مهدي (عباسي خلیفه)

اړوند
زېږونځای	Humeima (en)
زېږون نېټه	۳ اگست ۰۷۴۴
مړينې نېټه	۲۴ جولای ۰۷۸۵
مړينې ځای	Izeh (en)
ژبې	عربي ژبه
دنده	سياستوال — شاعر — Caliph (en)
عمومي مالومات	انسان
وروڼه او خويندې	لړۍ... Ja'far ibn Abdallah al-Mansur (en) — Ja'far al-Ashgar (en) — Salih al-Miskin (en) — Sulayman ibn Abi Ja'far (en) — Aliyah bint al-Mansur (en)
دین	اسلام

د مسلمانانو واکمن او خليفه ابو عبدالله محمد المهدي بن عبدالله المنصور بن محمد بن علي بن عبدالله بن العباس بن عبدالمطلب الهاشمي القرشي ( ۱۲۷-۱۶۹هـ ق/ ۷۴۵-۷۸۵) AD ) چي په لنډه توګه د محمد المهدي یا مهدي په نوم پېژندل کیږي د عباسیانو دریم واکمن او د پیغمبر محمدﷺ څخه وروسته د خليفه ګانو په ترتیب کي 22م خلیفه دی. نوموړي له ۱۵۸ هـ ق/ ۷۷۵ زیږدیز څخه بیا تر ۱۶۹ هـ ق/ ۷۸۵ زیږدیز پوري د عباسي خلافت واګي په لاس کي درلودې.

خلیفه مهدي د خپل پلار ابوجعفر المنصور له مړیني وروسته په ۱۵۸ هـ ق/ ۷۷۵ زیږدیز کي د هغه ځایناستۍ سو. دده مور ام موسی بنت منصور الحمیریه نومېدل، او داچي د پلار په زامنو کي د غوره اخلاقو خاوند وو، له همدې کبله یې د هغه د واکمنۍ پر مهال د طبرستان چاري په لاس کي درلودې. د مهدي په خلافت کي د هند ایربد سیمه او د روم بېلابېل ځایونه فتحه سول، او د عباسي خلافت پلازمینه بغداد د نړۍ ګڼ نفوسه او ستر اقتصادي ښار وګرځېدی. مهدي د خپلي واکمنۍ پر مهال له ملحدینو، بې دینانو، اختلاف کوونکو او شر خوښوونکو کسانو سره ډېر سخت چلند کاوه او ددوی په وړاندي یې د فوځي زور کارولو ترڅنګ علمي لیکني او کتابونه هم خپاره کړه، ترڅو اسلامي نړۍ ددې فتنې له شره وژغورل سي. نوموړی په 169 هجري قمري کال کښي وفات سو، او د خلافت موده یې نژدې لس کاله او یوه میاشت وه.