يزيد بن معاويه

يزيد يا يزيد بن معاويه (زېږون 645; مړينه 683)(په عربي: يزيد بن معاوية بن أبي سفيان)‎د اموي خلافت دويم خليفه وو. نوموړي درې کاله خلافت وکړ چي ټوله موده يې له 680 عيسوي کال نه د هغه تر مړينې 683 زیږدیز کال پورې وغځېدله. ډېری مسلمانان د يزيد د واکمنۍ وخت په اسلامي خلافت کې د ظلم او بې عدالتۍ نه ډک وخت گڼي. يزيد د ټاکنو او يا هم د شورا له مخې خلافت ته نه وو رسېدلی بلکه هغه په زوره خپل ځان د پلار تر مرگ وروسته واکمن کړی و. یزید د معاويهؓ زوی وو، او په دې ډول هغه تړون چې د معاويه او حسن بن علي تر مېنځ شوی و د هغه تړون په خلاف يې ځان واکمن کړ او د کربلا په جگړه کې يې حسین بن علي د هغه د کورنۍ او پلويانو سره په ۱۰ د محرم په شهادت ورسول.