Jump to content

سامسونگ

د ويکيپېډيا، وړیا پوهنغونډ له خوا
سامسونګ

د سامسنګ ګروپ (یا په ساده ډول سامسنګ، د SΛMSUNG په سبک) (کوریایي: 삼성samsʌŋ) د سویلي کوریا څو مليتي تولیدي شرکت دی، چې مرکزي دفتر یې په سامسنګ ښارګوټي، سیول او سویلي کوریا کې دی. دا زیاتره اړوندې سوداګرۍ لري، چې ډېری یې تر سامسنګ برانډ لاندې متحدې دي او د سویلي کوریا تر ټولو لوی چایبول (سوداګریزه ډله) ده. تر  ۲۰۲۰ ز کال پورې، سامسنګ د نړۍ اتم لوړ برانډ ارزښت درلود.[۱][۲]

سامسنګ په ۱۹۳۸ ز کال کې د لي بیونګ-چل له خوا د سوداګرۍ شرکت په توګه تاسیس شو. په راتلونکو دریوو لسیزو کې، دغه ډله د خوراکي توکو د پروسس، ټوکر، بېمه، امنیت او د پرچون په برخو کې متنوع شوه. سامسنګ د ۱۹۶۰ لسیزې په وروستیو کې الکترونیکي صنعت ته داخل شو او د ۱۹۷۰ لسیزې په نیمایي کې د ساختماني او کښتۍ جوړونې صنعت ته داخل شو، چې دغه برخې به یې د راتلونکی ودې لامل شي. په ۱۹۸۷ ز کال کې د لي تر مړینې وروسته، سامسنګ په پینځو سوداګریزو ګروپونو وېشل شوی و: سامسنګ ګروپ، شین سیګ ګروپ، CJ ګروپ، هانسول ګروپ او جونګانګ ګروپ.

د سامسنګ په پام وړ صنعتي اړوندو شرکتونو کې سامسنګ الکترونیک (د نړۍ ترټولو لوی معلوماتي ټکنالوژیکي شرکت، د مصرف کونکي الکترونیک جوړونکی او چېپ میکر چې د   ۲۰۱۷ ز کال عاید له خوا اندازه شوی)، سامسنګ هیوی انډسټریز (د نړۍ دویم لوی کښتۍ جوړونکی چې د ۲۰۱۰ ز کال عاید له خوا اندازه شوی) او د سامسنګ انجنیري او سامسنګ C&T کارپوریشن (په ترتیب سره د نړۍ ۱۳ او ۳۶ لوی ساختماني شرکتونه) همدارنګه په نورو فرعي شرکتونو کې د سامسنګ لایف بېمه (د نړۍ 14م لوی بېمه شرکت) شامل دي، سامسنګ ایورلینډ (د ایورلینډ ریسارټ چلونکی، په سویلي کوریا کې ترټولو زوړ تیم پارک) او چیل ورلډ وایډ (د نړۍ ۱۵ م لوی اعلاناتي اداره، لکه څنګه چې د ۲۰۱۲ ز کال عاید له خوا اندازه شوی) هم په کې شامل دي.[۳][۴][۵][۶][۷][۸][۹][۱۰]

رېښه پېږندنه

د سامسنګ د بنسټ اېښودونکي په وینا، د کوریا د هانجا کلمې ((三星 معنی «درې ستوري» ده. د «درې» کلمه د لویو، بې شمېره او ځواکمنو شیانو استازیتوب کوي، په داسې حال کې چې د «ستورو» معنی؛ لکه په اسمان کې «تلپاتې» یا «ابدی» ستوري دي.[۱۱][۱۲][۱۳]

تاریخچه

۱۹۳۸ – ۱۹۷۰ ز کال

په ۱۹۳۸ ز کال کې، په کوریا کې د جاپان د واکمنۍ پرمهال، لي بیونګ-چل (۱۹۱۰- ۱۹۸۷) په اویریونګ ښار کې له یوې لویې ځمکې خاوندې کورنۍ نه نږدې دایګو ښار ته لاړ او د میتسوبوشي سوداګریز یا شیبوشیکاشیکا (Mitsuboshi) سوداګریز شرکت یې تاسیس کړ. سامسونګ د یو کوچني سوداګریز شرکت په توګه په سو-ډونګ (اوس انګیو دونګ) کې له څلوېښتو کارمندانو سره په کار پیل وکړ. شرکت ښه شو او لي په ۱۹۴۷ ز کال کې خپل مرکزي دفتر سیول ته ولېږداوه. کله چې د کوریا جګړه پیل شوه، هغه اړ شو، چې سیول پرېږدي. هغه په ​​بوسان کې د شیل جیدانګ په نوم د بورې د تصفیې کارخانه پیل کړه. په ۱۹۵۴ ز کال کې، لي چیل موژیک تاسیس کړ او د دایګو په چمسان-ډونګ کې یې کارخانه جوړه کړه. دا په هېواد کې د وړیو ترټولو لویه کارخانه وه.[۱۴]

اغېز

سامسنګ د سویلي کوریا په اقتصادي پرمختګ، سیاست، رسنیو او کلتور کې خورا پیاوړی اغېز لري او «د هان سیند معجزه» تر شا لوی محرک ځواک دی. اړوند شرکتونه یې د سویلي کوریا د ټولو صادراتو شاوخوا پنځمه برخه تولیدوي. د سامسنګ عاید په ۲۰۱۳ ز کال کې د سویلي کوریا له ۱۰۸۲ ملیارد ډالرو GDP ۱۷٪ سره برابر و.[۱۵][۱۶][۱۷][۱۸]

وو سوک هون چې د اقتصاد پوډکاسټ نامتو کوربه وو ویې وویل: «تاسو کولای شئ ان ووایئ چې د سامسنګ رئیس د سویلي کوریا له ولسمشر نه ډېر ځواکمن دی. کوریایان د سامسنګ په اړه د نه منلو وړ او له قانون نه پورته فکر کوي». د واشنګټن پوسټ یوه مقاله چې سرلیک یې دی «په سویلي کوریا کې د سامسنګ جمهوریت» د ۲۰۱۲ ز کال د ډسمبر په ۹ مه خپره شوه. منتقدینو ادعا وکړه چې سامسنګ کوچني کاروبارونه له منځه وړي، د سویلي کوریا پېرودونکو لپاره انتخابونه محدودوي او کله ناکله له نورو لویانو سره د قیمتونو د تنظیم کولو په وخت کې له هغو خلکو سره چې په اړه یې تحقیق کوي، سختي کوي. د سویلي کوریا د ولسمشرۍ نوماند لي جونګ هي په یوه مناظره کې وویل، «حکومت د سامسنګ په لاس کې دی. سامسونګ حقوقي نړۍ، مطبوعات، اکاډميک وګړي او بیوروکراسي اداره کوي».[۱۹]

اړوند څیزونه

سامسنګ الکترونیک یو څو مليتي الکترونیکي او معلوماتي ټکنالوژیکي شرکت دی، چې مرکزي دفتر یې په سووانند او د سامسنګ ګروپ په لوی شرکت کې دی. په دغو محصولاتو کې ایر کنډیشنرونه، کمپیوټرونه، ډیجیټل ټلویزیون سیټونه، فعال میټریکس عضوي رڼا جذبونکي ډایډونه (AMOLEDs)، ګرځنده تیلیفونونه، د ښودلو مانیټرونه، د کمپیوټر پرنټرونه، یخچالونه، سیمي کنډکټرونه او د مخابراتي شبکې تجهیزات شامل دي.[۲۰][۲۱]

دا د ۲۰۱۲ ز کال په لومړۍ ربع کې د واحد پلور له مخې د نړۍ ترټولو لوی ګرځنده ټیلیفون جوړونکی و، چې د نړیوال بازار ونډه یې  25.4٪ وه. دا د ۲۰۱۱ ز کال له عوایدو سره (تر انټیل وروسته) د نړۍ دویم لوی نیمه هادي تولیدونکی هم و.[۲۲][۲۳]

لوی مشتریان

د سامسنګ لوی پېرودونکي په دې کې شامل دي:

به د راتلونکو ۱۵ کلونو لپاره شاهي هالنډي شیل ته د 50 میلیارد ډالرو په ارزښت د مایع طبیعي ګاز (LNG) ذخیره کولو تاسیساتو یوازینی چمتو کونکی وي. د مایع طبیعي ګاز (FLNG) پلیټ فارم د ۲۰۱۲ ز کال په اکټوبر کې د سویلي کوریا په جیوجي ټاپو کې د سامسنګ د درنو صنعتونو په کښتۍ کې کار پیل کړ، چې کله بشپړ شي او په بشپړ ډول بار شي ، وزن به یې 600,000 ټنه وي، چې د نړۍ ترټولو لویه «بېړۍ» ده. دا د متحده ایالاتو ترټولو لویه الوتکې وړونکې بېړۍ نه شپږ ځلې لویه ده.[۲۴][۲۵][۲۶][۲۷]

د متحده عربي اماراتو حکومت

د جنوبي کوریا د شرکتونو یو کنسورشیم، لکه د سامسنګ، د کوریا د برېښنا شرکت او هیونډای، په متحده عربي اماراتو کې د اټومي برېښنا د بټۍ جوړولو لپاره د 40 میلیارد ډالرو په ارزښت تړون ترلاسه کړ. [۲۸]

فونټ

په ۲۰۱۴ ز کال کې، سامسنګ خپل د سامسنګ شارپ سنز فونټ پرانیست. [۲۹]

د ۲۰۱۶ ز کال په جولای کې، سامسنګ خپل SamsungOne فونټ پرانیست،  دا د یو ټایپفیس په توګه هیله لري د سامسنګ محصولاتو پراخې لړۍ ته یوه ثابته او نړیواله بصري پېژندنه ورکړي. SamsungOne د سامسنګ د متنوع وسیلو په پورټ فولیو کې د کارولو لپاره طرحه شوی و، چې له کوچنیو وسیلو؛ لکه سمارټ فونونو نه تر لویو وصل شوو تلویزیونونو یا ریفریجریټرونو او همدارنګه د سامسنګ بازارموندنې او اعلاناتو ته د هر څه لپاره د مشروعیت تمرکز سره و. د فونټ کورنۍ د 25,000 حروفونو له لارې د 400 مختلفو ژبو ملاتړ کوي.[۳۰]

مالي ملاتړي

سامسونګ الکترونیک په ۲۰۱۳ ز کال کې د اعلاناتو او بازارموندنې په برخه کې د اټکل له مخې  ۱۴ میلیارد امریکایي ډالر مصرف کړي. په کلني 5.4٪ عاید کې، دا د پلور له پلوه د نړۍ ترټولو ۲۰ شرکتونو نه لوی تناسب لري (اپل 0.6٪ او جنرل موټورو 3.5٪ مصرف کړي). سامسنګ په

۲۰۱۲ ز کال کې د نړۍ ترټولو لوی تبلیغ کوونکی شو، چې د اپل د 1 میلیارد ډالرو په پرتله یې 4.3 میلیارد ډالر مصرف کړي دي. د سامسنګ نړیوال برانډ ارزښت 39.6 میلیارد ډالر دی، چې د اپل له  نیمایي نه کم دی.[۳۱]

سرچينې

  1. ↑ "SAMSUNG ELECTRONICS Co., Ltd. 2020 Half-year Business Report" (PDF). بياځلي په 8 September 2020.
  2. ↑ "The 2020 World's Most Valuable Brands". Forbes. 18 October 2020. خوندي شوی له the original on 18 October 2020.
  3. ↑ Park, Kyunghee (28 July 2009). "July 29 (Bloomberg) – Samsung Heavy Shares Gain on Shell's Platform Orders (Update1)". Bloomberg. خوندي شوی له the original on 24 September 2011. بياځلي په 11 November 2010.
  4. ↑ "The Top 225 International Contractors 2013". Enr.construction.com. خوندي شوی له اصلي څخه په 21 July 2013. بياځلي په 25 August 2013.
  5. ↑ "Global 500 2009: Industry: - FORTUNE on CNNMoney.com". Money.cnn.com. 20 July 2009. خوندي شوی له اصلي څخه په 31 August 2010. بياځلي په 4 September 2010.
  6. ↑ Valhouli, Christina (21 March 2002). "The World's Best Amusement Parks". Forbes.com. خوندي شوی له the original on 22 August 2010. بياځلي په 11 September 2010.
  7. ↑ "Cheil Worldwide Inc (030000:Korea SE)". businessweek.com. خوندي شوی له the original on 5 October 2012. بياځلي په 16 September 2010.
  8. ↑ "Cheil Worldwide (030000 KS)" (PDF). kdbdw.com. 26 April 2010. خوندي شوی (PDF) له اصلي څخه په 4 October 2013. بياځلي په 8 May 2013.
  9. ↑ "Samsung topples Intel to become the world's largest chipmaker – TechCrunch". techcrunch.com. خوندي شوی له اصلي څخه په 25 May 2018. بياځلي په 25 May 2018.
  10. ↑ Mu-Hyun, Cho. "Samsung's logic chip biz turns to AI chips and 5G for change of fortune | ZDNet". ZDNet (in انګليسي). خوندي شوی له اصلي څخه په 3 July 2018. بياځلي په 25 May 2018.
  11. ↑ "[Infographic] 20 Things You Didn't Know about Samsung". Samsung Newsroom. 22 May 2013.
  12. ↑ H., Victor. "The hidden meaning behind the names of tech giants: what does Samsung mean?". Phone Arena.
  13. ↑ "한국 10대 그룹 이름과 로고의 의미". koreadaily.com. 10 July 2006. خوندي شوی له اصلي څخه په 29 April 2011. بياځلي په 19 September 2010.
  14. ↑ "History – Corporate Profile – About Samsung – Samsung". Samsung Group. Samsung Group. خوندي شوی له the original on 15 April 2011. بياځلي په 21 October 2015.
  15. ↑ Shell, Glencore, and Other Multinationals Dominate Their Home Economies Archived 11 April 2013 at the Wayback Machine. 4 April 2013 BusinessWeek
  16. ↑ Hutson, Graham; Richards, Jonathan (17 April 2008). "Samsung chairman charged with tax evasion – Times Online". The Times. London. خوندي شوی له اصلي څخه په 3 May 2011. بياځلي په 28 February 2011.
  17. ↑ "Samsung and its attractions – Asia's new model company". The Economist. 1 October 2011. خوندي شوی له اصلي څخه په 4 January 2012. بياځلي په 11 January 2012.
  18. ↑ "South Korea's economy – What do you do when you reach the top?". The Economist. 12 November 2011. خوندي شوی له اصلي څخه په 10 January 2012. بياځلي په 11 January 2012.
  19. ↑ Chico Harlan (9 December 2012). "In South Korea, the Republic of Samsung". The Washington Post. خوندي شوی له the original on 21 September 2013. بياځلي په 23 September 2013.
  20. ↑ Barkham, Patrick (9 August 2012). "Samsung: Olympic smartphone firm aims for big global wins". The Guardian. London. خوندي شوی له اصلي څخه په 19 November 2015. بياځلي په 27 August 2012.
  21. ↑ "Profile: Samsung Electronics Co Ltd". Reuters. خوندي شوی له the original on 22 October 2012. بياځلي په 27 August 2012.
  22. ↑ "Preliminary Worldwide Ranking of the Top 20 Suppliers of Semiconductors in 2011". IHS Isuppli. خوندي شوی له the original on 27 June 2012. بياځلي په 27 August 2012.
  23. ↑ "Samsung overtakes Nokia in mobile phone shipments". BBC News. 27 April 2012. خوندي شوی له اصلي څخه په 14 August 2012. بياځلي په 27 August 2012.
  24. ↑ "Samsung Heavy Industries". forbes.com. 23 September 2009. خوندي شوی له اصلي څخه په 31 May 2010. بياځلي په 13 September 2010.
  25. ↑ "Samsung Heavy Signs Deal with Shell to Build LNG Facilities". hellenicshippingnews.com. 31 July 2009. بياځلي په 13 September 2010.[مړه لينکونه]
  26. ↑ "Major construction begins on the Prelude FLNG project". 18 October 2012. خوندي شوی له اصلي څخه په 15 July 2014. بياځلي په 15 July 2014.
  27. ↑ "The gas platform that will be the world's biggest 'ship'". bbc.co.uk. 15 July 2011. خوندي شوی له اصلي څخه په 30 December 2011. بياځلي په 19 March 2012.
  28. ↑ "Seoul wins 40-billion-dollar UAE nuclear power deal". france24.com. 28 December 2009. خوندي شوی له the original on 3 March 2011. بياځلي په 29 September 2010.
  29. ↑ Sharp. Samsung Sharp Sans.
  30. ↑ Chaim Gartenberg, The Verge. "Samsung developed its own font called SamsungOne". Archived 26 February 2017 at the Wayback Machine.. 25 July 2016.
  31. ↑ Kim, Miyoung (27 November 2013). "Samsung's marketing splurge doesn't always bring bang-for-buck". Reuters. خوندي شوی له اصلي څخه په 1 October 2015. بياځلي په 21 October 2015.
"https://ps.wikipedia.org/w/index.php?title=سامسونگ&oldid=280297" نه اخيستل شوی