طیب اغا

طیب اغا
سيد
حافظ سيد محمد طيب اغا
ښاغلی طیب اغا په کال ۲۰۰۱ کي په سپين بولدک کې و خبريالانو ته دخبرو په حال کې. ښاغلی طیب اغا په کال ۲۰۰۱ کي په سپين بولدک کې و خبريالانو ته دخبرو په حال کې.
په قطر کې د طالبانو د سياسي دفتر مشر
د واکمنۍ دوران ۲۰۰۹ – ۳ اګست ۲۰۱۵
ولسمشر	حامد کرزی
امیرالمؤمنین	ملا محمد عمر اخوند
(بنسټ) ملا عبدالغني برادر
د شخص مالومات
اصلي نوم	طیب
زېږېدنه	لومړی پاراميتر ناسم دی! ۱۹۷۶(۱۹۷۶--{{{3}}}) ‏(عمر:  کاله) جلاهور، ارغنداب ولسوالۍ، کندهار، افغانستان
تابعیت	د افغانستان اسلامي امارت
پلرنی ټاټوبی	کندهار
ګوند	طالبان
پلار	مولوي سدوزی اغا
وروڼه او خوندې	محمد یوسف اغا محمد یعقوب اغا سید محمد اسحاق اغا
عملي ژوند
کار/مسلک	طالب چاﺭواکی
کاروونکې ژبه	پښتو
پوځي خدمت
وفاداري	طالبان

سيد محمد طیب آغا چي د ملا محمد طیب اغا او طیب اغا په نامه هم يادېږي يو افغان سياستوال، ديپلومات او جهادي مشر دی، چې په ۱۹۶۷ز کې د کندهار د ارغنداب ولسوالۍ په جلاهور کلۍ کې زیږیدلی دی. هغه د ناصرو قبیلې سره تړاو لري، پلار یې د کندهار د دیني عالمانو له مشرانو بلل کیده. طیب آغا په قطر کي د طالبانو د سیاسی دفتر بنسټ ايښودونکی مشر وو.

نور ولولئ

په ۱۹۸۴ ز کې روسانو ونیوه، دوه کاله وروسته له پخواني شوروي ځواکونو سره تبادله او پريښودل سو. د طالبانو د واکمنۍ پر مهال يي په څو وزارتونو کې د ژباړن په توگه دنده ترسره کړې ده، وروسته بیا د ملا محمد عمر ځانگړی استازي سو، له دندو څخه یې د طالبانو سیاسي ستراتیژۍ جوړول او له بهرنیانو سره اړیکې نیول وه. طیب اغا د سیاسي وړتیاوو له کبله د طالب مشرانو ترمنځ له پوره درناوي برخمن دی، د نورو په پرتله یې لوړه تعلیمي سویه لرل ، د عربي او انگلیسي په گډون پر پنځو ژبو خبرې کولای سي. له طالبانو سره د خبرو او سولې په برخه کې یې د مختلفو طالب پلاوو مشر تېر سوی دی.

له سیاسي دفتره استعفی

ښاغلي سید طیب اغا د طالبانو د نوي امیر په توګه د ملا اختر محمد منصور له ټاکل کیدو سره سخت مخالفت وکړ او له همدې کبله يې په رسمي توګه په قطر کې د طالبانو د سیاسي دفتر له مشرۍ استعفا وړاندې کړه.

د استعفی بڼه

بسم الله الرحمن الرحیم تر هرڅه وړاندې عالیقدر امیرالمومنین رحمه الله د وفات تعزیت د نوموړي کورنۍ، ملګرو او افغان مومن ولس او د امارت ټولو مجاهدینو ته وایم، الله تعالی دې نوموړي ته خپل رحمت او مغفرت نصیب کړي او د نوموړي جهاد، قرباني، تکلیفونه او ستړیاوې دې په خپل دربار کې قبولې او په جنت کې لوړې درجې ورکړي. آمین

عالیقدر امیرالمومنین رحمه الله چی ما ته یي د مهربانه مشر ورور حیثیت درلود، د الله په نصرت، شجاعت، قاطعیت او عزم سره د هېواد ۹۵٪ برخه له ملوک الطوایفۍ څخه وژغورله او اسلامي نظام یې حاکم کړ.

له امریکايي اشغال وروسته عالیقدر امیر المومنین رحمه الله د جهادي صف وحدت او استقلال په ډېره مېړانه او مدبرانه توګه وساتلو. د اسلامي امارت د داخلي او خارجي سیاست د مستقل ساتلو لپاره د ډېرو او لویو ستونزو په ګاللو سره چې د صحت او ورپسې د ژوند په بیه ورته تمام سول، ټول وخت د هېواد په داخل کې پاتې سو او د دې لوی مقصد لپاره يې سیاسي دفتر تاسیس کړ ترڅو د اسلامي امارت او ملت سیاسي استقلال، ملي منافع او د طالبانو او ولس قرباني وساتل سي او اسلامي امارت د خپلو سیاسي پریکړو ابتکار په خپله په لاس کې واخلي او خپلې فیصلې په خپله وکړي او هم یې په ۲۰۰۹ کال کې د امریکا متحده ایالاتو سره د اشغال د خاتمي او د افغانستان د قضیي د سوله ییز حل لپاره د هغوی د غوښتنې په اساس د مذاکراتو موافقه وکړه.

سیاسي دفتر د خپل مشر د مستقیمو هدایاتو په اساس په ډېر لنډ وخت کې د الله پاک په فضل او نصرت سره اسلامي امارت د کلونو سیاسي کلابندۍ څخه وروسته او د ډیرو مشکلاتو او مخالفتونو سره سره د لومړي ځل لپاره په ملی او نړیواله کچه د یو اسلامی خپلواک او ملي سیاسي خوځښت په حیث مطرح کړ، چې ټولو په ژوندۍ بڼه وکتل او په دې سره د الله پاک شکر ادا کوم.

د عالیقدر امیر المومنین رحمه الله د وفات اعلان چې نژدې دوه کاله پټ ساتل سوی و، د دې خبر پټ ساتل د اړوندو اشخاصو تاریخي اشتباه بولم او د پاکستان د لارې له مذاکراتو سره موافقې د دې خبرې په ښکاره کیدو کې مهم رول لرلی دي.

اوس چې له هېواد څخه بهر مشرټاکنه وسول او د نوي امیر ټاکنه چې د هیواد په خارج کې د اوسیدونکو لخوا ترسره سوه دا یوه لویه تاریخي اشتباه ده، ځکه تاریخ ته په کتو سره هر ډول مشرټاکنه چې له هېواد څخه بهر ترسره سوي ده، د افغان مظلوم ولس لپاره یې ډېرې بدې پایلې لرلې دي. د بېلګې په توګه د شوروي اتحاد له یرغل سره سم د ماسکو، او بیا د تېر جهاد پر مهال د پاکستان او ایران مشرټاکني او بیا د امریکايي اشغال له پیل سره سم د جرمني (بون) ټاکنه یادولای سو.

ضروري ده چې د اسلامي امارت مشرټاکنه د سرښندونکو مجاهدینو د سنګرونو په منځ کې سوې وای او د عالیقدر امیرالمومنین رحمه الله په شان يې د سنګرونو په مینځ کې خپل ازاد او مستقل ژوند ته دوام ورکړی وای.

د یادولو وړ ده چی د ۲۰۱۳ کال له شروع څخه د مرحوم عالیقدر هیڅ کوم صوتي هدایت نه دی ترلاسه سوی. د هغه سبب اړونده طرف د عالیقدر عدم موافقه ښوول چی هغه وایي چی هر څوک دې خپل کار کوي او د صوتي هدایت ضرورت نسته او مونږ هم د هغوی د امنیت او احترام په خاطر ډیر ټینګار نه کاوی. البته دا غوښتنه مو کوله چې هغوی باید د خلکو د تشویشونو د رفع کولو لپاره یو صوتي پیغام راولیږي.

د دې لپاره چې د هېواد او ولس په راتلونکو احتمالي ناخوالو کې – الله دې نه پېښوي- خپل رب، وجدان او خپل ولس او هم د خپل عالیقدر مشر امیرالمومنین ملا محمد عمر مجاهد سیاست او تګلارې ته ملامت نه سم او په دی اړوند لاسته راوړني په خپله خرابې نه کړم، د څو ورځو ښه غور او فکر وروسته د پورته وضاحت او صورت حال په نظر کی نیولو سره مې په ښه نیت سره فیصله وکړه چې نور د سیاسی دفتر د مشر او سیاسی مسوول په حیث زما کار پای ته رسیدلی او نور د امارت په نامه بیانونو، پریکړو او اجراآتو کی په هیڅ قسم دخیل نه یم او د طالبانو په موجوده خپلمنځي موضوعاتو کې د هیڅ طرف طرفداري نه کوم ځکه چی د طالبانو اړوند ټولو طرفونو په ارتباط کوشش روان دی چې د پردیو په دام کې ولویږي خو الله پاک دې وساتي. او د دی دام څخه د خلاصون یوازني لار دا ده چی د طالب په نامه د ټولو طرفو مسوولین باید د لکونو شهیدانو قربانیو، ثمرې، ملي وقار او استقلال د ساتلو په خاطر د عالیقدر مرحوم په شان د تکالیفو په ګاللو سره قربانی ورکړی. او همدا اوس د مشرانو د قربانی وخت دی. او د دی کار لپاره باید خپله او هم خپل اکثره کارونه داخل ته نقل کړی، ځانونه د خپل اختیار کړي اوبیا د امیر ټاکنی په شمول په ټولو موضوعاتو په ازاد مټ غور او پریکړی وکړی کنه ویره لرم چې ټول به د تاریخی رسوايي سره مخ سي .

نظامی مسوولین او ډلګۍ مشران باید په خپل کار کې د خپل مشر امیرالمومنین ملا محمد عمر مجاهد د تګلارې او هدایت سره سم خپلمنځي وحدت او استقلال وساتي او د وطنوالو د سر او مال ساتنه وکړي او هغه هیوادونه او طرفونه چې زمونږ د غریب هیواد په بیارغونه او کومک کې حصه اخلي، په نښه نه کړی او سپیڅلی طالبان او حافظان یوازې د هیواد د ازادۍ او اسلامي نظام د حاکمیت او سرتاسری امنیت او دعدل د تامین لپاره وکاروي، خدای مکړه نه د پردیو د ګټو د ساتلو لپاره.

سر د نن څخه به زه د امارت، د طالبانو د تحریک، سیاسي دفتر یا کمیسون او یا کوم بل نامه او طرف په استازیتوب یا مشرتوب د داخلی یا خارجي طرف سره لیدل کتل نه کوم. البته د یو مسلمان افغان او د مرحوم عالیقدر د ملګري او د هغه د امارت د یو فرد په توګه به د خپل غیور ولس د سوکالي او هیواد د خپلواکي، امنیت، پرمختګ او خپل سرښندونکو مجاهدینو وروڼو د حمایت په لار کې چې هر هغه څه زما په وس پوره وي کوم ان شاء الله تعالی.

له الله تعالی څخه غواړم چې افغانانو او طالبانو ته د عالیقدر امیرالمومنین نعم البدل ورکړي اوهم دي الله پاک د هغه قهرمان مشر د ارمانونو سره سم اشغال ختم او په افغانستان کی یو خپلواک افغان شموله اسلامي حکومت قایم کړي.

سید محمد طیب آغا د افغانستان د اسلامي امارت د سیاسي دفتر مشر ۸/ ۳/ ۲۰۱۵م

دا هم وګورئ

• د سید طیب اغا ۸ وړاندیزونه