عارفه عمرلور
عارفه عمرلور بشیر (۱۳۵۳ ل. -) يوه افغانه ناولسته او کيسه ليکواله ده.
مخينه
عمرلور په جلال آباد ښار کې زېږېدلې ده، خو اصلي استوگنځی يې د لغمان ولايت د اليشنگ ولسوالۍ د سالاو درې د باړېزيو سيمه ده. اوس له هېواد څخه بهر د بلجیم په هېواد کې اوسېږي. په بېړنۍ لویه جرگه کې په کال 2002 کې د لغمان ولایت استازې وه.
زده کړې
تر يوولسم ټولگي پورې يې په لښکرگاه ښار کې د نجونو لېسه ولوسته، د دوولسم ټولگي بريليک يې د کابل ښار له سلطان راضيې لېسې نه ترلاسه کړې. بيا په ۱۳۶۹ ل. کال کې د کابل انجنيرۍ پوهنځي ته لاړه او د کابل انجنیري یې ولوسته.
کاري مخینه
عارفه عمرلور اوسهال په بلجيم کې د کډوالو چارو له لويې کميسارۍ او د عمومي هوساینې مرکز CAW موسسې سره د کډوالو په برخه کې کار کوي.
عمرلور له لومړيتوب ویب سایټ څخه وروسته د بلجيم میشتو افغانانو د لاسنيوي او پوهاوي پر موخه د افغان ټپس ویب سایټ بنسټ کېښود چې تر دې مهاله یې پر ویب سایټ، فېسبوک، یوټیوب او نورو رسنیو بېلابېلې لیکنې او معلومات خپاره کړي.
عمرلور د لومړيتوب علمي او مسلکي ویب سایټ له بنسټګرو څخه ده چې له ۲۰۱۵ کال تر ۲۰۲۰ کال پورې یې په زرګونې علمي او مسلکي ليکنې او ژباړې خپرې کړې.
عمرلور له 2001 نه تر 2010 کال پورې د بی بی سي په تعلیمي پروژه کې د لیکوالې او پروډیوسرې په حیث کار کړئ.
ليکوالي
عارفه عمرلور له ۱۳۶۷ ل. کال راهيسې ليکنې کوي او تر اوسه يې دا لانديني اثار ليکلي:
چاپ شوي آثار
- ماتې سيپۍ - ناول
- د واده پر سبا - ناول
- ستومانه تېښته - ناول
- شامتوره - ناول
ناچاپ آثار
- انگریز پلاوی - ناول
- ډار - ناول
- په ماښام کې واټکی - ناول
- یو بډوډی - ناول
باندنۍ تړنې
- د لیکوالې ویب سایټ عمرلور Archived 2016-06-30 at the Wayback Machine.
- د افغان ټپس ويب سایټ
- لومړيتوب ویب سایټ