سلطان علي کشتمند

سلطان علي کشتمند

اړوند

ښاروندتوب	افغانستان
زېږون نېټه	۲۲ مې ۱۹۳۵
زدکړنځی	د کابل پوهنتون
ګوند	د خلق ډموکراتيک ګوند
دنده	سياستوال

عامه معلومات

عمومي معلومات	انسان

سلطان علي کشتمند (۱۳۱۶ هـ. ل. - ) (په انگرېزي: Sultan Ali Keshtmand) يو افغان کيڼ لاسی سياستپوه دی. نوموړی په ۸۰ مې لسيزې کې دوه څله د افغانستان د کمونسټ ډيموکراټيک جمهوريت د لومړي وزير دنده پر غاړه لرله، د هغه د لومړي وزيرۍ، لومړنۍ دوره له ۱۹۸۱ ز. نه تر ۱۹۸۸ ز. پورې وه او دويمه دوره يې له ۱۹۸۹ نه تر ۱۹۹۰ ز. کال پورې وه. نوموړی د خلقي او پرچمي دوه روسپالو مارکسيستي ډلو څخه د پرچم د اړخ سياسي گوند غړی و. لکه څنگه چې اوس دغه دوه سياسي اړخونه د حامد کرزي د حکومت په ملاتړ د جبه متحد په نوم يادېږي ، نوموړی هم د همدې ډلې فعال غړی دی .

مخينه

سلطان علي کشتمند د نجف علي زوی دی. هغه په کابل کې زېږېدلی. هغه د هزاره توکم پورې تړاو لري. نوموړي خپلې زده کړې د کابل پوهنتون د اقتصاد په پوهنڅي کې سر ته رسولي او د زده کړو له مهال نه د افغانستان د خلق او پرچم د يوازيني گوند غړيتوب يې ترلاسه کړی. کله چې د پرچم په نامه گوند د خلق له گوند څخه بېل شو نو بيا دی هم د خلق له گونده بېل شو او د ببرک کارمل تر مشرۍ لاندې ېې د پرچم گوند سره واړوله .

دندې

• له ۱۳۴۰ هـ. ل. کال نه د کانونو د وزارت د صنايع په رياست کې دنده.
• له ۱۳۴۴ هـ. ل. کال نه د کانونو د وزارت د لاسي صنايع په رياست کې دنده.
• له ۱۳۴۵ هـ. ل. کال نه د منجمنټ مديريت د کانونو په وزارت کې
• له ۱۳۵۸ هـ. ل. کال نه د پلان وزير او د لومړي وزير مرستيال.
• له ۱۳۶۰ هـ. ل. کال نه د وزيرانو د شورای او د پلان جوړولو د کميټې مشر.
• له ۱۳۶۱ هـ. ل. کال نه تر ۱۳۶۷ هـ. ل. کال د وزيرانو د شورای مشر.
• له ۱۳۶۷ هـ. ل. کال نه د سياسي بيرو غړی او د افغانستان د خلق ديموکراتيک گوند د مرکزي کميټې منشي.
• د ۱۳۶۷ هـ. ل. کال د کب له مياشتې د وزيرانو د شورا د اجرايوي کميټې مشر.
• د ۱۳۶۹ هـ. ل. کال د غبرگولي له مياشتې تر تلې تر مياشتې د ولسمشر لومړی مرستيال.

واک اخيستنه له Unknown څخه	د صنايع او معدنونو وزير 1960 - 1972	واک سپارنه و Unknown تـــه
واک اخيستنه له Unknown څخه	د پلان وزير 1978	واک سپارنه و Unknown تـــه
واک اخيستنه له حفيظ الله امين څخه	د لومړي وزير مرستيال 1980 - Unkown	واک سپارنه و Unknown تـــه
واک اخيستنه له Unknown څخه	د پلان وزير 1981	واک سپارنه و Unknown تـــه
واک اخيستنه له ببرک کارمل څخه	د افغانستان لومړی وزير June 11, 1981-May 26, 1988	واک سپارنه و محمد حسن شرق تـــه
واک اخيستنه له محمد حسن شرق څخه	د افغانستان لومړی وزير February 21, 1989-May 8, 1990	واک سپارنه و فضل حق خالقيار تـــه
واک اخيستنه له حاجي محمد څمکنی څخه	Vice President of Afghanistan 1990 – 1991	واک سپارنه و عبدالرحيم حاتف تـــه