فورسټ ګمپ

فورسټ ګمپ (Forrest Gump) دا امريکايي فلم په ۱۹۹۴ کال په همدغه نامه د وينسټن ګروم د يوه ناول پر بنسټ جوړ شوی چې رابرټ زيميکیس (Robert Zemeckis) يې لارښود دی. په فلم کې د فورسټ ګمپ (مرکزي لوبغاړي) رول ښاغلي ټام هانکس Tom Hanks لوبولی دی.

فورسټ ګمپ پڅ‌ذهنه او ساده‌ګل وي مګر د خپلو هڅو او کلک هوډ پر مټ د ژوند په بېلابېلو ډګرونو کې له ډېرو برياوو برخمن شي او يو لړ تاريخي

پېښې وپنځوي. په دې فلم کې د اخلاص، فداکارۍ، لوړ همت، کلک هوډ، زغم او مينې ګڼ درسونه شته. ګمپ د خپلې ټمبلۍ له امله په ښوونځي کې نه پرېښودل کېږي، ماشومان تل ملنډې ورباندې وهي، چې ځوان شي هم يې همدغه حال وي مګر ګمپ د خپل ژوند په بېلابېلو پړاوونو کې د خپلو لاسته‌راوړنو په خاطر څو ځله د امريکا له ولسمشرانو سره وويني.

ګمپ له ماشومتوبه پر خپلې يوې ګاونډۍ مکتبۍ "جيني" –(روبین ګيل رايټ) مين وي خو "جيني" د خپل غربت او د ګمپ د غُلتوبۍ له امله له هغه سره واده ته زړه نه ښه کوي. جيني بيا په ژوند کې له ګڼو کړاوونو او دردونو سره مخامخ شي، زړه يې مات شي او څو ځله د ځانوژنې هڅه هم وکړي.

ګمپ ميليونر شي خو د جيني په مينه کې ببر سر او غته ږيره لکه ليونی د امريکا ټولې کوڅې ګښت کړي. پر دې فلم باندې ۵۵ ميلونه ډالر لګښت راغلی او ۶۷۷.۹ ميلونه ډالره يې بيرته جوړې کړي دي. د ناول د فلم کولو لپاره د ناول ليکوال وينسټن ګروم ته ۳۵۰۰۰۰ ډالر نغدې او د فلم د خالصې ګټې ۳سلنه ورکړل شوې.