وېنسټون چرچل

وېنسټن لیونارد سپنسر چرچل (د ۱۸۷۴ز  کال د نومبر له ۳۰ نه د ۱۹۶۵ ز کال د جنوري تر ۲۴ مې پورې)، د جورابو د بند د اتلولۍ نښان (Knight of the Garter)، د وړتیا نښان (Order of Merit)، د اتلانو ویاړ نښان (Order of the Companions of Honour)، د خاورې د اتلولۍ نښان (Territorial Decoration)، د تورن د مرستیال ویاړ (Deputy lieutenant)، د شاهي ټولنې یاور (Fellow of the Royal Society)، د هنرونو د شاهي اکاډمۍ ویاړ (Royal Academy of Arts) درلودونکی یو بریتانوي سیاستوال و چې د دویمي جګړې په اوږدو کې یې له ۱۹۴۰زکال نه تر ۱۹۴۵ ز کال پورې او بیا له ۱۹۵۱ ز کال نه تر ۱۹۵۵ ز کال پورې د لویې بریتانیا د لومړي وزير په توګه دنده ترسره کړه.

وېنسټون چرچل

Winston Churchill (انګليسي)

اړوند

زېږونځای	Blenheim Palace (en)
ښاروندتوب	برېتانيا — د برېتانيا او ايرلينډ متحده پاچايي
زېږون نېټه	۳۰ نومبر ۱۸۷۴ — ۱۸۷۴
مړينې نېټه	۲۴ جنوري ۱۹۶۵
مړينې لامل	طبیعی لاملونه
مړينې ځای	Hyde Park Gate (en)
مړينې لامل	stroke (en)
ښخولو ځای	St Martin's Church, Bladon (en)
استوګنځی	دوبلين — Blenheim Palace (en)
زدکړنځی	Harrow School (en) — Royal Military College, Sandhurst (en) — St George's School, Ascot (en) — Stoke Brunswick School (en)
ژبې	انګليسي ژبه — فرانسوي ژبه
ګوند	Conservative Party (en) — لیبرال ګوند (لویه بریتانیا) — Conservative Party (en)
دنده	لړۍ... سياستوال — تاریخ پوه — خبريال — painter (en) — autobiographer (en) — سکرين ليکوال — biographer (en) — statesperson (en) — پوځي افسر — ليکوال — وزير — artist (en) — حکومت مشر
بلننوم	The pug The Old Lion Le vieux Lion

ټوليز مالومات

عمومي مالومات	انسان
وروڼه او خويندې	Jack Churchill (en)
غړی د	د امریکا د هنرونو او پوهنې اکاډمي The Royal Society (mul) Society of the Cincinnati (en) (۱۹۵۲ – ۱۹۶۵) Order of the Garter (en) (۱۹۵۳ – ۱۹۶۵)
دین	د انګلستان کليسا

اړين مالومات

مهمې پېښې	۲۴ جنوري ۱۹۶۵ : مړینه
جګړه	لړۍ... لومړنۍ نړېواله جګړه Mahdist War (en) د بوئر دویمه جګړه د ملاکنډ محاصره دويمه نړېواله جګړه

جوړښت

جایزې

لړۍ...  Grand cross of the Order of the White Lion (en) (۲۸ اکتوبر ۲۰۱۴)  وړاندې کېدنه ميلوش زېمان  honorary citizen of the United States (en) (۱۹۶۳)  د آزادۍ جایزه (۱۹۵۸)  Order of Liberation (en) (۱۹۵۸)  Charlemagne Prize (en) (۱۰ می ۱۹۵۶)  Nobel Prize in Literature (en) (۱۹۵۳)  Knight of the Garter (en) (۱۹۵۳)  وړاندې کېدنه دوهمه ملکه الیزابت  Sonning Prize (en) (۱۹۵۰)  doctor honoris causa from the University of Lyon (en) (۷ جون ۱۹۴۸)  Military Medal of Luxembourg (en) (۱۴ جولای ۱۹۴۶)  Knight Grand Cross in the Order of the Netherlands Lion (en) (۸ می ۱۹۴۶)  honorary doctor of the University of Miami (en) (۲۶ فېبروري ۱۹۴۶)  Honorary doctor of Leiden University (en) (۱۹۴۶)  honorary citizen of Brussels (en) (۱۶ اکتوبر ۱۹۴۵)  Albert Medal (en) (۱۹۴۵)  honorary Fellow of the Royal College of Surgeons (en) (۱۹۴۳)  Territorial Decoration (en) (۳۱ اکتوبر ۱۹۲۴)  Companion of Honour (en) (۱۹ اکتوبر ۱۹۲۲)  Distinguished Service Medal (en) (۱۹۱۹)  Queen's South Africa Medal (en) (۱۹۰۱)  Queen's Sudan Medal (en) (۱۸۸۹)  Crosses of Military Merit (en)  Croix de Guerre (en)  Order of the Oak Crown (en)  Order of the Star of Nepal (en)  Congressional Gold Medal (en)  Order of the White Lion (en)  Cross of Liberty (en)  honorary citizen of Mons (en)  Order of the Elephant (en)  King George V Silver Jubilee Medal (en)  1914–15 Star (en)  Grand Cordon of the Order of Leopold (en)  Order of Merit (en)  Victory Medal (en)  Fellow of the Royal Society (en)  Grand Cross of the Order of the Oak Crown (en)  Médaille militaire (en)  British War Medal (en)  Companion of the Liberation (en)  France and Germany Star (en)  Knight Grand Cross with Collar of the Order of Saint Olav‎ (en)  Africa Star (en)  Queen Elizabeth II Coronation Medal (en)  King George VI Coronation Medal (en)  1939–45 Star (en)

چرچل چې د لومړي وزیر په توګه د جګړې په اوږدو کې د مشرتابه له امله غوره شهرت لري، د سنډورسټ اکاډمۍ روزل شوی سرتېری، د سویلي افریقا د بویر د جګړې اتل، د نوبل جایزې ګټونکی لیکوال او تاریخ لیکونکی، تکړه انځورګر او د بریتانیا په تاریخ کې تر ټولو اوږد خدمت کوونکي سیاستوال ګڼل کېږي. د ۱۹۲۲ او ۱۹۲۴ کلونو ترمنځ له دوو کلونو پرته، نوموړی له ۱۹۰۰ ز کال نه تر ۱۹۶۴ ز کال پورې د پارلمان غړی و او په ټولیزه توګه یې د پنځو حوزو استازیتوب کاوه. نوموړی چې له فکري اړخه یو اقتصادي لیبرال او امپریالیست و، د خپلې تجربې په ډېره برخه کې د محافظه کار ګوند غړی و، چې له ۱۹۴۰ ز کال نه تر ۱۹۵۵ ز کال پورې د دې ګوند مشري هم وکړه. هغه د ۱۹۰۴ز کال نه تر ۱۹۲۴ ز کال پورې د لیبرال ګوند غړی و.     

چرچل چې له انګلیسي او امریکایی ګډ نسب نه و، په اکسفورډشایر کې په یوه بډایه اشرافي کورنۍ کې نړۍ ته سترګې پرانیستې دي. په ۱۸۹۵ ز کال کې نوموړی د بریتانوي پوځ په لیکو کې ګډون وکړ او د بریتانوي هند، د انګلیس - سوډان جګړه او د بویر په دویمه جګړه کې یې ونډه واخیستله او د جګړې د ډګر د خبریال په توګه او د خپلو مبارزو په اړه د کتابونو د لیکلو له امله یې شهرت ترلاسه کړ. نوموړی چې په ۱۹۰۰ ز کال کې د محافظه کار ګوند استازی وټاکل شو، په ۱۹۰۴ ز کال کې یې لیبرال ګوند ته مخه کړه. چرچل د هربېرت هنري اسکویث په لیبراله واکمنۍ کې، د سوداګرۍ د بورډ مشر او کورنیو چارو د وزیر، د زندان د اصلاحاتو او د کارګرانو ټولنیز امنیت د مشر په توګه دنده ترسره کړه. د لومړۍ نړیوالې جګړې په اوږدو کې د سمندري ځواکونو د لوی مشر په توګه، نوموړي د ګالیپولي جګړې مشري و کړه ،خو کله چې دا جګړه د یوه ناورین په بڼه را څرګنده شوه، هغه د لانکاسټر د دوک مشرۍ ته د رتبې تنزیل شو. د ۱۹۱۵ ز کال په نومبر کې نوموړي استعفا ورکړه او د شپږومیاشتو لپاره په لوېیځه جبهه کې د شاهي سکاتلنډي فیوزیل وسلوال ځواک سره یوځای شو. چرچل په ۱۹۱۷ز کال د ډېوېډ لویډ جورج تر مشرۍ لاندې حکومت ته راستون شو او په پرله پسې توګه د سلاکوټونو د وزیر، د جګړې د چارو د وزیر، د هوایي ځواکونو د چارو د وزیر او د مستعمیرو د چارو د وزیر په توګه دنده ترسره کړه او د انګلیس – آیرلنډ د تړون او په منځنی ختیځ کې د بریتانیا د بهرني سیاست مشري یې وکړه. په پارلمان کې له دوو کلونو نه وروسته، نوموړي د سټینلي بالډوین په محافظه کار حکومت کې د خزانې د وزیر په توګه دنده ترسره کړه، چې په ۱۹۲۵ ز کال کې یې د سټرلینګ پونډ بېرته د جګړې نه وړاندې د سرو زرو معیار ته راستون کړ، چې یو انقباضي فشار او د بریتانیا په اقتصاد باندې محدود کوونکی سیاست ګڼل کېده.  

د "بیابان کلونو" تر نامه لاندې، کله چې هغه په ۱۹۳۰ ز کلونو کې له حکومت نه بهر و، په نازي آلمان کې د پوځي ځواک له زیاتیدونکي ګواښ سره د مقابلې لپاره په وسلو باندې د بریتانویانو د سمبالولو غوښتنه وکړه. هغه بیا د دویمې نړیوالې جګړې په پیل کې د سمندري ځواکونو د لوی مشر په توګه وټاکل شو. د ۱۹۴۰ ز کال د مې په میاشت کې لومړی وزیر او د نیویل چیمبرلین ځایناستی شو.  چرچل یو ولسي حکومت را منځ ته کړ او د روم - برلین محور ځواک په وړاندې یې د متحدینو په جګړه کې د بریتانوي ښکېلتیا مشري په غاړه درلوده، چې پایله که یې په ۱۹۴۵ ز کال کې بریا ترلاسه کړه. د ۱۹۴۵ کال په عمومي ټاکنو کې د محافظه کارانو له ماتې وروسته، هغه د اپوزیسیون مشر شو. نوموړي له شوروي اتحاد سره د سړې جګړې د پراختیا په ترڅ کې، په ​​عامه توګه په اروپا کې "د اوسپنیزې پردې" دې خوا ته د شوروي د نفوذ خبرداری ورکړ او د اروپا یووالي ته یې وده ورکړه. هغه د ۱۹۵۰ز کال ټاکنې بیا و بایللې، خو په ۱۹۵۱ ز کال کې بېرته واک ته راستون شو. د نوموړي دویمه دوره په بهرنیو چارو کې، په ځانګړې توګه د انګلیس - امریکا په اړیکو او د بریتانوي سترواکۍ په ساتنه کې را نغښتې وه. په کورنیو چارو کې، د هغه حکومت د کورونو په ودانولو ټینګار وکړ او د اټومي وسلو پراختیا (چې له هغه وړاندې پیل شوې وه) یې بشپړه کړه. چرچل د ناسم روغتیايي حالت له امله، په ۱۹۵۵ ز کال کې د لومړي وزیر له چوکۍ نه استعفا ورکړه، خو تر ۱۹۶۴ ز کال پورې د پارلمان غړی پاتې شو. هغه په ۱۹۶۵ ز کال کې له نړۍ سترګې پټې کړې او د نوموړي جنازه په دولتي مراسمو سره خاورو ته و سپارل شوه.  

چرچل چې په پراخه کچه د شلمې پیړۍ له خورا اغېزناکو څېرو نه ګڼل کېږي، په انګلستان او لوېدیځه نړۍ کې د ډېر شهرت خاوند دی، چې په دې ځای کې د جګړې د ډګر د بریالي مشر په توګه شمېرل کېږي او د اروپا د لیبرال ولسواکۍ په دفاع کې یې د فاشیزم د خپرېدو په وړاندې ارزښتناکه ونډه لوبولې ده. نوموړی د یو ټولنیز اصلاح کوونکي په توګه هم ستایل کېږي، خو هغه د جګړې په وخت کې د ځینو پېښو له امله – په ځانګړې توګه  د جرمني ښارونو بمبارۍ او د بنګال لوږې ته د نوموړي د حکومت غبرګون او د امپریالیستي نظریاتو او د نژاد په اړه د تبصرو له امله تر نیوکو لاندې دی.