هرمز تنگی

هرمز تنگی يا هرمرز اوبلار (په پارسي ژبه: تنگه هرمز‎) د نړۍ یو له مهمو سمندري لارو څخه دی چې د کښتیو د تگ راتگ لپاره کارېږي. دا تنگی د پارس خليج او عمان سمندر ترمنځ موقعيت لريچې د پارس خليج له عمان سمندر سره نښلوي او د ايران، عمان او متحده عربي اماراتو ترمنځ پروت دی. د منځني ختيځ د نفتو د صادراتو يوه اساسي او حياتي لاره گڼل کېږي.

هرمز تنگی د منځني ختيځ د نفتو د لېږد رالېږد يوه ارزښتمنه لاره ده، چې د منځني ختيځ د نفتو ډېره برخه له همدې لارې نړۍ‌والو بازارانو ته وړاندې کېږي،همدا لامل دی چې اوسمهال د هرمز تنگی د ايران او امريکا اسرائيل جگړه کې د يو ستراتيژيک موقيعت په توگه د فشار د وسيلې په توگه کارول کېږي.

هرمز تنگی

تنگهٔ هرمز (پارسي)
مضيق هرمز (عربي )

د هرمز تنگي يو هوايي ليد (انځور)

ټوليز مالومات

عمومي مالومات	تنگی
فزیکي ځای	پارس خليج
هېواد	ايران، عمان،  متحده عرب امارات

کچه او لوړوالی

لنډوالی	۵۵ كيلومتر

نور اړين مالومات

برخه د	پارس خليج

نور مالومات

کورډي‌نېشن	۲۶°۳۶′شمال ۵۶°۳۰′ختیځ

د هرمز تنگي ځمکپوهنه

د هرمز تنگي جغرافيايي نخشه

د هرمز تنگی د ايران او عمان ترمنځ موقعيت لري چې له۳۰-۵۰ کيلومتره پلنوالی لري؛ خو د تېرېدو ۲ اوبلارې لري، چې هره اوبلار يې شاوخوا ۳ کيلومتره پراخوالی لري چې د نړۍ ورځني ۲۰٪ نفت چې له سعودي عربستان، ايران، عراق، متحده عرب اماراتو، کوېټ او قطر نه نورو هېوادونو ته بهرلېږل کېږي او له همدې لارې نړۍ‌والو بازارونو ته رسېږي. هرمز تنگی له شمال څخه د ایران ( د بندر عباس) او له سوېل څخه د عمان سلطنت (مصندم) سیمې سره نښلي.