ناټو

د شمالي اتلانتيک تړون يا ناټو (په فرانسوي ژبه: Organization du Traité de l'Atlantique Nord) چې په لنډيز يې NATO کېږي. د ١٩٤٩م کال د اپرېل په څلورمه د ټوليزې دفاع په خاطر په واشنګټن کې جوړه شوه او اوس مهال يې ٢٨ هېوادونه غړيتوب لري. د ناټو تړون زړه د دې تړون پنځمه ماده ده، هغو هېوادونو چې لاسليک کړى، منلې يې ده که په اروپا د ناټو د تړون پر کوم غړي هېواد يا هم شمالي امريکا بريد کېږي، معنى به يې دا وي چې پر ټولو غړو هېوادونو بريد شوى دى او په ګډه به يې مقابلې ته دانګي.