سردارولي پښتونزوی

سردار ولي پښتون زوی
پښتونزوی په خپل کتابتون کې پښتونزوی په خپل کتابتون کې پښتونزوی په خپل کتابتون کې
د واکمنۍ دوران ۱۷ اپريل ۲۰۱۷ – ٢٢ جون ۲۰۱۷
د شخص معلومات
زیږون نوم	سردار ولي
زېږېدنه	۱۹۸۶ (۳۷–۳۸ کلن) ارغسان ولسوالۍ، کندهار ولايت
تابعیت	افغانستان
عملي ژوند
د پيژندنې لامل	(# جالبې خاطرې)
ويبپاڼه
ويبپاڼه	د پښتون زوی فیسبوک پاڼه

سردارولي پښتون زوی (په انگرېزي :Sardarwali Pashtonzoy ) افغان ليکوال، او دافغانستان د معاصر تاريخ اماتور څېړونکی دی.

مخينه

نوموړی په ۱۹۸۶ع کال د کندهار ولايت د ارغسان اولسوالۍ د تحسيلدار په کلا کي زېږېدلی او د همدې ځای اوسېدونکی دی. پښتون زوی د ملک موسي جان زوی، د صاحب خان لمسی، د اکبر خان کړوسی او د فقار خان کوسی په خټه سدوزی، پوپلزی پښتون دی، د دوی کورنۍ د اعليحضرت تېمورشاه بابا په عصر کي کابل ته تللې وه، خو څرنگه چي په۱۸۴۲ع کال کي د سدوزو واکمني له منځه ولاړه، فقار خان ارغسان ته راغلی او دلته يې پراخ کارېزونه او مځکي رانيولې، چي تر اوسه يې کارېزونه د کار وړ او په افغانستان کي لومړنی کلی دی چي ټول استوگن يې سدوزی دي، په کندهار کي د سدوزو مشهوره هديره د همدغه سدوزو د کورنۍ ده.

زده کړي

پښتون زوی لومړنۍ زده کړي د کډوالۍ پر مهال د بلوڅستان د پښين په اولسوالۍ کي تر سره کړې، منځنۍ زده کړه يې د کندهار ولايت په افغان-ترک عالي ليسه کي بشپړي کړي، په ۲۰۰۳ع کال کي له کمپيوټري زده کړو څخه په برياليتوب وتلی، خو لوړي زده کړي يې تر اوسه نيمگړي پاته دي.

دندي

له ۲۰۰۳-۲۰۰۷ع کال پوري يې په بېلابېلو ښوونځيو کي د کمپيوټر ښوونه کړې، تر ۲۰۱۰ع کال پوري يې خپله علمي پاڼه ناهيد چلول چي د اقتصادي اړتياوو له امله وځنډېده، په ځيني علمي موسساتو کي يې وخت ناوخته دنده تر سره کړې، دا وخت د ليکوالۍ او څېړونو تر څنگ له ځينو کورنيو او نړيوالو رسنيو سره همکاري کوي.

ليکوالي

پښتون زوي په لسگونه تاريخي مقالې ليكلي، چي ځانگړي ا ثار يې په لاندې ډول دي.

• ۱- شل ورک کندهاريان
• ۲- ایا پوهېږې؟
• ۳- د ارغسان لنډه تاريخچه
• ۴- د افغان چارواکو خاطرې
• ۵-په لوی کندهار کي درنې کورنۍ
• ۶-تاريخي يادښتونه
• ۷-کندهار د انځور په ژبه

تړلې لیکنې

کندهار ولایت منډیګک تاریخي ټولنه