کارن:عطاءالله مبارز حنفي

عطاءالله مبارز

عطاءالله مبارز د افغانستان یو ټولنیز فعال، لیکوال، او د طالبانو اسلامي تحریک پخوانی غړی دی، چې د سیاسي اسلام پلوی ګڼل کېږي. نوموړی د مولوي خیل‌الله زوی او د مولوي فضل احمد لمسی دی. هغه په ۱۹۸۹ ز کال کې د افغانستان د لوګر ولایت د برکي برک ولسوالۍ په یوه دیني کورنۍ کې زېږېدلی دی.

ژوند او زده‌کړې

مبارز له ځوانۍ راهیسې له سیاسي اسلام سره مینه لري. د طالبانو د اسلامي تحریک یو فعال غړی و. د امریکا پر ضد جهاد کې یې وسله‌واله او فرهنګي مبارزه کړې ده. ګڼې لیکنې یې د طالبانو اړوند رسنیو کې خپرې شوې دي.

دندې

په ۲۰۲۱ ز کال کې د طالبانو له لوري د کابل تر نیولو وروسته، مبارز د هېواد دولتي ورځپاڼې د مدیر مسؤل په توګه وګمارل شو. دا مهال نوموړی د "شریعت اردو" مجلې مسؤل مدیر دی او همداراز د "کابل ټکی کام" ویب‌سایټ مسؤل هم دی.

فعالیتونه

د ۲۰۲۳ ز کال د اکتوبر له اوومې نېټې راهیسې، کله چې حماس د "اقصی طوفان" عملیات پیل کړل، مبارز د ټولنیزو رسنیو، هیواد ورځپاڼې، او کابل ټکی کام له لارې د فلسطیني مقاومت ملاتړ پیل کړ.

نوموړی د اخوان المسلمین، انصارالله (یمن)، حزب‌الله (لبنان) او د عراق د اسلامي مقاومت ملاتړ هم کوي.

کورنۍ

درې اولادونه لري: صفیه، شریفه نرګس (لوڼې) او محمد عمر (زوی).

سرچینې

هېواد ورځپاڼه
کابل ټکی کام
څرک مجله
شهامت مجله
مرچل مجله
وحدت ورځپاڼه