محمود غزنوي جومات
د سلطان محمود غزنوي جومات د پاکستان په شمال کې تر ټولو زوړ جومات دی چې په ۱۹۸۵ ز کال کې په پاکستان کې د اېټاليا لرغونپوهنې ماموريتي ډلې ومونده.[۱] دا جومات د زړې دورې اسلامي معمارۍ او ودانۍ جوړولو استازيتوب کوي.
| عمومي مالومات | |
|---|---|
| اداري سیمه | |
| هېواد |
| کورډينېشن |
|---|
عربي ليکنو موندنه
[سمول]۱۹۸۴ ز کال کې په ناڅاپي ډول د راجا گيرا د کلا لاندې د غونډۍ لمنو کې په تور مرمر باندې په عربي ژبه يو کښل شوی ليک وموندل شو.[۲] دا ليکنه په ۴۴۰ سپوږميز (۱۰۴۶-۱۰۴۹ ز) کال په اوږدو کې د غزنوي پوځي مشر امير نستگين ( چې په تاريخ کې يې ذکر نه دی راغلی، يوازې همدې ډبرليک کې نوم راغلی دی) له خوا د جومات بنسټ اېښودلو ښکارندويي کوي.[۳]
۱۹۸۵-۱۹۹۹ ز کلونو سيمه ييزې کيندنې
[سمول]د ۱۹۸۵-۱۹۹۹ ز کلونو منځ کې چې د دې سيمې کومې کيندنې وشوې، په هغې کې څرگنده شوه چې دا جومات له لرگيو څخه جوړ شوی وو، او په چت او ستنو کې يې لرگي د گندهارا د معمارۍ په دود کارول شوي وو.
ودانۍ جوړولو بڼه
[سمول]د کنډوالو له کيندنو وروسته د دې جومات د ۳۰ فوټه لوړو دېوالونو نښې، يوه هديره، عامه خونې، د زده کوونکې خونې او د اوبوبيزې ژرندې پاتې شونې وموندل شوې، ترڅنگ يې د بودايي ستوپا (سټوپې) نښې هم راښکاره شوې چې د جومات تر جوړولو دمخه دلته موجوده وه. [۴] دې جومات مستطيلي شکل او ټول ۲۸ متره په ۲۱ متره کې پراخوالی لرلو.
سرچينې
[سمول]- ↑ "Italy Ambassador Visit Swat". Youtube. بياځلي په 7 February 2014.
- ↑ "Literature inSwat". Swatvalley.com. خوندي شوی له the original on 15 April 2022. بياځلي په 16 March 2014.
- ↑ Swat Archeological Museum- A Brief Guide, Saidu Sharif, 2013
- ↑ Fazal, Khaliq (March 3, 2011). "Swat tourism: Historical mosque hopes for new life". Express Tribune. بياځلي په 7 February 2014.