توماس اې هېندرېکس

توماس اې هېندرېکس
توماس اې هېندرېکس
د شخص معلومات
پيدايښت	۷ سپټمبر ۱۸۱۹
مړینه	25 نومبر 1885 (66 کاله)
تابعیت	د امریکا متحده ایالات
ګوند	ديموکراتيک ګوند
عملي ژوند
کار/مسلک	سياستوال
مورنۍ ژبه	انگليسي
کاروونکې ژبه(ې)	انگليسي
لاسليک
توماس اې هېندرېکس

توماس انډریوس هېندرېکس (د ۱۸۱۹ ز ز کال د سپتمبر له ۷مې  نه د ۱۸۸۵ ز ز کال د نومبر تر ۲۵ مې پورې) یو امریکایی سیاستوال او د انډیانا حقوق پوه و چې له ۱۸۷۳ ز ز کال نه تر ۱۸۷۷ ز کال پورې یې د انډیانا د شپاړسم والي او د ۱۸۸۵ ز کال د مارچ له میاشتې نه د نومبر تر میاشتې پورې یې د متحده ایالاتو د یووېشتم مرستیال ولسمشر په توګه خدمت وکړ. هېندرېکس ( له ۱۸۵۱ ز کال نه تر ۱۸۵۵ ز کال پورې)  د متحده ایالاتو د استازو د مجلس او (له ۱۸۶۳ ز کال نه تر ۱۸۶۹ ز کال پورې) د متحده ایالاتو په سنا مجلس کې د انډیانا ایالت استازیتوب وکړ. نوموړي د انډیانا په عمومي مجلس (۱۸۴۸ –  ز کال۱۸۵۰ز کال) کې د شیلبي ناحیې استازیتوب هم وکړ او د ۱۸۵۱ ز کال د انډیانا د اساسي قانون په کنوانسیون کې یې د استازي په توګه هم دنده ترسره کړه. د دې تر څنګ، هېندرېکس د ځمکو د چارو په عمومي اداره کې (۱۸۵۵ – ۱۸۵۹ز) د کمېشنر په توګه دنده پر مخ یووړه. هېندرېکس د ډیموکرات ګوند مشهور غړی او مالي محافظه کار و. نوموړي د امریکا د کورنۍ جګړې او د بیارغونې په دوره کې د متحده ایالاتو په سنا کې له ډیموکراتیک دریځ نه دفاع وکړه او د متحده ایالاتو په اساسي قانون کې یې د ديارلسم، څوارلسم او پنځلسم تعدیل په وړاندې رایه ورکړه. نوموړي د متحده ایالاتو مجلس ته د جانسن له استیضاح وروسته د بیارغونې د رادیز کال ولسمشر انډریو جانسن له دندې نه د لرې کولو مخالفت هم وکړ.

هېندرېکس چې د اوهایو په مسکینګم ناحیه کې نړۍ ته سترګې پرانیستې، په ۱۸۲۰ ز کال کې د خپل مور او پلار سره انډیانا ته کډه شو چې په ۱۸۲۲ ز کال کې یې کورنۍ په شیلبي ناحیه کې هستوګنه شوه. د ۱۸۴۱ ز کال په دوره کې د هانوور له ز کالج نه تر فراغت وروسته، نوموړي  د انډیانا په شیلبی ویل او د پنسلوانیا په چیمبربرګ کې حقوق ولوستل. په ۱۸۴۳ ز کال کې نوموړي د انډیانا د مدافع وکیلانو د ټولنې غړیتوب لاس ته راوړ. هېندرېکس خپل حقوقي کار په شیلبی ویل کې پیل کړ، په ۱۸۶۰ ز کال کې انډیاناپولیز ته کډه شو او په ۱۸۶۲ ز کال کې یې د آسکر بی هورډ سره خصوصي حقوقي شرکت جوړ کړ. نوموړی شرکت بېکر او دانیل نومېده چې په دې ایالت کې له مخکښو حقوقي شرکتونو نه و. هېندرېکس د انډیانا ولایت چوکۍ ته درې ځله د سیالۍ ډګر ته راغئ، خو یوازې یو ځل یې ټاکنې وګټلې. هېندرېکس په ۱۸۷۲ ز کال کې، په درېیمه او وروستۍ هڅه کې جنرال توماس براون د ۱۱۴۸ رایو په توپیر له ماتې سره مخامخ کړ. د انډیانا د والي په توګه د نوموړي دوره ، له پراخو ګواښونو، لکه: د انډیانا په عمومي مجلس کې د جمهوري غوښتونکي غوڅ اکثریت، د ۱۸۷۳ ز کال اقتصادي ویره او اقتصادي ناورین سره مخامخ شوه. د ولایت په اوږدو کې د نوموړي یو له غوره میراثونو نه د اوسني انډیانا ایالت د دفتر د جوړولو او تمویل لپاره هلې ځلې وې، چې ودانیزې چارې یې د هغه د دندې له پریښودو وروسته بشپړې شوې. په ۱۸۹۰ ز کال کې د هېندرېکس په ویاړ یو یادګار د دې ادارې په سویل ختیځ کونج کې نصب شو.

هېندرېکس چې یو غوڅ دیموکرات و، د ۱۸۷۶ ز کال په جنجالي ولسمشریزو ټاکنو کې د نیویارک له والي سمویل ټیلډن سره چې د ولسمشرۍ نوماند و، د خپل ګوند له خوا د متحده ایالاتو د مرستیال ولسمشر په توګه نوماند شو. که څه هم دوی ښې رایې یووړې، خو د جمهوري غوښتونکو د ولسمشرۍ نوماند رودرفورډ بي هایس او د هغه د مرستیال ولسمشر ویلیم اې ویلر پر وړاندې یې په ټاکنیز ز کالج کې د یوې رایې په توپیر وبایللې. هېندرېکس په ناسم روغتیا یي حالت سربېره، د ۱۸۸۴ ز کال په ټاکنو کې د ګروور کلیولنډ د جوړې په توګه د مرستیال ولسمشر لپاره د خپل ګوند غوښتنه ومنله. کلیولنډ او هېندرېکس ټاکنې وګټلې، خو هېندرېکس یوازې د اتو میاشتو لپاره، د ۱۸۸۵ ز کال د مارچ له ۴ نه د ۱۸۱۵ ز کال د نومبر تر ۲۵ په انډیاناپولیز کې ترمړینې پورې د مرستیال ولسمشر په توګه دنده ترسره کړه. هغه د انډیاناپولیس کراون هیل په هدیره کې خاورو ته و سپارل شو.  

د ژوندلومړي کلونه او زده کړې

هېندرېکس د ۱۸۱۹ ز کال د سپټمبر په ۷ نېټه د اوهایو په مسکینګم ناحیه کې، ختیځ فولتونم او زینسویل ته نږدې نړۍ ته سترګې خلاصې کړې. نوموړی د جان د هېندرېکس او جېن (ډوک) د هېندرېکس د اتو ماشومانو نه دویم و. د هغه پلار د پنسلوانیا اوسېدونکی او مور یې د ویرجینیا اوسېدونکې وه.

هېندرېکس په ۱۸۲۰ ز کال د خپل مور او پلار او مشر ورور سره، د توماس د تره، ویلیم هېندرېکس په غوښتنه د انډیانا د جیفرسن ناحیې میډیسن سیمې کډه شول. ویلیم هېندرېکس یو بریالی سیاستوال و چې د متحده ایالاتو د استازي، د متحده ایالاتو د سناتور (۱۸۲۵ – زکال) او د انډیانا درېیم والي (۱۸۲۲ – ۱۸۲۵ز کال) په توګه یې دنده ترسره کړه. د توماس کورنۍ په میډیسن کې په لومړي ځل د خپل تره کور ته نږدې په یوه کرونده کې هستوګنه اختیار کړه او په ۱۸۲۲ ز کال کې د انډیانا شیلبي ناحیې ته کډه شوه. د هېندرېکس پلار چې یو بریالی بزګر او یو عام پلورنځی یې هم درلود، په سیاست کې ښکېل شو او د ولسمشر اندریو جیکسن له خوا د خپلې ولسوالۍ لپاره د عامه ځمکو د مرستیال سرویر په توګه وټاکل شو. د انډیانا د دیموکراتیک ګوند مشرانو په مکرر ډول په شیلبی ویل کې د هېندرېکس کور ته تګ راتګ کاوه او هېندرېکس يې له ماشومتوب نه په سیاست کې د ګډون لپاره تر اغېز لاندې راوست.  

هېندرېکس په سیمه ییزو ښوونځیو (د شیلبي ناحیې په دیني مدرسه او د ګرینزبرګ اکاډمي) کې زده کړې وکړې. نوموړی په ۱۸۴۱ ز کال کې، د البرټ جی پورټر سره په ورته ټولګي کې، چې د انډیانا راتلونکی والي شو، د انډیانا د هانوور له ز کالج نه فارغ شو. هېندرېکس له ز کالج وروسته په شیلبی ویل کې د قاضي سټیفن میجر سره حقوق ولوستل او په ۱۸۴۳ ز کال کې یې د پنسلوانیا په چیمبربرګ کې د خپل تره  قاضي الکساندر تومسن تر ادارې لاندې په ښوونځي کې د حقوقو په اته میاشتني کورس کې ګډون وکړ. هېندرېکس انډیانا ته راستون شو، په ۱۸۴۳ ز کال کې یې د مدافع وکیلانو د ټولنې غړیتوب ترلاسه کړ او په شیلبی ویل کې یې، د حقوقو یو شخصي شرکت تاسیس کړ.

واده او کورنۍ

هېندرېکس د ۱۸۴۵ ز کال د سپټمبر په ۲۶ مه نېټه، د اوهایو د شمالي بېنډ له اوسېدونکې الیزا کارول مورګان سره له دوه کلنې مینې وروسته واده وکړ. دوی هغه وخت له یو بل سره ولیدل چې الیزا په شیلبی ویل کې د خپلې واده شوې خور مېرمن دانیل ویسټ لیدو ته راغلې وه. د مورګان په نوم د دوی یوازینی ماشوم، د ۱۸۴۸ ز کال د جنوري په ۱۶ مه وزیږېد او د درېیو کلونو په عمر په ۱۸۵۱ ز کال کې مړ شو. په ۱۸۶۰ ز کال کې توماس او الیزا هېندرېکس انډیاناپولیز کډه شول او له ۱۸۶۵ ز کال نه تر ۱۸۷۲ ز کال پورې د سویلي نیوجرسي په ۱۵۲۶ ګڼه سړک کې و اوسېدل چې اوس د بیټس-هېندرېکس هاوز په نامه یادېږي.