مسیحیت او همجنس بازي

د جنسي لېوالتیاوو او همجنس بازۍ په هکله مسیحیت کې بېلابېل لیدلوري او نظرونه موجود دي. حتی د یوې ډلې یا یوې فرقې په برخه کې هم کېدای شي، چې پلویان یې د همجنس بازۍ په هکله بېلابېل لیدلوري او نظرونه ولري او د یوې ډلې یا یوې فرقې ټول غړي یې تر ډېره د همجنسبازۍ په هکله د دوی د کلیسا د لیدلورو او نظریاتو ملاتړ نه کوي. د بېلابېلو فرقو موجودیت د همجنس بازه روحانیونو او د همجنسبازانو د واده کولو برخې ته د ودې ورکولو په تړاو اصلي دریځ نیولی، حال دا چې نورو فرقو لکه د کاتولیک کلیسا داسې نه دي کړي.

مخینه / تاریخچه

په یهودیت او مسیحیت کې د عبراني انجیل مقدس کتاب او د هغه اړوند تفسیرونه له تاریخي پلوه د انسان د جنسیت په هکله یو ډول د پلار خاصیت لرونکي او غیر قانوني نسبت تګلاره تایید کړې ده او د واده په لړ کې د ښځینه او نارینه وو د ځانګړو جنسي اندامونو له مقاربت څخه او د جنسي مقاربت د نورو شکلونو په پام کې نیولو لکه د اتورټیکیزم څخه ملاتړ کوي. ځان ارضا کول، د خولې له لارې جنسي رابطه، غیردخولي جنسي اړیکې او د غیر متضاده جنسي اړیکې (چې ټولې یې په بېلابېلو زمانو کې د «لوطي» لقب خپل کړی دی) په دې باور دي او داسې روزل شوي دي، چې دا ډول کړنې او چلندونه حرام دي، ځکه چې ګناه ګڼل کیږي او تر ډېره د سدوم او ګومورا اړوند سیمو د استوګنو له کړنو سره مقایسه یا د هغو له امله بلل کېږي. په دې توګه د عیسویت په لومړیو کې د همجنس بازانو یا LGBT خلکو وضعیت د بحث وړ موضوع ده.

د عیسویت او همجنسبازۍ اړوند تاریخ په هکله ډیر بحث شوی. ځینې​ په دې باور دي، چې د مسیحیت اړوند لومړنیو کلیساوو د همجنس بازانو د اړیکو او ترانسجینډر لرونکو اشخاصو په هکله ډېر خواشیني او خفه و. حال دا چې ځینې نور بیا په دې باور دي، چې د مسیحیت اړوند کلیساوو به هغوی د خپلو متضاد همکارانو په توګه منل. دا بېلابېل نظرونه په ځینې مواردو د مسیحیت اړوند مقدس کتاب د ځینې اصطلاحاتو اړوند ترجمې او یا هم د یاد کتاب د ځینې برخو معنا او بیان پورې اړوند کېږي.

دا مقاله په شلمه او یوویشتمه پېړیو باندې ټینګار کوي او دا موضوع بیانوي، چې د مسیحیت اړوند مقدس کتاب څنګه دې موضوع ته اشاره کوي، آیا غندنه یې کوي که نه؟ او دا چې آیا هغه بېلابېل متنونه او لیدلوري اوسمهال پلي کېږي که نه؟ چې ټول د بحث وړ موضوعاتو باندې بدل شوي دي. د لاواتیکال قانون د سم تفسیر په هکله بېلابېل مهم بحثونه راپورته شوي دی، د سدوم او ګومورا داستان، د پولین بېلابېل متنونه، او دا چې آیا دا آیتونه او متنونه جنسي او د همجنس بازۍ اړوند فعالیتونه محکوموي که نه.

د عیسویانو مذهبي ډلې یا فرقې

د کاتولیک کلیسا

هر ډول جنسي عمل چې د یوې واده شوې جوړې په وسیله د زېږون لامل شي هغه د کاتولیک کلیسا یې ګناه بولي. دا کلیسا داسې وایي چې «همجنس ګرایانه لېوالتیاوې» په ښکاره بې نظمه دي. خو خپله دا لېوالتیاوې ذاتاً ګناه نه بولي، بلکې هغه د ګناه لپاره یوه وسوسه بولي.

د کاتولیک کلیسا کاتیزم داسې وایي چې: «هغه نارینه او ښځینه چې د همجنس بازۍ اړوند ژور تمایلات لري.... هغوی باید په پوره احترام، شفقت او حساسیت سره ومنل شي» او دغه راز «د دوی په وړاندې د هر ډول غیر عادلانه او تبعیضي چلند مخنیوی باید وشي» کلیسا د همجنسبازۍ په وړاندې د جنایي سزاوو سره مخالفت لري او دغه راز ټول هغه کسان چې په خپل همجنس وګړو یا مخالف جنسونو سره ډېره لېوالتیا او په هغو کې جذب دي، د کاتولیک کلیسا له هغو غواړي، چې تل عفت او پاکي غوره کړي؛ ځکه چې ټولو ته یې داسې تعلیم ورکوي چې جنسي لېوالتیاوې او کوروالي باید یوازې له واده کولو وروسته ترسره شي، چې پاکې جنسي اړیکې وي او د دایمي اړیکو، ماشوم زېږولو، بل جنس پاللو یا همجنس بازۍ او تک همسرۍ یا یوه واده لرلو په توګه دي. واتیکان د همجنس بازۍ ژورو لېوالتیاوو او یوې تېرېدونکې ستونزې د بیانولو تر منځ توپیر ټاکي، دغه راز د اړیکو تنظیمولو او مشرۍ یا ملایۍ ته د یو عیسوي کشیش ټاکلو په برخه کې په ۲۰۰۵ ز کال کې په یوه سند کې داسې ویل شوي، چې د همجنسبازۍ تمایلات یې «باید په ښکاره توګه لږ تر لږه د کشیش ټاکل کېدو اړوند مراسمو څخه درې کاله مخکې په پوره توګه ختم شوي او پاک شوي وي». په ۲۰۱۱ ز کال کې د مذهبي څېړنو اړوند انستیتیوت په وسیله له امریکايي کاتولیکانو څخه ترسره شوې تلفوني نظر پوښتنې وښودله، چې شاوخوا ۵۶ سلنه کاتولیکان په دې باور دي، چې د دوه همجنسبازانو تر منځ جنسي اړیکې کومه ګناه نه لري. څېړنې دا په ډاګه کوي، چې د جنسي کاروباریانو اړوند کاتولیکانو لپاره د جنسي تمایلاتو په هکله د کاتولیکي کلیسا تعلیمات «د شخړې او ناراحتۍ اصلي سرچینه» ده.

د اوسنابروک رومي کاتولیکي ډیویسیس کلیسا آلماني اشقف یا مسیحي مُلا فرانز جوزف باوډ د ۲۰۱۸ ز کال په جنوري میاشت کې او د ۲۰۱۸ ز کال په فبروري میاشت کې د آلمان د رومي کلیسا کارډینال رین هارډمارکس د آلمان مذهبي مشرانو اړوند کنفرانس مشر له آلماني خبریالانو سره په خپله مرکه کې وویل، چې د آلمان په رومي کاتولیکي کلیساوو کې د همجنس بازۍ اړوند اتحادویو برکت ممکن دی. دغه راز په اتریش کې د همجنس بازۍ اړوند اتحادیو برکت په دوه کلیساګانو کې ترسره کیږي، چې د لینز په رومن کاتولیکي ډیوسیس کې ترسره کېږي. د عقیدوي ډلو اړوند ټولنې متخصصینو په ۲۰۲۱ ز کال کې دا روښانه کړه، چې د همجنس بازۍ اړوند اتحادیې بې برکته او بې ګټې دي.

د ارتدوکس کلیساوې

د ختیځ برخې اړوند ارتدوکسي کلیساوې د همجنسبازۍ کړنې او اعمال غندي. د ارتدوکس کلیسا له کاتولیک کلیسا سره د کلیساوو اړوند تعلیماتو او مذهبي قوانینو په برخه کې اوږد تاریخ لري او دواړه د همجنسبازۍ په هکله یو بل ته ورته او مشابه محافظه کارانه دریځ لري. د ارتدوکس کلیسا یو شمېر قضایي برخې لکه په آمریکا کې د ارتدوکس کلیسا او داسې نورو یې د «همجنس پالونکو احساساتو او عواطف لرونکو وګړو» په وړاندې د هرکلي تګلاره غوره کړې ده، تر دې چې دا وګړي هڅوي ترڅو «په خپل ژوند کې د دې احساساتو او عواطفو د مضر او ناوړه اغېزو په وړاندې هڅه وکړي» بریالي شي. حال دا چې هغه کسان چې د همجنس بازۍ اړوند فعالیتونو د توجیې په لټه کې دي، هغوی مقدسو مذهبي مراسمو ته د ترسره کېدو اجازه نه ورکوي. د شرقي اروپا او یونان په څېر نورې ارتدوکسي کلیساوې همجنس پالنه او همجنس بازي ډېره غوره نه بولي او په کمه سترګه ورته ګوري. د یونان د ارتدوکسي کلیسا مُلایان او مشران همجنس بازي د زنا او بدلمنۍ یا بې عفتۍ او نورو ناوړه اعمالو له ډلې څخه بولي، ځکه چې همجنس بازي د واده کولو او کورنیو بنسټ او اساس له منځه وړي. په ۲۰۱۷ ز کال کې د د پیو Pew څېړنیز مرکز نظرپوښتنو دا په ډاګه کړه، چې زیاتره هغه ارتدوکسي مسیحیان چې په شرقي اروپا او مخکیني شوروي اتحاد کې ارزول شوي دي، زیاتره یې په دې باور دي، چې همجنس بازي «باید د ټولنې په وسیله و نه منل شي» دغه راز په یونان کې ۴۵ سلنه ارتدوکسي عیسویانو او د امریکې په متحده ایالتونو کې ۳۱ سلنه ارتدوکسي عیسویانو هم دېته ورته همداسې ځواب ورکړ.

لیبرالي دریځ

د مسیحیت یو شمېر نورې ډلې او فرقې د تک همسرۍ یا یو شخص لرونکو همجنس بازانو اړیکې ګناه یا غیر اخلاقي نه بولي او ښایي دا ډول ټولنې یا اتحادیې معاف او په برکت ورکولو سره یې یو واده یا یوه جوړه وارزوي. لکه د کانادا متحده کلیساوې، د آمریکا پروتستان کلیسا، د مسیح متحده کلیسا، د آلمان لوتري کلیسا، په EKD کې اصلاح شوې او متحده کلیساوې، د سوئیس ټولې اصلاح شوې کلیساوې، د هالند پروتستاني کلیسا، د بلژیک متحده پروتستاني کلیسا، د فرانسې متحده پروتستاني کلیسا، د دنمارک کلیسا، د سویدن کلیسا، د آیسلیند کلیسا، د ناروې کلیسا، د آسترالیا متحده کلیسا او داسې نورې کلیساوې پکې شاملې دي، دغه راز د فنلند انجیلي لوتري کلیسا هم د همجنس بازانو اړوند جوړو یا زوجینو لپاره دعا کول جایز بولي. د مترپولیتین ټولنې اړوند کلیسا په ځانګړې توګه د همجنس بازانو یا جنسي کاروباریانو یعنې LGBT ته د خدمت کولو لپاره تأسیس او جوړه شوې ده.

د اپوستولیک پینټکوستال د تصدیق کولو نړیوال اتحاد یا (GAAAP) خپل ریښې یا پیدایښت یې ۱۹۸۰ ز کال پورې اړوند بولي، چې هغه د اوپوستولیک پینټکوستال تر ټولو لرغونې فرقې باندې تبدیلوي، چې د همجنس بازانو تصدیقوونکي جوړوي. همدارنګه دېته ورته بل داسې سازمان د پینټکوستال نړیوالې کلیسا تاییدول (Affirming Pentecostal Church International) ده، چې اوسمهال د پنطیکاستي تاییدولو تر ټولو لوی سازمان دی، چې د امریکا په متحده ایالتونو، انګلستان، مرکزي او جنوبي آمریکا، اروپا او آفریقا کې ګن شمېر کلیساوې لري.

د جنسي کاروباریانو یا LGBT تاییدوونکې ډلې یا فرقې، همجنس پالنه یا همجنس بازي یوه طبیعي پېښه بولي. د مسیح متحده کلیسا د همجنس بازانو واده لمانځي او د انګلیکن او لوتري کلیساوو ځینې برخې د همجنس ګرایانو د اړوندو ټولنو او اتحادیو د برکت او منلو زمینه برابروي. همدارنګه د کانادا متحده کلیسا هم د همجسن بازانو واده کول جائز بولي او جنسي لېوالتیاوې د خدای تعالی له لوري یوه ډالۍ بولي. د انګلیکان په ډله یا انجمن کې په ښکاره توګه همجنس بازه روحانیون موجود دي، د بېلګې په توګه جېن رابېنسون د امریکا متحده ایالتونو په اسقفي کلیسا کې یو ښکاره همجنس باز اسقف یا عیسوي ملا دی.