ډاکتر حسنې مبارک عزیزي
ډاکتر حسنې مبارک عزیزي د افغانستان د علمي، اداري او سیاسي ډګر له هغو روڼ اندو، وطنپالو او نوښتګرو شخصیتونو څخه دی، چې د خپل هوښیار فکر، علمي پوهې او رښتینې ملي ژمنې له برکته یې د هېواد په بېلابېلو برخو کې ژور بدلونونه رامنځته کړي دي.
لومړنی ژوند
[سمول]ښاغلی عزیزي د پکتیکا ولایت د وازیخواه ولسوالۍ د پاچا خان قلعه په کلي کې د ۱۹۸۶ کال د فبروري په ۶ نېټه زېږېدلی دی. نوموړی د دروند او باعزته خانکاله کورنۍ غړی دی، چې له پلار او نیکه څخه یې د مشرۍ او خدمت دود په میراث پاتې دی. د هغه پلار، ډاکتر عزیزالله خان، په خپله سیمه کې د علم، خدمت او مشرتوب نښه وه.
زدهکړې
[سمول]ډاکتر حسنې مبارک عزیزي خپلې لومړنۍ زده کړې د قمرالدین کاریز په ښوونځي کې بشپړې کړې، منځنۍ زده کړې یې په کویټه کې وکړې. د لوړو زده کړو لپاره یې د پاکستان معتبر پوهنتونونو ته لار ومونده، چیرې چې یې د سیاسي علومو په برخه کې د لیسانس او ماسټر سندونه په اعلی درجه ترلاسه کړل. وروسته یې د سیاسي علومو په برخه کې د دوکتورا تر کچې زده کړې وکړې.
اداري او علمي خدمتونه
[سمول]له تحصیل وروسته ډاکتر عزیزي خپل هېواد ته راستون شو او د ازادې سیالۍ له لارې د غزني ولایت د پوهنې د رئیس په توګه وټاکل شو. د ده په مشرۍ د معارف نظام پرمختګ وکړ، ښوونیزې ودانۍ جوړې شوې، مسلکي ښوونکي جذب شول او د زدهکړې کیفیت لوړ شو. وروسته د پوهنې وزارت د ستر سلاکار، او ورپسې د ښوونځیو او انستیتیوتونو د لوی رئیس په توګه دنده ترسره کړه.
سیاسي او اجرایي مسوولیتونه
[سمول]ډاکتر عزیزي د کاپیسا ولایت د پوهنې رئیس، د پوهنې وزیر سلاکار، او وروسته د ترانسپورت وزارت د بهرنیو اړیکو او قوانینو لوی رئیس پاتې شوی دی. د ده په مشرتوب د لاجورد دهلېز، د چابهار تړون او د کټای دهلېز پروژې عملي شوې، چې د افغانستان د سیمهییز تجارت په پراختیا کې یې مهم رول ولوباوه. وروسته د محمد اشرف غني د حکومت پر مهال د ترانسپورت وزیر شو.
علمي دوام
[سمول]د جمهوریت تر سقوط وروسته ډاکتر عزیزي ترکیې او بیا ایران ته لاړ او د ماهان پوهنتون کې یې د سیاسي علومو دوکتورا پیل کړه. وروسته کابل ته راستون شو او له چارواکو سره یې فکري او سلا مشورې شریکې کړې. هغه د آرېانا پوهنتون هم واخیست او د دې بنسټ د بیا رغونې او پرمختګ لپاره یې هڅې وکړې.
اثار
[سمول]- Political Science at a Glance
- Pakistan–Afghanistan Relations and Its Implications on the Region
- International Organisations (نا چاپ)
- Infrastructure and Development in Regional Connectivity (نا چاپ)
پایله او میراث
[سمول]ډاکتر حسنې مبارک عزیزي د افغانستان د علمي او سیاسي قشر له نامتو څېرو څخه دی. هغه نه یوازې یو پوه، مدیر او سیاستپوه دی، بلکې یو ملي اندیش سړی دی چې د وطن د ابادۍ، معارف د ودې او د سیمې د اقتصادي اتصال لپاره یې رښتینې هلې ځلې کړې دي. د ده ژوند د علم، وطنپالنې، صداقت او ژمنتیا سمبول دی — او د نوو نسلونو لپاره یو الهامبښونکی مثال ګڼل کېږي.