خپلمنځي جذابيت

د ويکيپېډيا، وړیا پوهنغونډ له خوا


رومانتيک اړیکې په ټولنیزو اړیکو کې د خپلمنځي جذب یو له څرګندو نښو څخه دي

خپلمنځي جذابیت ټولنیز ارواپوهان د نورو په وړاندې د مثبت یا منفي احساساتو درجې ته راجع کولو لپاره د "خپلمنخي جذب" اصطلاح کاروي. جذابیت مختلفې ټولنیزې تجربې بیانوي لکه خوښول، نږدېوالی ، لېوالتیا او مینه . خپلمنځي جذابیت د جذابیت یوه اړیکه ده چې د خلکو تر مینځ رامینځته کیږي او پایله یې د ملګرتیا او رومانتيکو اړیکو رامینځته کېدل دي ، دا اړیکه د نورو اړیکو څخه توپیر لري لکه جسماني جذابيت ، کوم چې د ښکلا یا زړه راښکونکي لید پورې اړه لري. [۱]

د جاذبې او راکښون لاملونه[سمول]

ټولنیزو ارواپوهانو موندلې چې د خپلمنځي جذب لپاره درې مهم لاملونه شته، کوم چې دا دي: جسماني جذابيت، نږدېوالی او ورته والی. پداسې حال کې چې جسماني جذابیت او نږدېوالی د اړیکو په لومړیو مرحلو کې ډېر پرېکړه کوونکی وي، ورته والی د اوږدمهاله اړیکو ساتلو لپاره یوازېنی خورا مهم فکتور دی. .[۲]ډېری څېړنو په شخصي جذابيت کې د جسماني جذابیت رول باندې تمرکز کړی، او ځینو پایلو ښودلې چې خلک ځينې مثبتې وړتياوې او ځانګړنې هغه اشخاصو ته منسوبوي چې د ستاینې وړ فزیکي بڼه لري ( مطلب له رنګه ښکلي دي او جسماني او فزيکي جوړښت يې ښکلی دی).[۳][۴]

جسماني جذابیت[سمول]

څېړنو تل ښودلې چې فزیکي جذابیت (د بدن اندازه، ظاهري بڼه، د مخ ځانګړتیاوې، او د جامو څرنګوالی) یو له خورا مهم فکتورونو څخه دی چې په پیل کې موږ له نورو سره علاقه پیدا کوو او موږ ورسره مینه کوو. په وړکتون کې، ښکلي ماشومان د خپلو ټولګیوالو په منځ کې ډېر مشهور وي، او ښوونکي معمولا ګومان کوي چې دوی ډېر هوښیار او ډېر ښه تنظیم شوي. کله چې دا ښکلي خلک بلوغ ته ورسیږي، دوی د نارینه او ښځینه دواړو لخوا ډېر باعزته، په زړه پورې، ټولنیز، خپلواک، هوښیار، او د جنسي لېوالتیا وړ ګڼل کیږي. په هرصورت، څېړنې دا هم ښیي چې جسماني جذابیت خپل اهمیت له لاسه ورکوي کله چې اړیکه په لومړیو مرحلو کې وي.

نږدېوالی[سمول]

جذابیت هم په خلکو پورې اړه لري چې په ورته وخت او ځای کې وي، د بېلګې په توګه نږدې یا له فزیکي پلوه یو بل ته نږدې وي، کوم چې د جذابیت بل مهم عامل دی. هرڅومره چې تاسو د یو چا سره نږدې اوسئ یا کار کوئ ، هومره احتمال لرئ چې تاسو یې خوښ کړئ. د زده کونکو په لیلیه کې د ملګرتیا مطالعې موندلې چې هغه څوک چې په بل خونه کې ژوند کوي د هغه چا په پرتله چې دوه کوټې لرې ژوند کوي ډیر خوښیږي. په ښکاره ډول، د هر ډول محرکاتو سره تکرار کول په ټوله کې دلچسپي زیاتوي. بې له شکه، تاسو په تدریجي ډول په فیشن او ویښتو سټایلونو کې ټکان ورکوونکي بدلونونه منلي او بالاخره تاسو یې خوښوي. څیړنې دا هم ښودلې چې د ولسمشرانو او فلمي ستورو سره علاقه په کلکه د هغه شمیر سره تړاو لري چې دوی په ډله ایزو رسنیو کې څرګندیږي. د نږدې والي اغېز په مشاهده کې تشریح کېدی شي چې: "هر څومره چې موږ یو چا سره ډېر ګورو او اړیکه ورسره نیسو، هماغومره د دې ډېر احتمال وي چې دوی سره زمونږ ملګرتيا زياته او په پای کې په مينه بدله شي او شايد دوی زموږ ملګري یا جنسي ملګري شي." دا اغېز د افشا کېدو اغېزې سره ډېر ورته دی په دې کې چې هرڅومره چې یو څوک د محرک سره مخ کیږي هومره یې هغه خوښیږي ، مګر استثناوې شتون لري او پیژندل کیدی شي پرته له فزیکي افشا کیدو څخه پیښ شي. وروستي مطالعات ښیې چې آنلاین رامینځته شوي اړیکې د متوقع کیفیت او ژورتیا له مخې د مخامخ سره رامینځته شوي اړیکو ته ورته دي.[۵]

ورته والی[سمول]

تر ټولو مهم فکتور چې د اوږدې مودې اړیکې تړي، که دا دلچسپي وي یا مینه ، ورته والی دی. موږ ترجیح ورکوو چې د هغو خلکو سره واوسو چې زموږ سره ورته وي. هغه کسان چې له موږ سره قومي او محلي شالید، ټولنیزې طبقې ، ګټې او چلندونه شریک وي، زمونږ خوښيږي.

سرچينې[سمول]

  1. Ellen., Berscheid,. Interpersonal attraction. Reading, Mass.,: Addison-Wesley. OCLC 5837. د کتاب نړيواله کره شمېره 0201005603. د اصلي آرشيف څخه پر ۱۳ ډيسمبر ۲۰۱۹ باندې. الوسيط |CitationClass= تم تجاهله (لارښود)CS1 maint: extra punctuation (link)
  2. Reis, Harry; Sprecher, Susan (2009). Encyclopedia of Human Relationships. London: SAGE Publications, Inc. د کتاب نړيواله کره شمېره 978-1-4129-5846-2. الوسيط |CitationClass= تم تجاهله (لارښود)
  3. Weiten, Wayne (2014). Psychology: Themes and Variations, Briefer Version. Cengage Learning. د کتاب نړيواله کره شمېره 978-1-133-95783-6. الوسيط |CitationClass= تم تجاهله (لارښود)
  4. Breckler, Steven; Olson, James; Wiggins, Elizabeth (2005). Social Psychology Alive. Belmont, CA: Thomas Wadsworth. د کتاب نړيواله کره شمېره 978-0-534-57834-3. الوسيط |CitationClass= تم تجاهله (لارښود)
  5. Bargh, J. A.; McKenna, K. Y. A. (2004). "The internet and social life". Annual Review of Psychology. 55. CiteSeerX = 10.1.1.586.3942 10.1.1.586.3942. doi:10.1146/annurev.psych.55.090902.141922. PMID 14744227. الوسيط |CitationClass= تم تجاهله (لارښود)

. ارسباران. الوسيط |CitationClass= تم تجاهله (لارښود); line feed character في |شابک= على وضع 4 (لارښود); مفقود أو فارغ |title= (لارښود) Page Module:Citation/CS1/fa/styles.css has no content.