Jump to content

د اکس (X) نسل

د ويکيپېډيا، وړیا پوهنغونډ له خوا

د X نسل (یا په اختصاري ډول Gen X) یوه ډیموګرافیکي ډله ده چې له بېبې بومرز نسل څخه وروسته او له زرګونو نسل څخه مخکې رامنځته شوی. څېړونکي او نامتو رسنۍ د ۱۹۶۰مې لسیزې له منځه تر پایه د دې نسل د زېږدون پیل کلونو او د ۱۹۷۰مې لسیزې پای څخه د ۱۹۸۰مې لسیزې تر پیله د دې نسل د زېږون پای کلونو په توګه کار اخلي، په داسې حال کې چې دا نسل په ټولیز ډول د ۱۹۶۵م تر ۱۹۸۰م کال زېږېدلو په توګه تعریف کېږي. د هاروارډ پوهنتون وایي هغه کسان چې د ۱۹۶۵م تر ۱۹۸۴م کاله پورې زېږېدلي دي د X نسل په نوم یادېږي. د دې تعریف په رڼا کې او په متحده ایالتونو کې د سرشمېرنې معلوماتو په اساس، تر ۲۰۱۹م کاله پورې، په متحده ایالتونو کې د X نسل ۶۵.۲ میلیونه کسان شتون لري. د X نسل ډېری غړي د خاموش نسل او لومړني بومرز نسل اولاده دي؛ په خپله د X نسل غړي بیا ډېری د زرګونو نسل او Z نسل پلرونه دي. [۱][۲][۳][۴][۵][۶][۷]

په ۱۹۷۰مه او ۱۹۸۰مه لسیزو کې، کله چې ټولنیز ارزښتونه د بدلون په حال کې وو، د X نسل ماشومانو ته به کله کله «د قفل او کیلي نسل» نوم هم ورکول کېده ځکه چې که کله به دوی غوښتل د یوه ماشوم په توګه بېرته تش کور ته راوګرځي نو اړتیا وه د دروازې خلاصولو لپاره کیلي وکاروي، ځکه چې په دې نسل کې د پخوانیو نسلونو په پرتله د لویانو نظارت ډېر کم شوی وو. تر هغې چې له کوره بهر په پراخه کچه د ماشومانو ساتنې ګزینې رامنځته کېدې، دا کار د طلاق کچې د او همدارنګه په کاري ځواک کې د میندو د ګډون زیاتوالي لامل شو.

په ۱۹۸۰مه او ۱۹۹۰مه لسیزه کې د نوي ځوانانو او ځوانو لویانو په توګه، د X نسل کسان د «MTV نسل» په توګه (د ویډیویي موسیقي چینل ته اشاره) لقب واخیست، چې کله کله به د تنبل، مغرور او ناکراره کسانو په توګه هم ځانګړي کېدل. د X نسل پر ځوانانو باندې د بې شمېره فرهنګي اغېزو یوه برخه کې د میوزیک ژانرونو پراختیا شامله وه چې په کې د پانک، پسټ پانک او هیوي مټال په څېر ټولنیز – قبیلوي هویتونو شتون درلود، سربېره پر هغو وروستیو ډولونو چې په خپله د X نسل کسانو لخوا جوړ شول (لکه ګرانچ، ګرینډکور او اړوند نور ژانرونه). فیلم، هم د فرانچایز لړیو تولید او هم د خپلواکو فیلمونو وده چې تر یوه حده د ویډیو په واسطه فعالېږي، هم د پام وړ کلتوري اغېز درلود. ویډیویي لوبې څه په تفریحي سالونو کې او څه په لوېدیځو کورونو کې هم د لومړي ځل لپاره د نوي ځوانانو د سرګرمۍ عمده برخه جوړوله. له سیاسي اړخه، د ختیځ بلوک په ډېری هېوادونو کې، د X نسل د کمونیزم وروستۍ ورځې او د سرمایه دارۍ نظام ته د ننه کېدو ورځې د خپلې ځوانۍ یوې برخې په توګه تجربه کړې. د لوېدیځې نړۍ په ډېری هېوادونو کې، د وخت ورته موده د محافظه کارۍ او آزاد بازار اقتصادونو تسلط سره تعریف شوه.

د یوویشتمې پېړۍ په لومړیو کې منځني ژوند کې، څېړنو هغوی فعاله، خوشحاله او د کار او ژوند په منځ کې د توازن لاسته راوړلو په حال کې توصیف کوي. دا ډله همدارنګه په پراخه توګه د کار په محیط کې د تشبث او تولیدوونکي په توګه پېژندل شوې ده.

اصطلاح پېژندنه او ریښه پېژنونه

[سمول]

د X نسل اصطلاح په بېلابېلو وختونو کې د پردیو ځوانانو د توصیف لپاره کارول شوې ده. د ۱۹۵۰مې لسیزې په لومړیو کې، هنګري عکاس رابرټ کاپا د لومړي ځل لپاره د X نسل نوم د هغو ځوانو سړیو او ښځو د انځورونو مقالې سرلیک لپاره وکاروه چې له دوهمې نړیوالې جګړې وروسته سمدستي رالوی شوي وو. دا اصطلاح د لومړي ځل لپاره د ۱۹۵۲م کال په ډسمبر کې په Holiday مجله کې چاپ شوه او هلته یې اعلان وکړ چې د کاپا د انځورونو مقاله به هم خپره کړي.له ۱۹۷۶ تر ۱۹۸۱م کاله پورې، انګلیسي موسیقار، بیلي آیډل، له دې نوم څخه د خپلې پانک راک ډلې د نوم په توګه کار اخیست. آیډل د خپلې ډلې نوم د X نسل کتاب پورې تړلی وو، د ۱۹۶۴م کال کتاب چې د خبریالانو جېن ډیورسون او چارلز هامبلټ لخوا د بریټانیا د ځوانانو د خوښې وړ کلتور په هکله لیکل شوی – چې یوه نسخه یې د آیډل له مور سره هم وه. داسې ښکاري چې له دې اصطلاح څخه داسې کارونه د رابرټ کاپا د انځورونو مقالې سره هیڅ کومه اړیکه نه لري.[۸][۹][۱۰][۱۱][۱۲]

دې اصطلاح په ۱۹۹۱م کال کې (د اکس نسل یانې: د یوه ګړندي شوي کلتور لپاره ځینې نکلونه) ناول څخه وروسته، چې د کاناډایي لیکوال ډاګلاس کوپلنډ لخوا ولیکل شو، خپله معاصره کارونه وموندله. په ۱۹۸۷م کال کې، کوپلنډ د ونکوور په مجله کې د «X نسل» له سرلیک سره یوه ټوټه ولیکله چې دا «هغه تخم وو چې په کتاب بدل شو». کوپلنډ د ۱۹۸۷م کال په مقاله کې او بیاځلې په ۱۹۸۹م کال کې په ویسټا مجله کې د بېلي آیډل X نسل ډلې ته اشاره وکړه. د خپل ناول لپاره په سپارښت شوي کتاب کې کوپلنډ لیکي چې د X نسل «د ۱۹۷۰مې لسیزې په پای کې د بیلي آیډل د اوږدې ناکاره پانک ډلې له نوم څخه اخیستل شوی». په هرحال، په ۱۹۹۵م کال کې کوپلنډ له دې ډلې سره د دې اصطلاح تړاو رد کړ او داسې یې وویل:[۱۳][۱۴][۱۵][۱۶][۱۷][۱۸][۱۹]

لکه څنګه چې ډېری کسان اټکل کوي د دې کتاب سرلیک د بېلي آیډل ډلې له نوم څخه ندی اخیستل شوی، بلکې د پال فوسل لخوا د طبقې په نوم لیکل شوي کتاب له وروستي څپرکي څخه اخیستل شوی چې د امریکایي طبقاتي جوړښت په هکله یو په زړه پوری د ټولن‌پوهنې کتاب دی. په خپل وروستني څپرکي کې، فوسل د «X» کټګورۍ خلکو څخه نوم واخیست چې غوښتل یې د موقعیت، پیسو او ټولنیز صعود چې اکثراً مډرن شتون په بر کې نیسي، څخه عبور وکړي.[۲۰][۲۱]

لیکوال ویلیام اسټراوس یادونه وکړه چې په هغه وخت کې چې د کوپلنډ د ۱۹۹۱م ناول خپور شو، د «X» نښه په عامه کلتور کې مخکښ وو، ځکه چې په ۱۹۹۲م کال کې د مالکوم X فلم نندارې ته وړاندې شو او د «X نسل» نوم بلآخره تلپاتې شو. «X» یوه ناپېژندل شوي متغیر یا هغې لېوالتیا ته اشاره لري چې تعریف شوي ندي. د سټراوس همکار نیل هاو، په ځنډ سره د دې ډیموګرافیکې ډلې نومونې ته اشاره وکړه او وې ویل: «د هغوی له زېږېدو څخه وروسته تر ۳۰ کلونو پورې هغوی نوم نه درلود. زه فکر کوم دا یو طبیعي امر دی». له دې د مخه، دا ډله د پوسټ بومرز، بېبي بسټرز (چې په لوېدیځه نړۍ، په ځانګړې توګه په متحده ایالتونو کې، د ماشومانو د ودې وروسته د زېږون کچې ټیټ‌والي ته اشاره کوي)، نوی ورک شوی نسل، د قفل او کیلي ماشومان، د MTV نسل او دیارلسم نسل (د آمریکا خپلواکي راهیسې دیارلسم نسل) په نومونو هم یادېدل.[۲۲][۲۳][۲۴][۲۵][۲۶][۲۷]

د نېټې او عمري محدودې تعریفونه

[سمول]

د X نسل یوه ډیموګرافیکه ډله ده چې د دوهمې نړیوالې جګړې وروسته د ماشومانو زیاتوالي څخه وروسته رامنځته شوه او د بېبي بومرز ډلې څخه وروسته یو نسلي بدلون څرګندوي. ډېری څېړونکي او ډیموګرافران له هغو نېټو څخه کار اخلي چې په نفوس کې د زېږون (بارورۍ) بڼو سره مطابقت لري. د X نسل لپاره، په متحده ایالتونو کې (او په ټوله کې په لوېدیځه نړۍ کې)، دا دوره هغه وخت پیلېږي چې د زېږون کچه کې د پام وړ کم‌والی رامنځته شوی وو، یانې د ۱۹۵۰مې لسیزې په پای کې په لوړه کچه د ماشومانو د زېږېدو زیاتوالي څخه وروسته، تر هغې چې د ۱۹۷۰مې لسیزې په وروستیو کې بیا پورته شوه او د ۱۹۸۰مې لسیزې په پیل کې له وروستنۍ بیارغونې ته ورسېده.

سرچينې

[سمول]
  1. ↑ Twenge, Jean (26 January 2018). "How Are Generations Named?". Trend. The Pew Charitable Trusts. Archived from the original on 30 August 2018. Retrieved 30 November 2019.
  2. ↑ Masnick, George. "DEFINING THE GENERATIONS REDUX". Harvard University. Retrieved 19 August 2022.
  3. ↑ "Gen Xer". Lexico. Oxford Dictionaries. Archived from the original on 27 February 2020. Retrieved 2 December 2019.
  4. ↑ Fry, Richard (28 April 2020). "Millennials overtake Baby Boomers as America's largest generation". Pew Research Center. Retrieved 28 April 2020.
  5. ↑ Strauss, William; Howe, Neil (2000). Millennials Rising: The Next Great Generation. Cartoons by R.J. Matson. New York: Vintage Original. p. 54. ISBN 978-0375707193. Retrieved 17 October 2013.
  6. ↑ Gordinier, Jeff (27 March 2008). X Saves the World: How Generation X Got the Shaft but Can Still Keep Everything from Sucking. Viking Adult. ISBN 978-0670018581.
  7. ↑ (په 18 September 2015 باندې). Move Over, Millennials, Here Comes Generation Z.
  8. ↑ Ulrich, John Mcallister; Harris, Andrea L. (2003). GenXegesis: Essays on Alternative Youth (Sub)culture. p. 5. ISBN 9780879728625.
  9. ↑ Klara, Robert (4 April 2016). "5 Reasons Marketers Have Largely Overlooked Generation X". Adweek. Retrieved 19 June 2016.
  10. ↑ (په 1 March 2014 باندې). The original Generation X. BBC News.
  11. ↑ 'Punk Rock - An Oral History', by John Robb. P.240. (Pub. P.M. Press, 2012).
  12. ↑ "Generation X - A Punk Rock History with Pictures". punk77.co.uk.
  13. ↑ Cunningham, Guy Patrick (2015). "Generation X". In Ciment, James (ed.). Postwar America: An Encyclopedia of Social, Political, Cultural, and Economic History, Volume 2. Routledge. p. 596. ISBN 978-1-317-46235-4. The expression was later popularized by the American author Douglas Coupland, who borrowed it for the title of his 1991 novel Generation X: Tales for an Accelerated Culture.
  14. ↑ (په 1 March 2014 باندې). The original Generation X. BBC News.
  15. ↑ (په 6 October 2014 باندې). From GIs To Gen Z (Or Is It iGen?): How Generations Get Nicknames. NPR
  16. ↑ (په 2 September 2007 باندې). Genesis X. Vancouver Magazine.
  17. ↑ (په September 1987 باندې). Generation X. Vancouver Magazine. See original magazine pages 164, 165, 167, 168, 169. The story is continued on p. 194, which was not scanned.
  18. ↑ Coupland, Doug. "Generation X". Vista, 1989.
  19. ↑ Doody, Christopher (2011). "X-plained: The Production and Reception History of Douglas Coupland's Generation X". Papers of the Bibliographical Society of Canada. 49 (1): 5–34. Retrieved 20 July 2020.
  20. ↑ (په June 1995 باندې). Generation X'd. Details Magazine.
  21. ↑ (په 2 September 2007 باندې). Genesis X. Vancouver Magazine.
  22. ↑ Klara, Robert (4 April 2016). "5 Reasons Marketers Have Largely Overlooked Generation X". Adweek. Retrieved 19 June 2016.
  23. ↑ . Demographic Profile - America's Gen X. MetLife
  24. ↑ Coupland, Doug. "Generation X". Vista, 1989.
  25. ↑ (په 10 November 1911 باندې). The Shaping of a Shapeless Generation : Does MTV Unify a Group Known Otherwise For its Sheer Diversity?.
  26. ↑ Jackson, Ronald L.; Hogg, Michael A. (2010). Encyclopedia of Identity (په انګليسي). SAGE. p. 307. ISBN 9781412951531.
  27. ↑ II, Ronald L. Jackson; Jackson, Ronald L.; Hogg, Michael A. (29 June 2010). Encyclopedia of Identity (په انګليسي). SAGE. ISBN 9781412951531.
"https://ps.wikipedia.org/w/index.php?title=د_اکس_(X)_نسل&oldid=287001" نه اخيستل شوی