د "مسيحيت" د بڼو تر مېنځ توپير

د ويکيپېډيا، وړیا پوهنغونډ له خوا
و روباټ لرې کول: ch:Christianity (deleted)
و Ahmed-Najib-Biabani-Ibrahimkhel moved page عیسویت to عيسويت over redirect
(بې توپيره)

د ۲۲:۰۹, ۲۹ اپرېل ۲۰۱۲ بڼه

د غربي نړۍ له آنده د عیسی علیه السلام انځور او دلته ېې د خبرو په حال کې انځور کړی

عیسویت یا مسیحیت یا نصرانیت هماغه دین دی چې الله ج د موسی علیه السلام د دین د بشپړیدو په خاطر په عیسی علیه السلام رانازل کړی و، دغه دین بني اسرائیلو ته راغلی و چې هغوی یې د نفس او وجدان تهذیب ته بلل، خو له بده مرغه چې د تحریف او تغییر لاسونه ورننوتل او دغه دین یې له آسماني بڼې نه واړاوه.

عيسی علیه السلام په اسلام کې حيثیت

عیسی علیه السلام په پخواني عيسويت دین کې حيثيت

عیسی علیه السلام په نننۍ غربي نړۍ کې حيثيت

د الله ج په دین کې تغییر او بدلون

په دین کې د تحریف لاملونه

ددغه دین پیروان مغلوب او کمزوري و، ځکه چې له پیل نه پرې دښمنانو یرغل کړی وو، یهودو عیسیعلیه السلام تعقیباوه او د هغه د وژنې تصمیم یې ونیو،خو الله ج ترې نه وژغوره خو پیروان یې تر پایه د یهودانو لخوا تر تعقیب او تعذیب لاندې و.

انجیل لمنځه لاړ او سند یې هم ویجاړ شو

نن هغه انجیل چې الله ج نازل کړی وو په مختلفو بڼو وجود لري چې موضوعات یې له یو بل سره تضاد او ټکر لري، یو انجیل هم په مستقیم ډول د عیسی علیه السلام له خولې نه ندی لیکل شوی، پدې سربیره چې هغه له منځه تللی بلکې د روایت هغه عادي شرطونه چې یو آسماني کتاب یې غوښتنه کوي هم په اوسنیو انجیلونو کې نشته، ځکه چې دغه ټول آسمان ته د عیسی علیه السلام له پورته کولو نه وروسته لیکل شوي دي، نه یې لیکوال معلوم دی او نه هغه سرچینه چې دوی پرې تکیه کړې ده.

د یهودي پولس لاسوهنې

یهودی پولس د عیسی علیه السلام او دهغه د دین له سرسختو دښمنانو نه وو په ډیره چالاکۍ سره وتوانیده څو ځان په مسیحیانو وتپي او پدې توګه یې د دښمنۍ له امله په انجیل کې لاس وواهه او پوره تحریف یې پکې وکړ، دغه دین یې له خپل اصلي شکل او بڼې نه وویست او شرکي عقاید او تصورات یې پکې داخل کړل، لکه:

  • عیسی علیه السلام د خدای زوی دی.
  • عیسی علیه السلام ددې لپاره پیدا شوی دی څو د نورو انسانانو د ګناهونو په بدل کې په دار وځړول شي.
  • انسان یوازې په باور نجات مومي او عمل ته هیڅ اړتیا نشته.

د مسیحیانو عقیدې

الوهیت او تثلیث

مسیحیان په الله ج باندې ایمان لري خو عیسی علیه السلام او جبرائیل علیه السلام ورسره شریکان نیسي ، چې پدې اړه هم د هغوی د کلیساوو ترمینځ ستر اختلاف موجود دی، بداسې حال کې چې الله ج ورته وایي:

اې اهل کتابو! تاسې په دین کې غلو(زیاتي) او افراط مه کوئ او د الله(ج) په اړه له حق پرته بله خبره مه کوئ، حقیقت دادی چې عیسی علیه السلام، د بي بي مریم زوی د الله استازی او پیغمبر دی ، د الله خبره ده چې الله پاک بي بي مریم ته رسولې ده او د الله(ج) لخوا روح دی، نو په الله او د هغه پر پیغمبرانو باندې ایمان راوړئ، دا مه وایئ چې الله درې دی له دغې پوچې خبرې نه لاس واخلئ، چې پدې کې مو ګته ده ، الله(ج) یو ذات دی او دا ناشونې ده چې هغه دې زوی ولري.

د نساء سورت, ۱۷۱م آيت


د قیامت ورځ حساب

عیسویان په دې باور دي چې د قیامت په ورځ به حساب او کتاب عیسی علیه السلام ته وسپارل شي، پداسې حال کې چې الله ج وایي:

او هغه وخت چې الله پاک به عیسی علیه السلام ته ووایي آیا تا خلکو ته ویلي دي چې له اللهج پرته ، ما او زما مور هم په خدایي ونیسئ؟ عیسی علیه السلام به ووایي: اې الله! تا زه له دې نه پاک ګڼم چې شریک ولرې،ماته نه ښایي چې داسې خبره وکړم چې هغه زما حق نه وي، که مې ویلي وي نو یقینا ته به پرې خبر یې، ته زما د داخل له راز نه هم خبر یې او زه له هغه څه نه چې تا له ما پت کړي دي زه ناخبره یم.

سورت مائده, ۱۱۶م-۱۱۷م آيت


په دار ځړول

صلیب د عیسویانو نښه ده او دوی یې سپېڅلې ګڼي او سوچ کوي چې عیسی علیه السلام په دار ځړول شوی دی، پدې اړه یې هم له حقیقت نه لرې خرافاتي داستان جوړ کړی دی چې: کله چې آدم علیه السلام له هغې ونې نه چې دی ترې منع شوی وو خوراک وکړ نو ګناه یې د هغه اولاد ته نقل شوه نو الله پاک د آدم علیه السلام ټول اولاد ته په غوسه شو، خو ددغې ګناه د جبران لپاره او د ټولو انسانانو د نجات لپاره یې خپل یوازینی زوی ( عیسی علیه السلام ) په دار وځړاوه او عیسی علیه السلام هم په خپله خوښه دار ته پورته شو، نو د انسانانو ګناه معاف شوه.

پداسې حال کې چې فرآن کریم ددغې غلطې او خرافاتي عقیدې په رد کې وایي:

اللهج پردوی باندې د دوی د کفر او هغه تهمت له امله چې په بي بي مریم علیه السلام پورې یې وتاړه په قهر شو، او دوی به دا هم ویل چې ، مونږ عیسی علیه السلام د مریم زوی او د الله پاک پیغمبر وواژه، حال دا چې دوی نه هغه وژلی دی او نه یې په دار ځړولی دی بلکه خبره په دوی باندې ګډه وډه شوه ( دوی یې په ځای بل څوک وواژه) …یقینا دوی هغه ندی وژلی بلکې الله تعالی هغه خپل لور ته پورته کړی دی او الله(ج) توانمن او حکیم ذات دی.

د نساء سورت, ۱۵۶م- ۱۵۸م آيت


اعتراف

عیسویان چې کله ګناه وکړي نو بیا د یوه دیني شخصیت په وړاندې په خپله ګناه اعتراف وکړي نو دوی عقیده لري چې پدې سره به یې ګناهونه معاف او عذاب ترې ساقطیږي.

رباني عشاء او استحاله

عیسویان په دې باور لري چې عیسی علیه السلام له دار ځړیدو نه یوه شپه وړاندې خپل دوستان راټول کړل او په ټولو یې شراب او ډوډۍ وویشله نو ځکه خو اوس عیسویان هم یوه شپه راټولیږي ، شراب او ډوډۍ خوري او فکر کوي چې دغه شراب او ډوډۍ یې د عیسی علیه السلام وینه او غوښه وخوړله او دغه څه چې د چا خیټې ته لاړل نو عیسی علیه السلام یې له ځان سره ګډ شو.

د خنزیر غوښه

په داسې حال کې چې تورات د خنزیر غوښه حرامه کړې ده دوی هغه حلاله کړه، د انسان ختنه کول چې رواوو دوی حرام کړل او شراب یې هم حلال کړل.

د جنت ټکټ

کلیسا خپلو خلکو ته د پیسو په بدل کې د جنت ټکټ ورکوي چې د خریدار ګناه پرې معاف شي او په جنت کې یوه نمره ځمکه ورته ورکړل شي.

تنصیر او تبشیر څه شی دی؟

تنصیر دیني و سیاسي او استعماري حرکت دی چې د نړۍ په مختلفو وګړو کې د مسیحیت دین خپرول غواړي ، هغوی له خپل استعمار لاندې راولي او دغه ته بیا دوی د تبشیر نوم ورکوي چې معنا یې زیری ورکول دي.

موخې یې

  1. د توحید عقیده لمنځه وړل او د تثلیث شرکي عقیده خپرول.
  2. مسلمانان د خپل دین په اړه شکمن او بې باوره کول.
  3. په قران کریم کې تحریف کول او مسلمانان د هغه نه بل خوا اړول.
  4. د حضرت محمد صلی الله علیه وسلم په نبوت کې شک پیداکول.
  5. اسلامي شریعت له واک او حکومتي نظام نه لرې کول.
  6. په ټولنه کې اسلامي تعلیمات، اداب، اخلاق او ارزښتونه ختمول.
  7. داسلام په لور د مسیحیانو له راتګ نه مخنیوی کول.
  8. اسلامي هیوادونه او ملتونه ښکیلول.
  9. د هیوادونو قانون جوړونه، تعلیم، اقتصاد او فرهنګ په خپل لاس کې نیول.

د تنصیر د کار پړاوونه

مسیحیان چې غواړي مسلمان له دین نه واړوي نو له درې پړاوونو نه یې تیروي:

  1. له دیني التزام نه یې وباسي.
  2. بې دینه یې کړي.
  3. مسیحیت ته یې ننباسي.

د تنصیر وسایل

د مسیحیانو د تنصیري پروسې وسایل په لاندې ډول دي:

  1. تعلیمي ادارې جوړول.
  2. تعلیمي نصاب او سیستم غربي کول.
  3. تحصیلي بورسونه.
  4. روغتیایي خدمات او کلینیکونه.
  5. کتابونه او مجلې خپرول.
  6. رادیوګانې او تلویزیونونه جوړول.
  7. سپورتي کلپونه جوړول.
  8. کلتوري مرکزونه جوړول.
  9. کتابتونونه جوړول.
  10. مرستندویه موسسې جوړول.

حق دین

الله ج ټول پیغمبران د انسانانو د لارښوونې لپاره استولي دي تر څو خلک له تیارو نه رڼا ته، له ګمراهۍ نه هدایت ته، له باطل نه حق ته او له شرک نه توحید ته وباسي، د وروستني پیغمبر حضرت محمد صلی الله علیه وسلم له بعثت نه وړاندې به هر پیغمبر یوازې یوه قوم او یوې سیمې ته راتللو او شریعت به یې هم په هماغه قوم پورې ځانګړی ووخو وروسته د الله پاک فیصله داسې شوه چې دغه سلسله په حضرت محمد صلی الله علیه وسلم باندې پای ته ورسوي او د هغه دین نړیوال او شامل او کامل دین وګرخوي او همداسې وشول، نو د اسلام په راتګ سره ټول پخواني دینونه ختم شول، یوازې اسلام به ترقیامت پورې د الله ج حق دین وي او له اسلام پرته بل هیڅ دین هم الله(ج) ته د منلو ندی او که څوک په بل دین وي نو هغه به په ګمراهۍ او تاوان کې وي ، الله (ج) فرمایي:

ان الدین عند الله الاسلام

د آل عمران سورت, ۱۹م آيت


"دین د الله په وړاندې یوازې اسلام دی."

و من یبتغ غیر الاسلام دینا فلن یقبل منه وهو فی الآخرة من الخاسرین

د آل عمران سورت, ۸۵م آيت


"څوک چې له اسلام پرته بل دین لټوي ، له هغه نه به هیڅ کله هم ونه منل شي او په آخرت کې به له تاوانیانو څخه وي."

نو پدې بنسټ مونږ مسلمانان باید د الله(ج) شکر ادا کړو چې په حق دین ( اسلام ) باندې یې پیدا کړي یو ، باید پر اسلام وویاړو ، عملي یې کړو او نور لارورکی بشریت هم ورته راوبلو.

سرچينې

کينډۍ:Link FA کينډۍ:Link FA کينډۍ:Link FA کينډۍ:Link FA