قارون
قارون د موسی (ع) د اکا (تره) زوی و، په رنگ ښايسته او د تورات په يادولو کې تر زياتو بني اسرائيلو د مخه، خو په جاه طلبۍ کې يې افراط کاوه او د بخل او رخې برخه يې هم زياته وه. خدای (ج) ډېر موړ پيدا کړی و، خو د شکر پر ځای به يې ځپل ثروت د بني اسرائيلو مخې ته را ايسته او په هغه به يې وياړ کاوه. نه يې د چا نصيحت مانه او نه يې د زکات په ورکولو کې د موسی (ع) توصيه منله، حتی يو چال يې جوړ کړ چې موسی (ع) په زنا تورن کړي. حضرت موسی (ع) ښځه راوغوښتله او د قسم په ورکولو يې حقيقت وغوښت. ښځې رښتيا وويل چې قارون درواغجن او حضرت موسی (ع) پاک دی. موسی (ع) هغه نفرين کړ او خدای (ج) سخته زلزله پيښه کړه چې قارون او د هغه ټول ثروت يې د ځمکې په خېټه کې ښخ کړه.