نورالبشر نويد - ويکيپېډيا

اوږده ليکنه

نورالبشر نويد (زوکړه د ۱۹۵۶ زږېديز کال د فبرورۍ ۱۲) د پښتونخوا يو پښتو ژبی ليکوال او ژورنالسټ دی.

مخينه

نورالبشر نويد د ۱۹۵۶ زېږيز کال د فبرورۍ پر ۱۲ د رشيد آباد ترو په کلي کې نړۍ ته راغلی. ده خپلې لومړنۍ زده کړې په همدې کلي کې ترسره کړي. له ماشومتوب څخه يې د پښتو ژبې سره يوه خاصه مينه درلوده. د دې تر څنگ يې د پښتنو د ويښولو په موخه د سياست ډگر ته هم ورودانگل، خو د سياست په ډگر کې يې له قلم نه کار واخيست.

دندې

نوموړی يو بريالی ډرامه نگار، د کالمونو ليکوال، شاعر او يو فعال ژورناليست دی. ښاغلی نويد له پېښور څخه خپرېدونکې مجلې «ليکوال» مشر او چلوونکی هم دی. د هغه ليکنې په وحدت ورځپاڼه کې خپريږي، چې د ماته غوږ شه د سرليک تر نامه د ورځنيو چارو سره سره سياسي، علمي او فني شننې، گروهې او نيوکې پکې وي.

چاپي آثار

مشالونه (د شعرنو غونډ).
ماته غوږ شه (په دوه ټوکونو کې د نثرونو ټولگه).
وطن يا کفن (د افغانستان د پخواني هېوادمشر ډاکتر نجيب الله په اړه ليکل شوي نثرونه).

وطن يا کفن د ډاکټر نجيب الله په اړه د نويد کتاب پښتۍ
ما ته غوږ شه! د نورالبشر نويد د کالمونو ټولگه

ناچاپه آثار

د شعر بېلگه

دا زما په سر کښې د پښتو نشه کهٔ کفر دی دا پښتون تندی به ستا جنت کښې ماتؤمه زهٔ

ـــــــــــــــ

ما د تیارو دښمني داسې ؤکړه زهٔ خپل احساس سوزؤم اور کؤم مرگیه! تهٔ مې هم وژلی نهٔ شې زهٔ د ملگرو خلو کښې شور کؤم