عارفه عمرلور

د ويکيپېډيا، وړیا پوهنغونډ له خوا

عارفه عمرلور بشیر (۱۳۵۳ ل. -) يوه افغانه کيسه ليکواله ده.

مخينه

عمرلور په جلال آباد ښار کې زېږېدلې ده، خو اصلي استوگنځی يې د لغمان ولايت د اليشنگ ولسوالۍ د سالاو درې د باړېزيو سيمه ده. اوس له هېواد څخه بهر د بلجیم په هېواد کې اوسېږي. په بېړنۍ لویه جرگه کې په کال 2002 کې د لغمان ولایت وکیله وه.


زده کړې

تر يوولسم ټولگي پورې يې په لښکرگاه ښار کې د نجونو لېسه ولوسته، د دوولسم ټولگي بريليک يې د کابل ښار له سلطان راضيې لېسې نه ترلاسه کړې. بيا په ۱۳۶۹ ل. کال کې د کابل انجنيرۍ پوهنځي ته لاړه او هلته يې تر څلورم ټولگي پورې لوړې زده کړې ترلاسه کړې خو د نجونو پر تعليم د بنديز له امله يې لوړې زده کړې نيمگړې پاتې شوې.

کاري مخینه

عمرلور له 2001 نه تر 2010 کال پورې د بی بی سي په تعلیمي پروژه کې د لیکوالې او پروډیوسرې په حیث کار کړئ.

ليکوالي

عارفه عمرلور له ۱۳۶۷ ل. کال راهيسې ليکنې کوي او تر اوسه يې دا لانديني اثار ليکلي:

چاپ شوي آثار

  1. ماتې سيپۍ - ناول
  2. د واده پر سبا - ناول
  3. ستومانه تېښته - ناول

ناچاپ آثار

  1. شمه توره - ناول
  2. انگریز پلاوی - ناول
  3. ډار - ناول
  4. په ماښام کې واټکی - ناول
  5. یو بډوډی - ناول

باندنۍ تړنې