صاحب شاه صابر

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی
صاحب شاه صابر

صاحب شاه صابر (زوکړه ۱۹۵۶ زېږدي کال، پښتونخوا، ملکنډ - مړینه ۲۰۰۷ زېږدي کال د اپرېل ۳) د کوزې پښتونخوا يو نوميالی ليکوال او شاعر وو.

مخينه

صاحب شاه صابر د خيبر پښتونخوا د ملاکنډ ولسوالۍ په سخاکوټ کلي کې زېږېدلی دی. لومړنۍ زدکړې يې د ملاکنډ ښوونځي کې کړې وې؛ بیا د ملاکنډ ښوونځي څخه يې تر لسم ټولگي زده کړې وکړي او نورې زده کړې يې په پېښور کې وکړې. تر دې وروسته يې له پېښور پوهنتون څخه په پښتو ادبياتو کې د ماسټرۍ تر کچې زده کړې وکړې. بیا یې دويمه ماستري د اوردو ژبې په ادبياتو کې ترلاسه کړه. تر دې وروسته يې په سياسي علومو کې خپله درېيمه ماسټري هم ترسره کړه. همدارنگه یې اېم ـ فل بيا یې د څېړندويي په برخه کې خپله د دوکتورا بریلیک ترلاسه کړ.

صاحب شاه صابر شعرونه وتلو سندرغاړو د سندرو له لارې خپاره کړي او د پښتو نامتو سندرغاړي کرن خان هم د خدای بښلي صاحب شاه له شعري ټولگې څخه د سندرو يو البوم جوړ او خپور کړی دی.

مدني اکر

د شعر بېلگې يې

په کابل مه وروئ

مه وروئ

نور د بارودو باران مه وروئ

کابل زمونږ د مينې کور دى

مه وروئ

کابل زمونږ د سترگو تور دى

مه وروئ

مړينه

صاحب شاه صابر پر ۲۰۰۷ زېږدي کال له دې نړۍ سترگې پټې کړې. اروا يې ښاده او جنت يې ځای شه.

چاپ شوي نښېرونه

ښاغلي صاحب شاه صابر د پښتو ادبي بڼ ته ډېر شعري اثار پنځولي او علمي کتابونه یې هم لیکلي. د هغه هنري او علمي نښېرونه پخ دې ډول ديː

۱- تکل (شعري ټولگه).

۲- خوبونه (شعري ټولگه).

۳- واورې او گلونه، کړکیسې (افسانې).

۴- په پښتو شاعرۍ کې ټولنیز مافیت (ایم فل تېسیز).

۵- په پښتو ادب کې تحقیق او تنقید (علمي نښېر).

۶- تنقید او د تنقید ډولونه.

۷- د تنقید تاریخ (علمي نښېر).

۸- پښتانه او پښتو ټپه (علمي نښېر).

۹- رڼا او گلونه (مقالې).

۱۰- ام ـ فېل مقاله.

باندنۍ تړنې

په ويکي شعرونه کې د صاحب شاه صابر شعرونه

اخځليک

۱- https://www.sbs.com.au/language/pashto/audio/who-was-sahib-shah-sabir

۲-https://www.tolafghan.com/articles/6118

۳- https://www.mashaalradio.com/a/30529080.html‎