اوندن برونشيت

د ويکيپېډيا لخوا
ورټوپ کړه: گرځښت, پلټل

اوندن برونکايټس يا اوندن برانشيت (په انګرېزي: Chronic Bronchitis) د سږو د هوايي نلونو يا برونکيولونو يوه اوندنه ناروغي ده. دا ناروغي اکثراً په پوخ عمره او لويانو کې ليدل کېږي چې معمولاً څو اونۍ، څو مياشتې او آن کلونه کلونه دوام کوي. دا ناروغۍ ډېر ځله په هغو خلکو کې هم چې سېګرټ څښي ليدل کېږي او کله کله په هغو خلکو کې چې سېګرټ نه کاروي هم تر سترګو کېږي. په دې ناروغۍ اخته ناروغان ممکن د ايمفيسېما په ناروغۍ هم اخته شي.

نښې نښانې

د دغې ناروغۍ په نښو کې دوامداره ټوخی پرته له درده، ټوخی کېدای شي د شين يا ژېړ رنګه بلغم سره مل وي. ناروغ اکثراً د سهار په مهال کې ډېر ټوخېږي که ټوخی د سور رنګه بلغم سره وي نو په ناروغ کې د نري رنځ او يا هم د سږو د سرطان امکان ليدل کېږي. د دې حالت په نورو نښو کې سالنډي، په اصغا سره د رانکای او ويزنګ غږونو شتون. د تنفس زفير لوی وي. د ناروغ شونډې او د لاسو او پښو د ګوتو نوکان د اکسيجن د کمښت په سبب شنه وي.

درملنه

ناروغ بايد د سېګرټ څښل په ټپه ودروي. د ایمپیسیلین او یا کوترای موکسازول انټيبيوټيکو سره د اړتيا له مخې امینوفایلین هم د درملنې درمل شمېرل کېږي.