طباق (تقابل)
| عمومي مالومات |
|---|
طباق Antithesis یوه عربي کله ده چي معنا یې د دوو شیانو په منځ کي موافقت او یا پخپل مینځ کي سنجولو ته وایي.
په ادبي اصطلاح کي طباق هغه معنوي جوړښت ته ویل کیږي چي شاعر د دوو نومونو یا صفتونو په مینځ کي پخپل کلام کي داسشي کلمې وړاندي کړی چي د یوبل مقابل یا متضادي وي.
د طباق بېلګه په لاندي پښتو نظم کي موږ موندلای سو:
په خندا خندا یې تلمه و دیددار ته
اوس یې درومم په ژړا ژړا مزار ته
دلته "خندا " او "ژړا" کلمې د یوبل متضاد دي.
طباق له ادبي پلوه پر درې ډوله دی :
لمړی : نومیز طباق دی چي شاعر پخپل کلام کي دوه نومونه یا صفتونه د یوبل متضاد راولي .
لکه دا پښتو متل : انسان تر ګل نازک تر کاڼي کلک دی
دویم : فعلي طباق، چي کله شاعر پخپل شعر کي دوې متضادي فعلي کلمې راوړی لکه په لاندي بیت کي:
ټولول، کښېښودل د زرو، د ښځو کار دی
ورکول، بازول، خوی خصلت د نرو کار دی
دریم : سلبي یا ایجابي طباق، چي په یوه فعل کي دوې داسي کلمې راوړل سي چي دوه څخه وي، او د منفي او مثبت یا امر او نهی په ډول وي لکه د پښتو په دې متل کي : د مړاوو، اوبو وبېرېږه، د توندو اوبو مه بېرېږه.