارډیوګرافي
- د الټراساونډ په کارولو د زړه د تخنيکي کړنو/فيزيک د پېژندلو زده کړه ده.
- مېنځګړيزه زړه پوهنه
- د کاتيترونو په کارولو سره د زړه د اسکېميکو ناروغيو د درملنې زده کړه ده.
- هستوي زړه پوهنه
- د هستوي درملګرۍ په کارولو سره د راډيواکټيفو ايسوټوپونو د جذب په مرسته د زړه د ښکاره کېدنې زده کړه ده.
