شونډکيز چرگ

د ويکيپېډيا لخوا
ورټوپ کړه: گرځښت, پلټل
شونډکيز چرګ

شونډکيز چرګ (په انګرېزي: Turkey) د مېلياګريس مرغانو خېل پورې اړه لري . همدا مېلياګريس ګېلوپاو ته په عمومي توګه د شډل يا ځنګلي شونډکيز چرګ په مانا کتل شوي . دغه ډول ېې تر ډېره د سوېلي امريکا په ځنګلونو کې موندل شوي دي . همدا رنګه نورو د دغه شونډکيز چرګانو ډولونو ته ميلياګريس اوسيلاټا او يا هم اوسيلېټد چرګ وايي . ددې ډېر زيات ډولونه دي چې د اټکل له مخې ېې لرغونتوب ۲۳ ميلیونه کلونو ته رسېږي . دغه مرغان د هګۍ اچوونکو ژؤو په کورنۍ کې شمېرل کېږي . د کورني شونډکيز چرګانو آر له شډلو يا ځنګلي شونډکيز چرګانو څخه اخيستل شوی . دا چرګ لکه د هرمارغه د توکم او خېل په څېر په خپل لړلیک کې وېشل شوی د چرګانو په کورنۍ پورې اړه مومي . د شونډکيز چرګ د مښوکې پر سر له پوزې راځوړنده غوښه ددې لامل شوې چې د ځوړندې شونډې په مانا وګڼل شي او د همدې له کبله ورته شونډکیز ويل کېږي . د شونډکيز چرګ وزرې چې ګز شوي نو ۱.۵ تر ۱.۸ مترو پورې يادېږي . تر اوسه پورې د ځنګلونو په پراخ چاپېريال کې استوګنه لري او ددغه چرګ ښځينه چرګه ېې له نارينه چرګ څخه په بڼه وړوکې او وزن ېې هم لږ او له نارينه شونډکيز چرګ څخه ېې د بڼکو رنګونه لږ وي . د ځينې څېړونکي په دې اند دي چې اروپا ته په لومړي ځل شونډکيز چرګان د ترکيې له لارې ورغلي دي ځکه ورته په انګرېزي کې (Turkey) ټرکي وايي .

د شونډکيز چرګ ځانتياوې

کله چې شونډکيز چرګ شوقمن شي نو ېې د پوستکي رنګ سور واوړي او بڼکې ېې هم خپل رنګونه بدلوي رابدلوي . همدارنګه خپل ځان ببر کړي بڼکې خپرې او د شا دخوا ېې بڼکې پورته خواته کتار ودرېږي .

د شونډکيز چرګ ډولونه او الوتنه

شونډکيز چرګان لکه د نورو ژوؤ په څېر په نارينه او ښځينه ؤ وېشل شوي دي . همدا رنګه د دوی ځينې ډولونه د وزن له مخې غټ او واړه او له رنګونو بېل موندل شوي . شونډکيز چرګان چې کله له هګيو راووځي نو دوو وونيو کې په پښو ګرځي . ځينې د مرغانو څېړونکي وايی چې دغه چرګان د اسيا څخه اروپا او بیا امريکا ته رسېدلي دي . دا هم ويل کېږي چې شونډکيزه چرګه په کال کې۷۰ هګۍ اچوي . ځینې له شونډکيز چرګانو څخه بیخي نشي الوتلای او ځينې چې بیا الوتلای شي نو ډېر لږ الوزي ددوی د الوتنې کچ تر شاوخوا ۱ او يا هم ۲ مترو پورې مېچ شوی .