اپلاتون

اپلاتون (يوناني: Πλάτων, Plátōn) (c.427–c.347 BC) يو ډېر زيات اغېزناکه لرغونې يوناني فېلسوف او د سكرات زده کوونکی وه چې د خپل استاد، د سكرات د اندونو نه متاثره شوی و. هغه يو تکړه شمېرپوه او د فلسفي ديالوګونو ليکوال او په آتېن کې د اکادمۍ بنسټګر دی، چې ارستو هم په نوموړې اکادمۍ کې زده کړې کړي.

افلاطون به په پراخه کچه په اکادمۍ کې په زده کړو ورکولو بوخت وه خو د دې ترڅنګ به يې په ډېرو فلسفي چارو لکه سياست، اخلاقيات، مېټافيزيک او منېق ليکنې هم کولې. دده ترټولو اهمې ليکنې دده ډيالوګونه دي، که څه هم چې دده نه راپاتې ډېرې لېشناکې او لطيفې خبرې او نکتې هم راپاتې دي او ځينې ليکونه هم د هغه د وختونو نه راپاتې دي کوم چې ده پخپل لاس کښلي. تاريخپوهان پدې اند دي چې د افلاطون ټول معتبره ډيالوګونه د تاريخ په بېلابېلو پړاوونو کې بچ او خوندي پاتې شوي.