بله نسته کندهارۍ
دا مېرمن د هلمند د زمينداور په گردي باغران کې اوسېدله د آغا محمد خان لور او د پښتو ژبې شاعره وه او د ۱۳۰۰ هجري سپوږميز کال په شاوخوا کې يې ژوند کاوه. په پېغلتوب کې له دُنيا تللې وه.
وايي چې د شلو کالو په عمر د «غيرې» کوتل ته په لرگو پسې ختلې وه او هلته له يوه پاڼه لوېدلې او مړه شوې وه.
ددې د يوه شعر څو بيته ما د يو سپين ږيري له خولې اورېدلی او يادداشت کړی او هغه دا دی:
| بيا پر ما د بېلتانه راغله غمونه نن بيا | چې يې کېښوول په زړه راته داغونه نن بيـا | |
| ملالې زرکې گرځي چې په غرو کې | پخپله خوښه الوځي شينلو کې | |
| ما خو هم درسره واخله په چمبو کې | چې وگورم د لويو غرو سرونه نن بيا |
سرچينه
[سمول]پښتنې مېرمنې - ۲۶ مخ - ليکوال ارواښاد بېنوا