ماين
ماين هغه ځانګړى چاودېدونکى توکى دى چې له لرګيو، اوسپنې او پلاستيک څخه جوړ او دننه يې چاودېدونکي توکي اېښودل شوي وي. دا وسله تر ځمکې لاندې اېښودل کېږي چې د پښې يا د لاس په فشار لاندې چوي چې د انسان د ژوبلېدو او يا د مرګ سبب ګرځي. ماينونه بېلا بېلې بڼې او اندازې لري. د بېلګې په توګه د لوبو د شيانو په بڼه، د کوچنيو راډيوګانو، د قلم، ساعت او نورو شيانو په بڼه جوړ شوي دي.
زياتره ماينونه د انسان د ټپي کولو، شلولو او شوټولو په موخه جوړ شوي دي. دا يوه معموله پوځي وسله ده چې په پراخه کچه له لومړۍ نړيوالې جګړې راهيسې د ټولې نړۍ په ټولو جګړو کې کارول شوې.