د سوالبرد د تخم نړيواله زېرمه
| د سوالبرد د تخم نړيواله زېرمه | |
|---|---|
| Svalbard globale frøhvelv | |
 | |
.jpg) | |
| کورډيناټ | ۷۸°۱۴′۰۹″شمال ۱۵°۲۹′۲۹″ختیځ / 78.235866666667°شمال 15.491372222222°ختيځ |
| عمومي معلومات | |
| حالت | بشپړ |
| د ودانۍ ډول | د تخم بانک |
| ځای | سپيتسبرګین |
| سيمه یا ښار | لانګیربین |
| هيواد | ناروې |
| مساحت | 1000 متره مربع [۳] |
| بنسټ ايښودنه | ۱۹ جون ۲۰۰۶[۴] |
| د بنسټ ایښودلو تاریخ | ١٩ جون ٢٠٠۶[۱] |
| د خلاصیدو نیټه | ٢۶ فبروري ٢٠٠٨[۲] |
| بيه | ۴۵ ميليونه نارویجن کرون (٩ ميليونه امريکايي ډالره) |
| د پوړ مساحت | ۱٬۰۰۰~ متره مربع (۱۱٬۰۰۰~ مربع فوټه) |
| جایزې | Norwegian Lighting Prize for 2009 No.6 TIME's Best Inventions of 2008 |
 |
|
سمول  |
|
د سوالبرد د تخم نړيواله زېرمه د ناروې هيواد په سوالبرد ايالت کې وجود لري. دلته د نړۍ د تخمونو ٩ للکه ٣٠ زره ډولونه په يوه غره کې وجود لري، په دې غره کې دننه د تخمونو لپاره د ناروې د حکومت لخوا غټ (تونل) جوړ سو، او دا تونل بلکل د يوه داسې سړې خوني په شان دی. که په نړۍ کې دريمه يا څلورمه نړیواله جګړه او يا کومه ډارونکی پېښه رامنځته سي، نو تر دې وروسته به د پاتو لږو کسانو لپاره د اټومي وسلو له لاسه هيڅ ډول بوټي يا نباتات نه وي ورپاته. په داسې وختونو کې، به دا خوندي سوي تخمونه د نړۍ د خوراکي توکو په بشپړولو کې مرسته وکړي. په عامه رسنۍ کې دې ته Doomsday Vault ويل کېږي.
د Svalbard Global Seed Vault د شمالي قطب څخه يواځې د ١٣٠٠ کلوميټر یعنې ٨١٠ میلو په واټن کې موقعیت لري. دا ډیر سوړ ځای دی او د زلزلې امکان تر ډېره حده نسته. د سمندر د سطحې څخه د دې تونل لوړوالی ۴۳۰ فوټه دی او ورسره د هر ډول سیلاب خطر څخه هم خوندي وي. تخم په منفي ١٨ درجې په سیلسیس کې ساتل سوې ده. حتی که چیرې د ریفریجریشن سیسټم په لنډمهاله توګه کار پرې هم ږد، د شاوخوا سيمې د تودوخې درجه د شاوخوا واوري له امله ډیر نه لوړیږي.
دا ځای یو ډیر سخت امنیتي سیسټم لري.
که څه هم په نړۍ کې د تخم ډیري زېرمې (seed banks) شتون لري، مګر هغه زېرمې و اټومي جګړې ته د ټينګېدو توان نلري. مخالفين بيا وايي چې دا د زهرجنو تخمونو زېرمه ده، او د جنیټیک انجینرۍ په مرسته رامینځته سوي ده، ددې امکان هم سته چې د بیولوژیکي وسلو په توګه کارول کیدی سي. [۵]