نور احمد قرآن مل
استاد نور احمد قرآن مل د حاجي عبدالحمید اخندزاده زوی او د ارواښاد خطیب او خطاط عبدالاحد غریبک اخندزاده لمسئ، د خطیب ملا عبدالخالق اخند زاده کړوسئ په ټبر سنځرخیل کاکړ دی نوموړی په ۱۳۵۷ لمریز کال کي د افغانستان د کندهار ښار په دریمه ناحیه د کاکړو په کوڅه کي زو کړئ دی، او اوس وخت د کندهار ښار د ۱۰ ناحیې اړوند په کارته معلمین کي اوسیږي. د قرآن مل پلرنئ استوګنځای د کندهار ښار څلورمه ناحیه ده د بامیزو کوڅه ، او نیکه ګانو یې همدلته د زړې جامع د امامت چاري په غاړه درلودې. استاد قران مل د کندهار ولایت له مشهوره لیکوالانو او پوهانو څخه ګڼل کیږي، چي له تیرو څو لسیزو راهیسي یې بېلابیلي لیکني او ژباړي ترسره کړي دي.
زده کړي
[سمول]قرآن مل لومړنۍ دیني زدکړي د کلي او محل د ملا امامانو څخه ترلاسه کړي دي، او نوري دیني زدکړي یې دهجرت پر مهال په ۱۳۶۸ کي د کوټي ښار په ارباب کرم خان روډ احسانیه مدرسه کي لاسته راوړي. ورپسې د همدغه هجرت پر مهال په ۱۳۷۰ کال د کوټي ښار د حضرت عثمان بن عفان (رض) له ښوونځي څخه د شپږم ټولګی فارغ په کچه فارغ سو.
لنډ مهالي زده کړي
· د ۱۳۸۶ـــ۱۳۸۹ پوري په کابل کي د اداري اصلاحاتو د انستیتیوت داداري مهارتونو، مشرتوب ، منیجمنټ ټراینر او ټراینرانو ټراینر په توګه لندمهالي زده کړي. او د ماسټر ترینرۍ ډیپلومه یې اخیستې ده.
· د عملیاتي پلان په برخه کي په جاپان هیواد اوکیناوا ولایت کي زده کړي.
· د کوچنیانو نو دتدریسي نصاب د تدوین او تصحیح په برخه کي د پاکستان د پيښور په اریک تعلیمي مرکز کي زده کړي او او تدریسي نصاب پروپ ریډینګ دنده.
· د کندهار دمعارف په چوکاټ کي بیلابیلي ښوونیزي او روزنیږي زده کړي.
دندي
[سمول]استاد قرآن مل د ښوونکيتوب، سرښوونکيتوب، د ښوونځي آمریت، د عالي دار المعلمین اداري معاونیت، منیجمنټ ټراینر، مربي ښوونکئ،د افغان یونایټد انوایسمینټ دبشری سرچینو آمریت، دافغانستان اداري ښوونیز مرکز موسیس او مسؤلیت، د کندهار پوهنتون دتضمین کیفیت او مسلکي پراختیا په برخه کي د غوره مدیر په توګه خدماتي دنده، د کندهار پوهنتون دعلامه حبیبي کتابتون عمومي بر حاله د معلوماتي ټکنالوژۍ عمومي مدیریت، په تعلیم الاسلام راډیو کي د «اسلامي ادارې» ، «ټولنیز ژوند» او «قران کریم د علمي اعجاز » خپرونو لیکونکئ او پروډیوسر په توګه دندي ترسره کړي دي.
سفرونه
[سمول]استاد په ژوند کي څو ځله پاکستان، یو ځل ایران، دوه ځله هند، یو ځل جاپان، او درې ځلي سعودی عربستان ته سفرونه کړي دي.
غړیتوبونه
· په ۲۰۰۷ کال کي د ۳۴ اسلامي او غیراسلامي هیوادونو عراق، پاکستان، ایران ، سعودي عربستان، کویټ، اندونیزیا، مالیزیا، سوريي ، بنګلدیش، هند، بولویا، پاناما، کیوبا، ارجنټاین، او.....ّ ) د ځوانو رهبري کدرونو د کنفرانس غړی (جاپان هیواد)
· په ۱۳۹۸ کال د اسلام په پراختیا کي د تصوفو ونډه نړۍ وال سیمینار کابل غړی
· په ۱۳۹۹ ل کي (د شرق نابغه افغان سید جمال الدین ) اړوند دنړۍ وال سیمینار غړیتوب (کابل کونړ)
· په ۱۴۰۲ ل کال حوت کي د ( ابوریحان البیروني د نړۍ وال سیمینار) غړیتوب . کابل ـ غزني
لیکني او ژباړي
[سمول]چاپ سوي اثار:
۱ پر تلیزي رسنۍ « په ۱۵۰ کلونو کي دافغانو رسنیو پرتلنه»
۲ راتلونکې داسلام ده «له عربي څخه ژباړه»
۳ کائنات ژوندي دي «داسترونومۍ او قران کریم مقایسوي تحقیق »
۴ پنځه څېرې چي باید هیري نسي.
۵ افغانستان د سیاست په درشل کي « د ظاهرخان ـ د نجیب د نظام تر سقوطه»
۶ انسان داسلام په دایره کي «دمساواتو او اعتدال تر منځ تفکیک »
۷ ریښتونی استازي«د رسول الله ﷺ او ټولنیز او سیاسي سیرت څېړنه »
۸ عمومي اروا پوهنه «له دري وپښتو ته ژباړه د پوهنمل استاد محمد پذیر حکیمي اثر»
۹ تدریس آموزي « له دري و پښتو ته ژباړه د پوهنمل حسن علي مهجور اثر»
۱۰ د غریبک خزانه « دملاعبدالاحدغریبک دژوندفن اړوند تالیف»
۱۱ د بشري سرچینو مدیریت نڅوړ او زیاتونه « په HRM برخه لنډ تدریسي تالیف»
۱۲ راځئ چي پلان جوړ کړ « دپلان اړوند تدریسي تالیف»
۱۳ لمرین کلی «د افغانستان او چاپان مقایسه»
۱۴ د یادونو ځولی « آزاد او مقید شعرونه »
۱۵ داوښکو بهیر « آزاد او مقید شعرونه »
۱۶ خطاب « آزاد او مقید شعرونه »
۱۷ زما غوښتني «لنډي نثري ادبي ټوټې»
۱۸ ادبي ډېوه « تذکرة الشعراء »
ناچاپ یا چاپ ته تیار اثار :
ü د ایمان اصلي او فرعي معیارونه( دالعصر سورت )د قران په عینکو کي
ü درېیم نړۍ وال بحران «دنړۍ دمعاصرسیاست لیرلید او د ټکر نقطې»
ü توحید او شرک په اسلام کي «علمي سیمینار»
ü د مورنۍ ژبي په ویاړ «علمي سیمینار»
ü د معاصر بحران څخه د وتلو طرحه ۱۳۹۹ ل کال
ü د معارف د ریفورم طرحه ۱۴۰۱ ل کال
ü درحمت کور«دسعودي عربستان ددیني سیرعلمي ګذارش»
ü د شهودي معرفت لاره« دوحدت شهود دفکري خط شننه»
ü د اسلام حیرانوونکئ پرمختګ او دمسلمانانو لټي « له دري ژباړه»
ü نبوي کتابتون«دنبويﷺ حرم د کتابتون تاریخچه او لارښود»
ü د مدینې منورې موزیم «تاریخچه او لارښود»
ü د زندان د پنجرو ترشا«د زینب غزالي جبیلی اثر له فارسي ژباړه»
ü ځوانیمرګ شاعر عبیدالله ځګرخون«د شاعرانه سبک څېړنه یې»
ü خوست به کله راځې «سیرعلمي ګذارش»
ü ستاپر سردرو باندي «سیرعلمي ګذارش»
ü لس تحلیلي مقالې : لمړی ټوک
ü لس تحلیلي مقالې : دوهم ټوک
ü زه مسلمان یم : دځان دفاعیه او دبل سړي رد.
ü کندهار د شوروي یرغل پر مهال
ü مخکتني
ü ستا خبري ملغلري
ü د مقیدو شعرونو غونډ
ü د ازادو او سپینو شعرونو غونډ
په زیار ، سمون او سریزه سوي چاپی اثار
· (صبر) د حاجي عبدالحکیم حلیمي تالیف
د شیدا عبدالحکیم ژوند او فن
· د حاجي عبدالحمید غمجن ژوند او فن
· حکم الطلاق في الشریعة الاسلامیه د دوکتور مفتي مولوي عبدالحلیم حلیم ناچاپ اثر
· د کائناتو راز مؤلف انجنير محمدناصر نیکزاد سمون او سریزه
· اسرار الاسلام : مقایسوي لیکنه : لیکوال مولوي صدیق الله صاحب ناچاپ اثر. ترتیب، سمون او سریزه
· ولي دي بد راسره وکړه : د میرمن فاطمې تقوی چاپ سوئ ناول . د هغې د محترم پلار په غوښتنه
· ستوري ستوري یادونه دعبدالله ستوري څو ټوټې شعرونه
· د رازونو هدیره: داستاد نجیب الله هوتکی نثري ټوټې
· پښتو لنډۍ او کاکړۍ غاړي: د څارنوال منګل احمد خان منظوم او منثور چاپ سوئ اثر
· کندهار د مقاومت لمر :دحاجی عطامحمد سرکاتب شهید مل ، تاریخي تحقیقي اثر چاپ سوئ.
· تاند یادونه: د زرپاني همپا لمړۍ شعري ټولګه . د هغې محترم پلار په غوښتنه
· د ډبرو پرڅوکو« دقران مل » د ځوانیمرګ ورور عبیدالله اسلام دوست،تاریخی یادښتونه او داستان. ناچاپ
· زروړانګه مجله : د معارف ریاست خپرندوی مجله ۱۳۸۴ ل کال
تر کار لاندي اثار :
ü کندهار دروسي او امریکايي یرغل پر مهال «تاریخي یادښتونه»
ü کائنات مري «د قران په علمي اعجاز کي د کائناتو سقوط»
ü د مرزا غالب په دیره کي « دهند هیواد د دوهم ځلي سفر ګذارش»
ü د پړوندو پر لاره د حاجی اسدالله سعید یادښتونه