اورنګزیب ارشاد
پوهنمل اورنگزیب ارشاد یو تکړه لیکوال، څیړونکی او د پوهنتون استاد دی . نوموړی د ارواښاد محمد ارشاد خان بابکرخيل زوى او دافغانستان د نامتو ملي اتل غازي محمدشاه خان بابکرخيل کړوسى دی . نوموړی د 1338 لمریز کال د ورى د مياشتى په لومړى نيټه د لغمان مرکز پورې اړوند د بديع آباد په کلى کى زيږېدلى دی.
زدکړې:
[سمول]نوموړي تر 9 ټولګى يې دکټل په منځني ښوونځي او تر 12 ټولګى يې د لغمان په مرکز روښان ليسه کې زده کړى کړي دي . په 1360 لمریز کال کې د پښتونخوا مرکز پيښور ته تللی . په 1986 زیږدیز کال کې يې په اسلاميه کالج کې زده کړى پیل کړې او بيا په 1990 زیږدیز کال کې يې د پيښور له پوهنتون نه په پښتو ژبې او ادبياتو کې د ایم. ای یا ماسټرۍ سند ترلاسه کړى.
دندې:
[سمول]ښاغلی اورنګ زیب ارشاد نن سبا په پارلیمانى چارو وزارت کې کى دنده ترسره کوې او ددى تر څنګ د کابل په يوه شخصي پوهنتون کى د استاد په توګه تدريس هم کوى. نوموړی د خپلې پوهې او وړتیا تر څنګ یو مهذب انسان او په پښتو او پښتواله او خپل هیواد افغانستان مین ګ شخصیت دی .
چاپ آثار:
[سمول]۱-( رژیدلي ګلونه )د۱۳۷۱ لمریزکال چاپ
۲-( وروستۍ سلګۍ ) د ۱۳۷۱ لمریز کال چاپ
۳-( بدیع او دپښتو نثر ) د ۱۳۶۹ لمریز کال چاپ
۴- ( توریالی غازي ) د ۱۳۷۳ زیږدیز کال چاپ
۵- ( افغانستان پیژندنه) د ۱۳۸۴ لمریزکال چاپ
۶- ( نومیالی او شمله ور غازي )د۱۳۸۹ لمریز کال چاپ
۷- ( دافغانستان دولایتونو عمومي جغرافیا) د ۱۳۹۵ لمریزکال چاپ .
ژباړل شوي آثار:
[سمول]۱- ( افغانستان دتاریخ په رڼا کې ) دارواښاد احمد علي کهزاد تالیف ۱۳۸۹ لمریز کال چاپ
۲- دافغانستان دولا یتونو جغرافیه دپوهاند غلام جیلاني عارض لیکنه د۱۳۸۹ لمریز کال چاپ
۳- دافغانستان او نړۍ نومیالي ګرځندویان دپوهند غلام جیلاني عارض تالیف ۱۳۸۹ لمریزکال چاپ
۴- ( افغانستان ته دعربو راتګ او داسلام دین خپریدل) دمیر غلام محمد غبار لیکنه د۱۳۸۹ لمریزکال چاپ
۵- طاهریان دعلی احمد نعیمي لیکنه د۱۳۸۹ کال چاپ
۶- ( صفاریان) دمیر محمد صدیق فرهنګ لیکنه ، د ۱۳۸۹ لمریزکال چاپ
۷- (صفاریان ) داحمد علی نعیمي تالیف، د۱۳۸۹لمریزکال چاپ
۸- ( غوریان) دارواښاد عتیق الله پژواک لیکنه ، د۱۳۸۸ لمریزکال چاپ
۹- ( افغانستان دتاریخ په بهیر کې ) دمیر غلام محمد غبار لیکنه ، لومړی او دویم ټوک ؤ د۱۳۹۴ لمریز کال چاپ
۱۰- غر غښت یا ګر شاسپ ، داحمد علي کهزاد تالیف ، د۱۳۹۵ لمریزکال چاپ
۱۱- (دښوونکو لارښود) د۷نه تر ۱۲ ټولګيو پورې ،دثریا سدید لیکنه ژباړه .د۱۳۹۵ لمریزکال چاپ
۱۲- ( دزده کوونکو دکار کتاب ) د۷ ټولګي نه تر دولسمو ټولګیو پورې ، دثریا سدید لیکنه . ژباړه ، د۱۳۹۵ لمریز کال چاپ .
ناچاپ آثار:
[سمول]۱- (دجهاد خاطرې )، تالیف
۲- ( دلغمان مشاهیر)، تالیف
۳- (نومیالي لیکوالان ) ،تالیف
۴- (د افغانستان تاریخ دهند دکورګانیانو په دوره کې ) دارواښاد علامه عبدالحی حبیبی د لیکنې ژباړه .