منير شاکر

منير شاکر

اړوند

زېږونځای	کورم ولسوالۍ
ښاروندتوب	پاکستان
زېږون نېټه	۴ اپريل ۱۹۶۹
مړينې نېټه	۱۵ مارچ ۲۰۲۵
مړينې ځای	ليډي ريډينگ هستپال
زدکړنځی	جامعه فاروقيه
ژبې	پښتو — اوردو ژبه — عربي ژبه
دنده	مفتي

ټوليز مالومات

عمومي مالومات	انسان
دین	اسلام

جوړښت

د معماري سټایل	ديوبندي

مفتي منير شاکر (انګليسي ژبه: Munir Shakir‎) د مولوي رحمت الله زوی په ۱۹۶۹ ز کال د خيبر پښتونخوا ايالت د کورم ولسوالۍ په مخيزۍ کلي کې زېږېدلی وو، هغه خپلې دينې زده کړې يې د کراچۍ په جامعه بنوريه کې ترسره کړې، وروسته يې د اورمړو جامع جومات کې د ندای قرآن په نوم مدرسه هم جوړه کړه. مفتي منير شاکر يو زړور، رېښتينی او حق ويونکی عالم وو، چې زموږ د زمانې يو له تر ټولو بې پروا، بې وېرې او رېښتيا ويونکو ديني عالمانو څخه وو. هغه د دیوبندي مکتب فکر د پنج پیر څانګې استازی و او د "اشاعت توحید" تنظیم غړی هم پاتې شوی و. دی د پښتون قومي جرګې غړی هم و او د ۲۰۲۴ کال اوکتوبر جرګې کې یې له ګډونوالو د پښتنو حقونو ته د وفادارۍ لوړه هم اخېستې وه.

مفتي منير شاکر په ۲۰۰۴ ز کال کې د لښکر اسلام په نوم يوه وسله واله ډله جوړه کړه، په باړه کې يې د يوې اېف اېم راډيو له لارې خپرونې هم پيل کړې، دې وخت کې د ده او پير سيف الرحمن چې په ۱۹۸۰ ز کال له افغانستان باړې ته ورغلی وو او همالته استوگن وو، نظر اختلاف پيدا شو، چې پير سيف الرحمن يې هم په مقابل کې اېف راډيو جوړه کړه، چې دا مخالفت وروسته وسله والې نښتې ته واووښت د ۲۰۰۶ ز کال د مارچ په ۲۹ مه مفتي شاکر د پير سيف الرحمن پروړاندې د لويې جگړې چمتووالی ونيوه، دا چې د دوی دواړو ترمنځ نښتو او جگړو په سيمه کې ناامني جوړه کړه، نو ۶ مياشتې وروسته دواړه مفتي شاکر او پير سيف الرحمن د قامي جرگې د پرېکړې له مخې له باړې نه په وتلو محکوم شول. له دې وروسته د لښکر اسلام ډلې مشري د منگل باغ لاسته ورغله چې وروسته بيا په ۲۰۰۸ ز کال کې پر دې ډلې بنديز ولگېده.

مړينه

وروسته له هغې چې مفتي منير شاکر پېښور شگي قلعه توحید اباد کې د خپلې مدرسې مخې ته د مازیگر پر وخت په یوه چاودنه کې ټپي شو، چې د ۲۰۲۵ ز کال د مارچ په ۱۵ مه يې په ليډي ريډينگ هسپتال کې ساه ورکړه.

دا هم وگورئ!

• مولانا سميع الحق حقاني
• مولانا حميدالحق حقاني