فضل الرحمن (سیاستوال)

فضل الرحمن ( زوکړه: ۱۹۵۳ کال، د جون ۱۹مه) یو پاکستانی سیاستوال دی چي په دغه هیواد کي د جمعیت علمای اسلام (ف) په نوم ګوند مشري په غاړه لري. فضل الرحمن پخوا د پاکستان د ډیموکراټیک غورځنګ (PDM) مشر وو، چي د سیاسي ګوندونو یو ایتلاف ګڼل کېدی،او په ۲۰۲۲ کال کي یې د هغه وخت لومړی وزیر عمران خان له سیاسي لاري له واکه لیري کړ. په ۱۹۸۰ لسیزه کي فضل الرحمن د ډیموکراسۍ د بیا رغونې غورځنګ (MRD) له برخه والو څخه وو، کوم چي د جنرال ضیاء الحق د پوځي رژیم د پای ته رسولو لپاره رامینځته سوی وو.

فضل الرحمن

اړوند

زېږونځای	Abdul Khel (en)
ښاروندتوب	پاکستان
زېږون نېټه	۱۹ جون ۱۹۵۳
زدکړنځی	د پېښور پوهنتون — د الازهر پوهنتون
ژبې	پښتو — اوردو ژبه — عربي ژبه — انګليسي ژبه
ګوند	Jamiat Ulema-e-Islam (en) — جمعیت علماء اسلام
دنده	سياستوال

ټوليز مالومات

عمومي مالومات	انسان
وروڼه او خويندې	Atta ur Rehman (en) — Latuf Ur Rehman (en) — ضیاءالرحمن

فضل الرحمن په پښتونخواه او افغانستان کي یوه منفوره څېره ګڼل کیږي، چي همېشه تر خپل صلاحیت او حیثیت پورته سیاستونه په لاره اچوي، او د خپل هیواد لپاره جمهوریت او د ګاونډیانو په ځانګړې توګه افغانستان لپاره جلا نظام غواړي. په داسي حال کي چي نوموړي هر وخت په پاکستان کي د شریعت د نافذولو غوښتنه کړې، او د ځینو له خوا هغه ته افراطي هم ویل کیږي، خو بیا هم د افغانستان لپاره د زور، ویني تویولو او جګړې او پاکستان لپاره د ولسواکۍ پلوی دی.

د ۲۰۱۸ کال د پاکستان په عمومي ټاکنو کي له ماتي وروسته فضل الرحمان له ملي شورا څخه وشړل سو او په خیبر پښتونخوا کي د لوی سیاسي ملاتړ په ترلاسه کولو کې پاته راغی، او په خپل اصلي سیمه کې یې د ۹۹ څوکیو څخه یوازي ۱۰ څوکۍ وګټلې، چي دا په پښتون مېشته سیمو کي دده لپاره لوی شرم او ننګ وو.