چای

د شنه چای یوه پیاله

چای يو مشهور بوټی دی چې جګوالی يې تر درېو مترو پورې رسېږي او تود او مرطوبو ځايو کې شين کېږی. ددې بوټې پاڼې تر شکولو وروسته لمر ته ږدي، پاکوي يې او بيا يې بازارو ته عرضه کوي. د چايو بوټی د تيا شينا نزيس له بوټی څخه چې د تر نستريمياسي په کورنۍ پورې مربوط دی د لومړي ځل لپاره په چين کې رواج شوی دی. چای په خپل ترکيب کې کافين، تيوفيلين، يکسټرين، اګزاليټونه، د پوټاسيم فاسفيټ، ديين، ترای ميټاليل ګزانتين او ټانين لري. لږ مقدار چښل يې بدنه وي، خو زيات چښل يې د کافين د مادې په لرلو سره هر چاته په تېر بيا حاملو ښځو ته خطر لري. چای دوه ډوله وي، ترو او شين چای.