ان د شاهی کورنۍ شهزادګۍ

د شاهي کورنۍ شهزادګۍ ان ( ان الیزابت الایس لوویس چې د کال ۱۹۵۰ د اګست په ۱۵ زېږېدلې ) د برتانیا د شاهي کورنۍ غړې ده. هغه د ملکې دویمې الیزابت او ایدنبرګ دوک د شهزاده فلیپ دویم ماشوم او یوازينۍ لور او د پاچا دریم چارلس یوازینۍ خور ده. هغه د برتانوی تخت د وراثت د حق په دریم کتار کې وه او اوس په اولسم کتار کې ده او له ۱۹۸۷ څخه را په دې خوا د شاهی کورنۍ شهزادګی ده چې دا لقب د ژوند تر پایه ورسره مل وي.

د کلارینس په ماڼۍ کې زیږېدلې ان ته د بیېنندن په ښوونځي کې زده کړه ورکړل شوه او بلوغ ته له رسېدو سره سم شاهې دندې په غاړه واخیستې. هغه  د درناوۍ وړ یوه آس ځغلوونکې شوه او د اروبایي آس ځغلولو اتلولیو کې یې په کال ۱۹۷۱ کې د طلا یو مډال او په کال ۱۹۷۵ کې دوه د نقرې مډالونه لاس ته راوړل. په کال ۱۹۷۶ کې، هغه د برتانیا د شاهي کورنۍ څخه لومړنۍ غړې وه چې د المپیک په لوبو کې سیالي وکړي او په کال ۱۹۸۸ هغه د المپیک د نړیوالې کمېټې غړې شوه.

هغه د شاه په استاذولۍ رسمې دندې او مسؤلیتونه اجرا کوي او څه نا څه د ۳۰۰ سازمانونو ملاتړې او رئیسه ده چې په دې ډله کې د وایز، رایدرز فار هیلت او کېرر ترست سازمانونه شامل دي. په خیریه مؤسساتو کې دهغې د کارونو تمرکز په سپورت، ساینس، معلولیت لرونکو خلکو او په مخ په ودې هېوادونو کې د روغتیا په چارو دی. هغه د ماشومانو د ژغورنې مؤسسې سره د پنځوسو کلونو لپاره همکاري لري او د دې مؤسسې له یو شمېر پروژو یې لیدنه کړې ده.

ان له کپټان مارک فلیپس سره به کال ۱۹۷۳ کې واده وکړ، هغوی په کال ۱۹۸۹ کې سره جلا او په کال ۱۹۹۲ کې سره طلاق شول، هغوی دوه ماشومان پیتر فلیپس او زارا تیندال او پنځه لمسیان لري. په کال ۱۹۹۲ د هغې د طلاق د میاشتو په ترڅ کې، هغې له قوماندان سر تیموتي لاورنس ( چې وروسته د امیرالبحر مرستیال شو) سره واده وکړ او هغې دې هغه وخت لېدلی و چې ده د ۱۹۸۶ او ۱۹۸۹ کلونو منځ کې د ان د مور د طوېلې د کارکوونکې  په توګه خدمت کاوه.

د ژوند لومړي وختونه او زده کړې

ان د کال ۱۹۵۰ د اګست په ۱۵ له غرمې دمخه په  ۱۱:۵۰ بجو د کلارېنس په ماڼۍ کې دهغې د مورنۍ نیکه پاچا شپږم جورج د سلطنت په وخت کې و زېږېده. هغه د ایدینبرګ د دچس شهزادګۍ الیزابت ( چې وروسته د ملکه دویمې الیزابت په نامه یادېده ) او د ایدنبرګ د دک فليپ دویم ماشوم او یوازينۍ لور ده. د هغې زېږون د هاید په پارک کې د توپ په یوویشت ډزو باندې ابلاغ کړل شو. ان ته د کال ۱۹۵۰ د اکتوبر په ۲۱ د بوکینګهام د ماڼۍ د موسیقۍ په خونه کې د یورک د اسقف سیریل ګاربت له خوا د تعمید غسل ورکړل شو. د هغې د زېږون په مهال، د برتانیا تخت ته د رسېدو په دریم کتار کې وه چې له خپلې مور او مشر ورور چارلس ( چې وروسته پاچا دریم چالرلس شو) څخه وروسته وه. هفه په کال ۱۹۵۲ کې د هغې د نیکه  له مرګ  او دمور له جلوس وروسته  دویم کتار ته وړاندې شوه او اوس هغه په اولسم کتار کې ده.   

د کترین پیبلس په نامه یوه مديره توظیف شوه چې له ان او دهغې له ورونو چارلس، اندریو او ادوارد څخه څارنه وکړي. پیبلس د بوکینګهام په ماڼۍ کې د ان د لومړنیو زده کړو مسؤلیت په غاړه درلوده. د هغې ټيټ عمر ته په پام، ان د کال ۱۹۵۳ د جون په میاشت د خپلې مور د تاج ايښودنې په مراسمو کې ګډون و نه کړ.

د مخکښو نجونو یو کمپنۍ چې د بوکینګهام په قصر کې لومړنۍ کمپنۍ وه د کال ۱۹۵۹ په مې کۍ بیا ځلې تاسیس شوه تر څو د سپېڅلي تثلیث میوه لرونکې ډودې کڅوړه جوړه کړي او لکه څنګه چې د هغې اوعمې د ماشومتوب په مهال کړي و ان وکولای شي له خپلو همزولو نجونو سره معاشرت وکړي. دا کمپنۍ تر کال ۱۹۶۳ پورې چې ان د شپې ښوونځې کې شامله شوه .

ان په کال ۱۹۶۳ کې د بېنېندن په ښوونځې کې شامله شوه او په کال ۱۹۶۸ کې له دې ښوونځي څخه په داسې حال کې لاړه چې د جي سي اي د  او د کچې شپږ درجې او د اې د کچې دوه درجې لاس ته راوړې وې. هغه  په کال ۱۹۶۹ کې په اته لس کلنۍ کې د شاهې دندو پر مخ وړلو کې ښکيل شوه.

په کال ۱۹۷۰ کې، ان د لنډ وخت لپاره له اندریړ پارکر بویلس سره چې وروسته یې له کامیلا شاند سره واده وکړ اړیکه درلوده. کمیلې وروسته د ان د مشر ورور دریم چارلس سره واده وکړ او د پاچا ښځه شوه. ان همدارنګه د المپيکې آسو زغلوونکي ریچارد مید سره د لنډ وخت لپاره په اړیکه کې وه.

آس ځغلونه

د کال ۱۹۷۱ په پسرلي کې، ان د روشال د آس ځغلونې په سیالۍ کې  څلورمه شوه او په یوويشت کلنۍ کې ان په خپل کور کې د روزل شوي اس دوبلېت  په واسطه داروپایي آس ځغلونې اتلولي انفرادي لقب وګاټه او په کال ۱۹۷۱ کې د بي بي سي د سپورتي شخصیت په توګه وپېژندل شوه. هغې د آس ځِغلونې په مسابقه کې وړونکې سپاره کړل او د سانداون پارک په رېسکورس کې دآس په واسطه  د سترو  نظامي موانعوڅخه د تېرېدو  او په رویال اسکات کې یې د الماسو لپاره د آس ځغلولو سیالیو کې ګډون وکړ.

د څه د پاسه پنځو کلونو لپاره، ان د برتانیا د آس ځغلونې په ټیم کې سیالۍ وکړې چې په انفرادې او ټیم توګه یې په کال ۱۹۷۵ کې د آس ځغلونې په اتلولۍ کط د نقرې مډال وګاټه. په راتلونکې کال کې، ان د کال ۱۹۷۶ د المپیک په  لوبو کې چې په مونت ریل کې تر سره کېدې د برتانیا د ټیم له لارې د ملکې د آس ګود وېل په سپارلی ګډون وکړ. ان د سپارلۍ په نیمه لار کې سخته ضربه وخوړه خو بیرته سپره شوه او مسابقه یې سرته ورسوله. هغې په هغه مهال کې ویلي و چې هغه د هغې مسابقې پاتې خېزونه په یاد کې نه لري. په دې وخت د برتانیا ټیم اړشو چې د دوو آسونو له ټپي کېدو ځان له سیالۍ څخه بیرته کړي. هغه په کال ۱۹۷۴ کې د بادمینتون دآس ځغلونې په سیالۍ کې څلورمه او د ۱۹۷۹ په سیالۍ کې شپږمه شوه او د ۱۹۷۱ او ۱۹۷۴ کلونو تر منځ یې د آس ځغلونې په سیالیو کې پنځه ځله ګډون کړی دی. په کال ۱۹۸۵ هغې د اېپسوم دربي په نامه د خیریه چارو لپاره د آس ځغلونې په تنظیم شوي سیالۍ کې ګډون وکړ او څلورمه درجه یې خپله کړه.   

له کال ۱۹۸۶ څخه تر ۱۹۹۴ پورې د آس ځغلونې د فدراسیون ریاست د ان په غاړه و او د کال ۱۹۸۷ د فبرورۍ په ۵، هغه د شاهې کورنۍ لومړنۍ غړې وه چې په بی بي سی کې(( د سپورت یوه پوښتنه)) په نامه د تلویزیون له لارې په یوه لوبه کې د سیالي کوونکې په توګه را څرګنده شي. دا شهزادګۍ له کال ۱۹۷۱ راهیسې  د معیوبیت لرونکو د ټولنې لپاره د آس سپارلۍ یوه ملاتړې پاتې شوې او په کال ۱۹۸۵ کې د دې ټولنې رئیسه ده چې دا موقف یې اوس هم لاس کې ده.    

ود ونه او ماشومان

له مارک فلیپ سره واده

په کال ۱۹۶۸ کې ان،  مارک فلیپ چې د ملکې په سپرو ځواکونو کې یو دویم بریدمن و د آسانو د مینه والو په یوه پارتۍ کې ولید، او دهغوی کوژدنه د کال ۱۹۷۳ د مې په ۲۹ اعلان شوه. د کال ۱۹۷۳ د نومبر په ۱۴ دې جوړې د ویستمینستر په کلیسا کې په داسې حال کې واده وکړ چې دا واده د تلویزیون له لارې وښودل شو او سل میلیونه خلکو یې ننداره کوله. بلاخره هغوی په ګات کومب پارک کې مېشت شول. دا چې د بې لقبه خلکو لپاره د شاهي کورنۍ خلکو سره واده کول عادي و، نو مارک ته د ایرلدام ( دشاهي کورنۍ یو لقب)  لقب وړاندیز شو چې مارک هغه رد کړو نو له همدې امله د هغوی ماشومان بې لقبه وزېږېدل. ان او دهغې مېړه دوه ماشومام درلودل پیتر ( چې په کال ۱۹۷۷ کې وزیږېد) او زارا فلیپس ( چې په ۱۹۸۱ کې زېږېدلې)ږ ان اوفلیپس پبنځه لمسیان لري. د کال ۱۹۸۹ د اګست په ۳۱ ان او فلیپس د جلاتوب لپاره خپله اراده اعلان کړه، دا جوړه په عام محضز کې ندرتا یوځای ليدل کېدل او دواړه په روامنتیکې ډول له نورو خلکو سره په اړيکه کې ول. هغوی د خپلو ماشومانو ساتنه په خپل منځ کې سره ووېشله او په پیل کې یې اعلان وکړ چې هغوی د طلاق لپاره کوم پلان نه لرې خو د کال ۱۹۹۲ د اپرېل په ۱۳، شاهي ماڼۍ اعلان وکړ چې ان د طلاق لپاره دوسیه ډکه کړې چې دا طلاق لس وروسته نهایي شو.