بنو ذو القدر یا ذوالقدر د دوهمي دورې په اوږدو کي د اناتولي شهزادګانو کورنۍ وه چي د 13 مې پیړۍ په وروستیو او 14 پیړیو کي یې حکومت کاوه. دا واکمني د روم د سلجوقی سلطنت تر زوال وروسته راڅرګنده سوه. د دې امارت پلازمېنه د مرعش ولایت په البستان سیمه کي وه.
د ذوالقدر واکمني په اوج کي ددې امارت پراخوالی له قرشهر څخه تر موصل پورې وغځېدی، او د عثماني ځواک په زیاتیدو سره یاده سیمه د عثمانیانو او مملوکانو تر منځ د بفر زون په توګه ځای پر ځای سوه. د شپاړسمې پیړۍ په لومړیو کي ذوالقدر واکمني د عثماني امپراتورۍ سره یوځای او ونښلول سوه. ذوالقدر کورنۍ پخپل وخت کي له عثمانیانو سره ښې اړیکي درلودې او یو شمېر غړو یې په عثماني کورنۍ کي دوستی هم ترسره کړې.
