و نه و يو شپون و
د سعدالدین شپون په مړینه عبدالعزیز غیرت د ارواښاد استاد شپون شخصیت په لاندې نظم کې بیان کړی.
و، نه و، يو شپون و
يو عاجز غوندې پښتون و
ماتو زړونو ته پايه وه
يوه لويه سرمايه وه
يو له مينې ډک انسان و
خوش اخلاقه مهربان و
په ادب کې ستر ماهر و
يو ليکوال و، يو شاعر و
له قلم سره يې کار و
زبردست ناول نګار و
دهيواد په حال غمجن و
سخت د سولې ارمانجن و
بس غيرته افلاطون و
و، نه و، يو شپون و !!!
عبدالعزيز غيرت (۱۱/۹/۲۰۱۷) ننګرهار ــ هجرت کلی