سر اولف کیرو

سر اولف کیرو
	سر اولف کیرو
د شمال لویدیځ سرحدي ایالت (NWFP) والي
د شخص مالومات
پيدايښت	۱۵م نومبر ۱۸۹۲; لندن
مړینه	۲۳م نومبر۱۹۸۱; برېتانيا
تابعیت	برېتانيا
پلرنی ټاټوبی	انګلستان بریتانیا
پلار	ویلم ډګلوس کیرو
عملي ژوند
زده کړې	آکسفورډ پوهنتون
کار/مسلک	سیاستوال او لیکوال
کاروونکې ژبه	انګرېزي ژبه
	سمول

سر اولف کرک پټریک کروس کیرو چې به سر اولف کیرو (انګریزي: Sir Olaf Caroe) سره شهرت لري د اوسنۍ خیبر پښتونخوا ایالت برېتانوي ګورنر و او د پښتنو اړوند د تاریخي کتاب The Pathans لیکوال و.

مخینه:

سر اولف کیرو د (۱۸۹۲ زیږدیز /میلادي ) کال دنومبر په ۱۵ نیټه زیږیدلی دی . د سر اولف کیرو پلار ویلیم دوګلاس کیرو نومیده .

زدکړې:

اولف کیروی د Hampshire او Magdalene په کالجونو او وروسته بیا د آکسفورډ په پوهنتون کې شامل شو او هلته یې خپلې زده کړې سرته ورسولې.

نظامي دنده:

سر اولف کیرو وروسته خپله د سرتیرۍ پوځی دنده د بریتانوي هند په پنجاب کې تیره کړه .

سیاسي واک ځواک:

نوموړی وروسته په بریتانوی هند کې په سیاسي دندو وګمارل شو او په هند کې د انګریزانو د بهرنيو چارو سیکرټرې و. ده د ۱۹۴۶ میلادي کال نه تر ۱۹۴۷ کاله پورې په شمال لویدیځ سرحدي ایالت (NWFP) کې چې اوس ورته خیبر پښتونخوا ویل کیږي د ګورنر (والي) په توګه وټاکل شو. هغه دپاکستان د مسلم لیګ دګوند سره ډیرې ښې او دوستانه اړیکې درلودلې ،له همدې کبله له نوموړی سره تل د آل انډیا کانګرس ګوند دغړو له خوا مخالفت کیده.

د کیرو چاپ اثار:

سر اولف کیرو په انګریزی ژبې زیات کتابونه کښلي دي چې د هغو نومونه په لاندې ډول دي .

۱- د پټهانز The Pathans چې دا کتاب یې په ۱۹۵۷ زیږدیز کال لیکلی دی.

۲- د نیل نه تر اباسینه چې په ۱۹۶۰ زیږدیز کال کې چاپ شوی دی.

The wall of Power .۳ په۱۹۵۱ زیږدیز کال کې چاپ شوی دی.

۴- دشوروي امپراتوري ، دمنځني ایشیا ترکان او ستا لیننیزم د ۱۹۶۷ زیږدیز کال چاپ

یادونه: باید زیاته کړم چې دپټهانز (پښتانه) په نامه کتاب دافغانستان دعلومو اکاډمۍ په سپارښتنه دیوه پوځي صاحب منصب له خوا چې جګړن محمد علم علمي نومید او د اردو په مطبعه کې یې دنده درلودله په پښتو ژبه وژباړل شو او ژباړه یې دپښتو څیړنو نړیوال مرکز ته وسپارله شوه او د چا په انتظار یې یوست ، خو کله چې ټوپک والا پر کابل راننوتل دپښتو دډیرو نورو ژباړل شوو آثارو سره دا ژباړل شوی کتاب هم تري تم شو. چې له نیکه مرغه بیا ددویم ځل لپاره دافغانستان د پخواني لوی درستیز ستر جنرال شیر محمد کریمي له خوا وژباړل شو او د خپلواکې د اتیایمې کالیزې په ویاړ چاپ شو.

مړینه:

نوموړی د ۱۹۸۱ زیږدیز کال دنومبر په ۲۳ نېټه مړ شوی دی

سرچینې:

۱ـ انګریزي ویکیپیډیا

۲ـ هندي ویکیپېډیا